ମହାକାଶକୁ ଅନେକ ମହାକାଶଚାରୀ ଯାତ୍ରା କରୁଛନ୍ତି । କିନ୍ତୁ ବର୍ତ୍ତମାନ ଯାତ୍ରା କରିଥିବା ଜଣେ ମହିଳା ମହାକାଶଚାରୀ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି । ଭାରତୀୟ ବଂଶୋଦ୍ଭବ ସୁନୀତା ୱିଲିୟମ୍ସ ହାସଲ କରିଛନ୍ତି ଏକ ବଡ଼ ସଫଳତା । ସ୍ପେସ୍ ମିଶନରେ ମହାକାଶଯାନ ଉଡ଼ାଇଥିବା ସୁନୀତା ୱିଲିୟମ୍ସ ହୋଇଛନ୍ତି ପ୍ରଥମ ମହିଳା । ବୋଇଙ୍ଗ ଷ୍ଟାରଲାଇନ୍ ଉଡ଼ାଣ ଭରିବା ସହିତ ସୁନୀତାଙ୍କ ନାମ ଇତିହାସର ପୃଷ୍ଠାରେ ଲେଖା ହୋଇଯାଇଛି । ବୋଇଙ୍ଗର ଷ୍ଟାରଲାଇନର୍ କ୍ୟାପସୁଲରେ ଫ୍ଲୋରିଡାର କେପ କ୍ୟାନଭେରାଲରୁ ସୁନୀତା ୱିଲିୟମ୍ସ ଏହି ଉଡ଼ାଣ ଭରିଛନ୍ତିି । ଏହି ସମୟ ମଧ୍ୟରେ ନାସାର ମହାକାଶଚାରୀ ବଚ୍ ୱିଲମୋର ମଧ୍ୟ ତାଙ୍କ ସହ ମହାକାଶ ଯାତ୍ରା କରିଛନ୍ତି । ସୁନୀତାଙ୍କ ଏହି ପଦକ୍ଷେପକୁ ନେଇ କେବଳ ଭାରତ ନୁହେଁ ସାରା ବିଶ୍ୱରେ ତାଙ୍କର ଚର୍ଚ୍ଚା ହେଉଛି ।
ସୁନୀତା ୱିଲିୟମ୍ସ ବୁଧବାର ତୃତୀୟ ଥର ପାଇଁ ମହାକାଶକୁ ଉଡ଼ାଣ ଭରିଛନ୍ତି । ବୋଇଙ୍ଗର CST-100 ଷ୍ଟାରଲାଇନର୍ ମହାକାଶ ଯାନରେ ଅନ୍ତର୍ଜାତୀୟ ସ୍ପେସ୍ ଷ୍ଟେସନ ପାଇଁ ପ୍ରଥମ ମହାକାଶଚାରୀ ଭାବେ ଉଡ଼ାଣ ଭରିଛନ୍ତି । ଏଭଳି ମିଶନରେ ମହାକାଶକୁ ଯାଇଥିବା ସେ ହେଉଛନ୍ତି ପ୍ରଥମ ମହିଳା । ୱିଲିୟମ୍ସ ଏବଂ ବଚ ୱିଲମୋରଙ୍କୁ ନେଇ ବୋଇଙ୍ଗର କ୍ରୁ ଫ୍ଲାଇଟ୍ ଟେଷ୍ଟ ମିଶନ ଫ୍ଲୋରିଡାର କେପ କ୍ୟାନଭେରାଲ ସ୍ପେସ୍ ଫୋର୍ସ ଷ୍ଟେସନରୁ ଉଡ଼ାଣ ଭରିଥିଲା । ୫୮ ବର୍ଷିୟ ୱିଲିୟମ୍ସ ଫ୍ଲାଇଟ୍ ଟେଷ୍ଟ ପାଇଲଟ୍ ହୋଇଥିବାବେଳେ ୬୧ ବର୍ଷିୟ ୱିଲମୋର ମିଶନର କମାଣ୍ଡର ଭାବେ ସ୍ପେସ୍ କୁ ଯାଇଛନ୍ତି । ପୂର୍ବରୁ ଏହି ମିଶନ ଅନେକ ଥର ପ୍ରଭାବିତ ହୋଇଛି । କିନ୍ତୁ ଏବେ ଏହି ମିଶନ ସଫଳତାର ସହ ସ୍ପେସ୍ ଷ୍ଟେସନ ଅଭିମୁଖେ ଯାଇଛି । ଏବଂ ଏହା ଆଜି ରାତି ୧୨.୧୫ ରେ ସ୍ପେସ୍ ଷ୍ଟେସନରେ ପହଞ୍ଚିବାର ସମ୍ଭାବନା ଅଛି ।
