ଆପଣ ଚାଲିକି ଯାଆନ୍ତୁ ଅବା ଗାଡ଼ିରେ, ରାସ୍ତାରେ ଯିବା ସମୟରେ ସମସ୍ତଙ୍କୁ ସତର୍କ ରହିବା ଉଚିତ। ଯିବାଆସିବା ବେଳେ ସାବଧାନତା ଅବଲମ୍ବନ କଲେ, ଆପଣ ସଡ଼କ ଦୁର୍ଘଟଣାରୁ ରକ୍ଷା ପାଇ ପାରିବେ। ପ୍ରତିଦିନ ଆପଣ ଖବରକାଗଜରେ କେଉଁଠି ନା କେଉଁଠି ଦୁର୍ଘଟଣା ଘଟିଥିବାର ଖବର ପଢ଼ୁଥିବେ। ଗତ ବର୍ଷ ବିଶ୍ୱ ବ୍ୟାଙ୍କର ଏକ ରିପୋର୍ଟରୁ ଜଣା ପଡ଼ିଥିଲା ଯେ ସଡ଼କ ଦୁର୍ଘଟଣାରେ ୧୧ ପ୍ରତିଶତ ମୃତ୍ୟୁ ଭାରତରେ ହିଁ ଘଟିଛି। ଏଥିପାଇଁ ସଚେତନ ରହିବା ଜରୁରୀ, ଖାସ୍ କରି ସେହିମାନେ, ଯେଉଁମାନେ ରାସ୍ତାରେ ବେପରୁଆ ଭାବରେ ଗାଡି ଚଳାଉଛନ୍ତି।
ସୋସିଆଲ ମିଡିଆରେ ଏମିତି ହିଁ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଏକ ପିକଅପ୍ ଟ୍ରକ୍ ପଛପଟୁ ଆସି ଟ୍ରାକ୍ଟରକୁ ଜୋର୍ରେ ଧକ୍କା ଦେଉଛି। ଭିଡିଓ ଦେଖିଲେ ଲାଗୁଛି ଟ୍ରାକ୍ଟର ଡ୍ରାଇଭରଙ୍କର କୌଣସି ଦୋଷ ନାହିଁ। ଭାଇରାଲ୍ ଭିଡିଓରେ ଆପଣ ଦେଖି ପାରିବେ ଯେ ରାସ୍ତାରେ ଟ୍ରାକ୍ଟରଟି ଅଧିକ ବେଗରେ ଯାଉଛି, ଏହି ସମୟରେ ଏକ ଟ୍ରକ୍ ତା’ ପଛରେ ରହିଛି। ଠିକ୍ ଏତିକି ବେଳେ ଟ୍ରକ୍ ସେହି ଟ୍ରାକ୍ଟରକୁ ଜୋରଦାର ଧକ୍କା ଦେଉଛି। ଏହି ଭିଡିଓ ଅତି ଆଶ୍ଚର୍ଯ୍ୟଜନକ ରହିଛି, କାହିଁକି ନା, ଟ୍ରକ ଡ୍ରାଇଭର ଟ୍ରାକ୍ଟରଟିକୁ ବାମ ପାର୍ଶ୍ୱରୁ ଜୋର୍ରେ ଧକ୍କା ଦେବା ଫଳରେ ଗାଡ଼ିଟି ଓଲଟି ପଡ଼ୁଛି।
ତେବେ ଏହି ଭୟଙ୍କର ଦୁର୍ଘଟଣାରେ ଟ୍ରାକ୍ଟର ଡ୍ରାଇଭରଙ୍କ ଅବସ୍ଥା ବିଷୟରେ ଜଣାପଡ଼ି ନାହିଁ। ଯଦିଓ ଦୁର୍ଘଟଣାର ଗମ୍ଭୀରତାରୁ ଜଣାପଡ଼ୁଛି କି, ସେ ଗୁରୁତର ଆହତ ହୋଇଥାଇ ପାରନ୍ତି। ଏହି ଆଶ୍ଚର୍ଯ୍ୟଜନକ ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ jayesh_jangid_rj04 ନାମକ ଆକାଉଣ୍ଟରୁ ସେୟାର କରାଯାଇଛି। ଏହି ଭିଡିଓକୁ ଏ ପର୍ଯ୍ୟନ୍ତ ୭.୭ ମିଲିୟନ ଭ୍ୟୁଜ୍ ମିଳି ସାରିଲାଣି ଏବଂ ୩.୫ ମିଲିୟନରୁ ଅଧିକ ଲୋକ ଏହି ଭିଡିଓକୁ ଲାଇକ୍ କରିଛନ୍ତି। ଭିଡିଓରେ ଲୋକମାନେ ବିଭିନ୍ନ ପ୍ରକାର କମେଣ୍ଟ ମଧ୍ୟ ଦେଇଛନ୍ତି। ତେବେ ଜଣେ ୟୁଜର ଲେଖିଛନ୍ତି, ‘ବୋଧହୁଏ ବ୍ରେକ୍ ଫେଲ୍ ହୋଇ ଯାଇଥିଲା। ସେଥିପାଇଁ ଟ୍ରକ ଡ୍ରାଇଭର ବାରମ୍ବାର ହର୍ନ ମାରୁଥିଲେ’।
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…