photo: Metro
ସୋସିଆଲ ମିଡିଆରେ ପ୍ରତିଦିନ ହଜାର ହଜାର ଭିଡିଓ ଭାଇରାଲ ହୋଇଥାଏ। ସେଥିରୁ କିଛି ଭିଡିଓ ଲୋକଙ୍କୁ ଆଶ୍ଚର୍ଯ୍ୟଚକିତ କରି ଦେଉଥିବା ବେଳେ ଆଉ କିଛି ଭିଡିଓ ଇମୋସନାଲ୍ କରିଦିଏ। କିନ୍ତୁ ଏବେ ୟୁକ୍ରେନରୁ ଯେଉଁ ଭିଡିଓ ସାମ୍ନାକୁ ଆସିଛି, ତାହାକୁ ଦେଖିଲେ ଆପଣ ବି ଥରି ଉଠିବେ। ଇଣ୍ଟରନେଟ୍ରେ ଭାଇରାଲ ହେଉଥିବା ଏହି ଭିଡିଓରେ ଦେଖାଯାଉଛି ଯେ ୟୁକ୍ରେନ ସୈନିକଙ୍କ ସ୍ମାର୍ଟଫୋନ ଭିତରେ ଏକ ଗୁଳି ପଶି ରହିଛି।
ଭିଡିଓରେ ଦୁଇ ୟୁକ୍ରେନ ସୈନିକ ପରସ୍ପର ମଧ୍ୟରେ କଥା ହେଉଥିବା ଦେଖିବାକୁ ମିଳୁଛି। ତେବେ ଆଶ୍ଚର୍ଯ୍ୟଜନକ କଥା ହେଉଛି, ଏହି ସ୍ମାର୍ଟଫୋନ ଯୋଗୁ ଜଣେ ସୈନିକଙ୍କ ଜୀବନ ରକ୍ଷା ପାଇଯାଇଛି। ମୃତ୍ୟୁ ତାଙ୍କୁ ଅତି ନିକଟରୁ ଛୁଇଁ ଚାଲିଯାଇଛି। ଭିଡିଓରେ ଆପଣ ଦେଖିପାରିବେ ଯେ ଜଣେ ସୈନିକ ନିଜ ପକେଟ୍ରୁ ମୋବାଇଲ ଫୋନ୍ ବାହାର କରୁଛନ୍ତି ଏବଂ ପାଖରେ ଥିବା ଅନ୍ୟ ଜଣେ ସୈନିକଙ୍କୁ ଦେଖାଇ କହୁଛନ୍ତି, ଫୋନ୍ ଭିତରେ ୭.୬୨ ଏମ୍ଏମ୍ର ଏକ ଗୁଳି ପଶିକି ରହିଛି।
ଭିଡିଓକୁ ସୋସିଆଲ ମିଡିଆ ସାଇଟ୍ ରେଡିଟ୍ରେ ଅପଲୋଡ୍ କରାଯାଇଛି। ୩୦ ସେକେଣ୍ଡର ଏହି କ୍ଲିପ୍ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି। ଗୁଳିଟି ମୋବାଇଲ ପଛଭାଗରେ ପଶିକି ରହିଛି, ଯାହାକୁ ରୁଷ୍ ସୈନ୍ୟ ଫାୟାର କରିଛନ୍ତି। ତେବେ ଏହି ଗୁଳି ଯଦି ଭେଦ କରି ଯାଇଥାଆନ୍ତା, ତ ସୈନିକ ଜଣକ ମରଣ ମୁଖରେ ପଡ଼ିଥାଆନ୍ତେ।
ଭିଡିଓକୁ ଏ ପର୍ଯ୍ୟନ୍ତ ୫୨,୦୦୦ରୁ ଅଧିକ ଅପ୍ଭୋଟ୍ସ ମିଳିଛି। ଜଣେ ରେଡିଟ୍ ୟୁଜର ଲେଖିଛନ୍ତି, ‘କ’ଣ ଏହା ନୋକିଆର ଫୋନ୍ ଥିଲା’। ଅନ୍ୟ ଜଣେ ଲେଖିଛନ୍ତି, ‘ଯଦି ଏହା ନୋକିଆ ଫୋନ୍ ହୋଇଥିବ, ତେବେ ଏମିତି ସମ୍ଭବ’। ସେହିପରି ଆଉ ଜଣେ ୟୁଜର ଲେଖିଥିଲେ, ‘ଯଦି ଏହା ନୋକିଆ ସ୍ମାର୍ଟଫୋନ ହୋଇଥାଆନ୍ତା, ତ ଗୁଳି ପଛକୁ ଶୁଟରଙ୍କ ଆଡ଼କୁ ଫେରି ଯାଇଥାଆନ୍ତା’।
Video Courtesy: Raw Ukraine Videos
ଭୁବନେଶ୍ୱର / ସମ୍ବଲପୁର (କେନ୍ୟୁଜ): ଆନନ୍ଦ ଉଲ୍ଲାସର ସହ ଶେଷ ହେଲା ଶିବ ପାର୍ବତୀଙ୍କ ଶୁଭ ପରିଣୟ । ମଧ୍ୟରାତ୍ରୀର…
ଭୁବନେଶ୍ୱର (କେନ୍ୟୁଜ): ସବୁ କଳ୍ପନାଜଳ୍ପନାର ଅନ୍ତ ଘଟିବ । ଆଜି ମୁଖ୍ୟମନ୍ତ୍ରୀ ବାଛିବ ବିଜେପି । ଘୋଷଣା ହେବ ଓଡ଼ିଶାର…
ମେଷ: ଆଜି ନିଜକୁ ଶକ୍ତିବାନ୍ ଅନୁଭବ କରିବେ । ପାରିବାରିକ ସୁଖ, ଶାନ୍ତି ରହିବ । ସମ୍ପତ୍ତି ବିବାଦରେ ବିଜୟ…
ଭୁବନେଶ୍ୱର(କେନ୍ୟୁଜ୍): ମୋଦି ସରକାରର ନିଜ ସ୍ଥାନ ବଜାୟ ରଖିଛନ୍ତି ଓଡ଼ିଶାର ତିନି ମନ୍ତ୍ରୀ । ଅପରିବର୍ତ୍ତିତ ରହିଛି ଧର୍ମେନ୍ଦ୍ର ପ୍ରଧାନ,…
ଭୁବନେଶ୍ୱର(କେନ୍ୟୁଜ୍): କନ୍ଧମାଳ ବିକାଶରେ ଡ. ଅଚ୍ୟୁତ ସାମନ୍ତଙ୍କର ଅନେକ ଅବଦାନ ରହିଛି । କେଵଳ କନ୍ଧମାଳ କାହିଁକି ଭୁବନେଶ୍ୱରର ମର୍ଯ୍ୟାଦା…
ଲମତାପୁଟ: ମାଛକୁଣ୍ଡ ପୋଲିସର ବଡ଼ ସଫଳତା । ଗଞ୍ଜେଇ ଚୋରା ଚାଲାଣ ବେଳେ ମାଡ଼ି ବସିଲା ମାଛକୁଣ୍ଡ ପୋଲିସ ।…