ସୁନୀତା ୱିଲିୟମ୍ସଙ୍କ ପାଇଁ ଏହି ଉଡ଼ାଣ ତାଙ୍କ କ୍ୟାରିୟର ପାଇଁ ଆଉ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଏହାପୂର୍ବରୁ ସେ ୨୦୦୬ ଏବଂ ୨୦୧୨ରେ ଅନ୍ତର୍ଜାତୀୟ ସ୍ପେସ୍ ଷ୍ଟେସନ ପାଇଁ ଯାତ୍ରା କରିଥିଲେ । ଷ୍ଟାରଲାଇନର୍ କ୍ୟାପସୁଲ୍ ଉଡ଼ାଣ ଭରିବାର ପ୍ରାୟ ୨୬ ଘଣ୍ଟା ପରେ ଏହା ଆନ୍ତର୍ଜାତୀୟ ସ୍ପେସ୍ ଷ୍ଟେସନରେ ପହଞ୍ଚିବାକୁ ଚେଷ୍ଟା କରିବ । ଏହି ସମୟ ମଧ୍ୟରେ ସୁନୀତା ୱିଲିୟମ୍ସ ଏବଂ ବଚ୍ ୱିଲମୋର ପ୍ରାୟ ଏକ ସପ୍ତାହ ପର୍ଯ୍ୟନ୍ତ ସ୍ପେସ୍ ଷ୍ଟେସନରେ ରହିବେ ଏବଂ ସେଠାରେ ଆବଶ୍ୟକ ପରୀକ୍ଷା କରିବେ ।
ସୁନୀତା ୱିଲିୟମ୍ସ ଏବଂ ୱିଲମୋରଙ୍କ ଏହି ମିଶନ ବ୍ୟବସାୟିକ ପାର୍ଟନରସିପ୍ ମାଧ୍ୟମରେ ମଣିଷ ମହାକାଶକୁ ଯିବା ପାଇଁ ରାସ୍ତା ଦେଖାଇବାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ପ୍ରମାଣିତ ହେବ । ସୂଚନାଯୋଗ୍ୟ ଯେ ୨୦୧୨ରେ ସୁନୀତା ୱିଲିୟମ୍ସ ପ୍ରଥମ ମହିଳା ଭାବରେ ମହାକାଶରେ ଏକ ଟ୍ରାଇଥଲନ୍ ସମାପ୍ତ କରିଥିଲେ । ସୁନୀତା ୱିଲିୟମ୍ସ ପୁଣି ଥରେ ପ୍ରମାଣ କରିଛନ୍ତି ଯେ ତାଙ୍କର ସୀମା କେବଳ ଆକାଶ ନୁହେଁ ବରଂ ମହାକାଶରେ ମଧ୍ୟ ସେ ଯାତ୍ରା କରି ରେକର୍ଡ କରିବେ । ତାଙ୍କର ଅବଦାନ ମହାକାଶ ରିସର୍ଚ୍ଚରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ଏବଂ ଭବିଷ୍ୟତ ଯୁବପିଢ଼ିଙ୍କ ପାଇଁ ପ୍ରେରଣା ହେବ ।
ଚୌଦ୍ୱାର : ଶାଶୁ କହୁ କହୁ କାନ୍ଦି ପକାଉଛନ୍ତି । ନିଜର ନାତି ନାତୁଣୀଙ୍କୁ ଧରି ଶାଶୁ ପହଁଚିଛନ୍ତି ଥାନାରେ…
ଭୁବନେଶ୍ୱର: ରାଜ୍ଯରେ ସକ୍ରିୟ ରହିଛି ମୌସୁମୀ ବାୟୁ । ପ୍ରଭାବରେ ରାଜ୍ୟବ୍ୟାପୀ ବିଭିନ୍ନ ସ୍ଥାନରେ ବର୍ଷା ଜାରି ରହିଛି ।…
ଭୁବନେଶ୍ୱର(କେନ୍ୟୁଜ୍): ରଥଯାତ୍ରା ପାଇଁ ଓଏସଆରଟିସି ପକ୍ଷରୁ ହେବ ଏହି ସ୍ୱତନ୍ତ୍ର ବ୍ୟବସ୍ଥା । ପ୍ରତି ବ୍ଲକ ହେଡକ୍ୱାର୍ଟରରୁ ପୁରୀକୁ ଗଡିବ…
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…