ଶତ୍ରୁଘ୍ନ କହିଲେ ‘ତେରି ମେହଫିଲ ମେ ହମ୍‌ ନା ହୋଙ୍ଗେ..’, ବିଜେପି ଛାଡ଼ିବାର ସଂକେତ ନୁହେଁ ତ ?

ନୂଆଦିଲ୍ଲୀ : ହିନ୍ଦୀ ସିନେମାରେ ନିଜର ଡାଇଲଗ୍‌ ଏବଂ ବାହାରେ ବଦ୍‌ରାଗୀ ଭାବେ ପରିଚିତ ଶତ୍ରୁଘ୍ନ ସିହ୍ନା ଭାରତୀୟ ଜନତା ପାର୍ଟିର ଜଣେ ବରିଷ୍ଠ ନେତା । ତେବେ ୨୦୧୪ରେ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହେବା ପରେ ତାଙ୍କୁ ଦଳରେ ଅଣଦେଖା କରାଯାଉଛି । ତେଣୁ ନିଜର ସ୍ୱଭାବ ସୁଲଭ ଢଙ୍ଗରେ ଶତ୍ରୁଘ୍ନ ମୋଦି ସରକାରଙ୍କୁ ଲଗାତର ଭାବେ ସମାଲୋଚନା କରିବାର ମଉକା ଛାଡୁ ନାହାନ୍ତି । ତଥାପି ଏଯାଏ ସେ ଦଳ ଛାଡ଼ି ନଥିଲେ । ହେଲେ ଆଜି ଯେଉଁ ଟୁଇଟ୍‌ କରିଛନ୍ତି, ସେଥିରୁ ଲାଗୁଛି ଯେ ଆଉ ବୋଧହୁଏ ଶତ୍ରୁଘ୍ନ ଓରଫ୍‌ ସଟ୍‌ଗନ୍‌ ପଦ୍ମ ଦଳ ସହ ରହିବେ ନାହିଁ । ସେ ମୋଦିଙ୍କୁ ଟୁଇଟ୍‌ କରି କହିଛନ୍ତି କି ‘‘ସାର୍‌, ସାରା ଦେଶ ଆପଣଙ୍କ ସମ୍ମାନ କରେ । ହେଲେ ଆପଣ ଯେଉଁ ପ୍ରତିଶ୍ରୁତି ଦେଇଥିଲେ, ଯାହା କହିଥିଲେ ସେ କଥା ରଖି ନାହାନ୍ତି । ତେଣୁ ଆପଣଙ୍କ ନେତୃତ୍ୱ ବିଶ୍ୱସନୀୟତା ହରାଇଛି ।’’ ସେ ଆଉ ଗୋଟିଏ ଟୁଇଟ୍‌ରେ ଲେଖିଛନ୍ତି ‘‘ପୁରୁଣା ପ୍ରତିଶ୍ରୁତି ଏପର୍ଯ୍ୟନ୍ତ ପୂରଣ କରାଯାଇ ପାରିନାହିଁ । ଆଶା ଓ ଶ୍ରଦ୍ଧାର ସହ କେବଳ ପ୍ରାର୍ଥନା କରୁଛି । ହୁଏତ ମୁଁ କିନ୍ତୁ ଆପଣଙ୍କ ସହ ନଥିବି । ମୋହବତ୍‌ କରନେଓ୍ଵାଲେ କମ୍‌ ନା ହୋଙ୍ଗେ (ଶାୟଦ), ତେରି ମେହଫିଲମେ ମଗର ହମ୍‌ନା ହୋଙ୍ଗେ’’ ।


