ମହାରାଷ୍ଟ୍ର: ମୁମ୍ବାଇର ୱର୍ଲି ଅଞ୍ଚଳରେ ଏକ ମତଦାନ କେନ୍ଦ୍ରର ଶୌଚାଳୟ ଭିତରୁ ଜଣେ ପୋଲିଂ ଏଜେଣ୍ଟଙ୍କ ମୃତଦେହ ମିଳିଛି । ମୃତ ପୋଲିଂ ବୁଥ୍ ଏଜେଣ୍ଟଙ୍କ ନାମ ମନୋହର ନଲଗେ ବୋଲି ଜଣାପଡ଼ିଛି । ୬୨ ବର୍ଷୀୟ ନଲଗେ ଶିବସେନା (ୟୁବିଟି)ର ପୋଲିଂ ବୁଥ୍ ଏଜେଣ୍ଟ ଥିଲେ । ମୁମ୍ବାଇର ଏନ୍ଏମ୍ ଯୋଶୀ ମାର୍ଗ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
ମିଳିଥିବା ସୂଚନା ମୁତାବକ, ନଲଗେ ଦୀର୍ଘ ଦିନରୁ ଶିବସେନା (ୟୁବିଟି)ର ପୋଲିଂ ଏଜେଣ୍ଟ ଥିଲେ ଏବଂ ବର୍ଷ ବର୍ଷ ଧରି ଦଳ ସହିତ ଯୋଡ଼ି ହୋଇ ରହିଥିଲେ ।
କହି ରଖୁଛୁ ଯେ ଲୋକସଭା ନିର୍ବାଚନର ପଞ୍ଚମ ପର୍ଯ୍ୟାୟରେ ସୋମବାର ମହାରାଷ୍ଟ୍ରର ୧୩ଟି ଆସନରେ ମତଦାନ ଅନୁଷ୍ଠିତ ହୋଇଥିଲା । ରାତି ସୁଦ୍ଧା ପାଖାପାଖି ୪୯.୦୪ ପ୍ରତିଶତ ମତଦାନର ଖବର ରହିଛି । ଡିଣ୍ଡୋରି ଆସନରେ ସର୍ବାଧିକ ୫୭.୦୬ ପ୍ରତିଶତ ମତଦାନ ହୋଇଥିବା ବେଳେ କଲ୍ୟାଣରେ ସର୍ବନିମ୍ନ ୪୧.୭୦ ପ୍ରତିଶତ ହୋଇଥିଲା । ଏହା ସହିତ ରାଜ୍ୟର ସମସ୍ତ ୪୮ଟି ଆସନରେ ଭୋଟ୍ ଶେଷ ହୋଇଛି । ତେବେ ନିର୍ବାଚନ ମଧ୍ୟରେ ମୁମ୍ବାଇରୁ ଏପରି ଏକ ଘଟଣା ସାମ୍ନାକୁ ଆସିଛି ।
ମୁମ୍ବାଇର ୱର୍ଲି ବୁଥରେ ଶିବସେନା (ୟୁବିଟି)ର ଜଣେ ପୋଲିଂ ଏଜେଣ୍ଟଙ୍କ ମୃତଦେହ ମିଳିଛି । ପୋଲିସ ସୂଚନା ମୁତାବକ, ୬୨ ବର୍ଷୀୟ ମନୋହର ନଲଗେ ସୋମବାର ସନ୍ଧ୍ୟାରେ ଶୌଚାଳୟ ଯାଇଥିଲେ, ହେଲେ ଦୀର୍ଘ ସମୟ ଯାଏ ବାହାରକୁ ଆସି ନ ଥିଲେ । ଯେତେବେଳେ ତାଙ୍କ ସାଥୀମାନେ ଜବରଦସ୍ତ କବାଟ ଖୋଲିଥିଲେ, ସେତେବେଳେ ମନୋହର ତଳେ ପଡ଼ିଥିବାର ଦେଖିବାକୁ ପାଇଥିଲେ ।
ଏହାପରେ ମନୋହରଙ୍କୁ ନିକଟସ୍ଥ ଡାକ୍ତରଖାନା ନିଆଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମନୋହର ବିଡିଡି ଚୌଲାର ବାସିନ୍ଦା ଥିଲେ । ପୋଲିସ ଏହି ଘଟଣାରେ ADR ଅଧୀନରେ ମାମଲା ରୁଜୁ କରି ଅଧିକ ତଦନ୍ତ କରୁଛି ।
ରାଜଧାନୀ ଦିଲ୍ଲୀର ପ୍ରେମ୍ ନଗରରେ ଘଟିଛି ଏକ ଭୟାବହ ଅଗ୍ନିକାଣ୍ଡ । ଏଠାରେ ଘରେ ନିଆଁ ଲାଗି ପରିବାରର ୪…
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…
ଆପଣ ପ୍ରତ୍ୟେକ ଦିନ ଅନେକ ରିଲ୍ସ ନିଶ୍ଚିତ ଦେଖୁଥିବେ । ଲୋକମାନେ ରିଲ୍ସ କରିବା ପାଇଁ ନିଜ ଜୀବନକୁ ବାଜି…
ପିପିଲି : ପାଣିରେ ଭାସୁଛନ୍ତି କୁଢ଼ କୁଢ଼ ମାଛ । ରାଜୁଆ ନଦୀରେ ମରି ପଡିଛନ୍ତି ମଲା ମାଛ ।…
ବିବାହ ସମାରୋହରେ ହେଲା ମହାଭାରତ । ବର ବାହା ହେବ କଣ ଗଣ୍ଡଗୋଳରେ ମାତିଗଲା । ଯିଏ ଯାହାକୁ ପାରିଲା…