ତେବେ ଆଗାମୀ ଲୋକସଭା ନିର୍ବାଚନ ପୂର୍ବରୁ ଶତ୍ରୁ ଏଭଳି କାହିଁକି ସଂକେତ ଦେଇଛନ୍ତି ତା ପଛରେ ରହିଛି ଅଲଗା ରହସ୍ୟ । ପ୍ରକୃତ କଥା ହେଉଛି ତାଙ୍କୁ ଦଳ ଏଥର ଟିକେଟ୍‌ ଦେଉନଥିବା ଜଣାପଡ଼ିଛି । ତେଣୁ ଶତ୍ରୁଘନ ଏଭଳି ଟୁଇଟ୍‌ କରିଛନ୍ତି ସିଧାସଳଖ ମୋଦିଙ୍କୁ । ସେ କହିବା କଥା ହେଉଛି ଯେ ଗତ ନିର୍ବାଚନରେ ସେ ସର୍ବାଧିକ ଭୋଟ୍‌ ବ୍ୟବଧାନରେ ଜିତିଥିଲେ । ତଥାପି ତାଙ୍କୁ ଦଳ ଟିକେଟ୍‌ ଦେଉ ନାହିଁ । କଣ ପାଇଁ ବୋଲି ମଧ୍ୟ ସେ ପ୍ରଶ୍ନ କରିଛନ୍ତି । ଅନ୍ୟ ରାଜନୈତିକ ଦଳ ତାଙ୍କୁ ପ୍ରସ୍ତାବ ଦେଇଛନ୍ତି ବୋଲି ମଧ୍ୟ ଶତ୍ରୁ କହିଛନ୍ତି । ଆପଣ କାହିଁକି ଦଳ ଛାଡ଼ି ଦେଉ ନାହାନ୍ତି ବୋଲି ସାମ୍ବାଦିକଙ୍କ ପ୍ରଶ୍ନର ଉତ୍ତରରେ ଶତ୍ରୁଘନ କହିଛନ୍ତି ‘‘ଦଳ ମୋତେ ବାହାର କରୁ ନାହିଁ କାହିଁକି ? ମୁଁ ତ ଦଳ ପାଇଁ ଅନେକ କାମ କରିଛି । ଗତ ଥର ମଧ୍ୟରେ ମୋ ଟିକେଟ୍‌ ପାଇବା କଥା ଶେଷ ମୁହୂର୍ତ୍ତରେ ଘୋଷଣା କରାଯାଇଥିଲା । ଏଥର ଶୁଣୁଛି କି ମୋତେ ଟିକେଟ୍‌ ମିଳିବ ନାହିଁ ।’’ ଏହି ଚର୍ଚ୍ଚାକୁ ନେଇ ସେ ବିଜେପି ଛାଡ଼ିବାର ସଂକେତ ଦେଇଥିବା କୁହାଯାଉଛି ।

 

 

 

KNews Bureau

Recent Posts

ସ୍ଥିର ରହିଛି ସୁନା ଦର, କିଣିବାକୁ ଚାହୁଁଛନ୍ତି କି ଆଜି ହିଁ ନେଇ ଆସନ୍ତୁ

ଆଜି ସ୍ଥିର ରହିଛି ସୁନା-ରୂପା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି ତେବେ…

10 mins ago

ବାରିପଦା ବସ ଷ୍ଟାଣ୍ଡରେ ହଣାକଟା ଘଟଣା: ଉଭୟ ପକ୍ଷରୁ ୧୦ ଜଣଙ୍କୁ ଗିରଫ କରିଛି ପୋଲିସ୍

ବାରିପଦା (କେନ୍ୟୁଜ): ବାରିପଦା ଘରୋଇ ବସଷ୍ଟାଣ୍ଡରେ ହଣାକଟା ଘଟଣାରେ ପୋଲିସର ଆକ୍ସନ । ଦୁଇଟି ପୃଥକ ପୃଥକ ମାମଲା ରୁଜୁ…

19 mins ago

ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି : ସକାଳ ୫ଟାରୁ ରାତି ୯ଟା ପର୍ଯ୍ୟନ୍ତ କର୍ଫ୍ୟୁ କୋହଳ

ବାଲେଶ୍ବର (କେନ୍ୟୁଜ): ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି । ପୌରପାଳିକାର ବିଭିନ୍ନ ଅଞ୍ଚଳରେ କୋହଳ ହେଉଛି କର୍ଫ୍ୟୁ । ଆଜି…

27 mins ago

ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ, ରୋଗୀ ସମେତ ୪ ଗୁରୁତର

ଜଳେଶ୍ବର (କେନ୍ୟୁଜ): ଟ୍ରକକୁ ଧକ୍କା ଦେଇ ଜଳିଗଲା ଆମ୍ବୁଲାନ୍ସ । ରୋଗୀ ସମେତ ୪ ଜଣ ଆମ୍ବୁଲାନ୍ସ କର୍ମଚାରୀ ଗୁରୁତର…

44 mins ago

ଅଣସର ନୀତି: ଜ୍ବରରେ ଆକ୍ରାନ୍ତ ମହାପ୍ରଭୁ, ପୂଜା ପାଇବେ ପଟି ଦିଅଁ

ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ।  ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…

59 mins ago

ଅଣସର ଘରେ ମହାପ୍ରଭୁ, ଆଜିଠୁ ଅଲାରନାଥ ଦର୍ଶନ

ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…

1 hour ago