ଆମ ଦେଶରେ ଅଧିକାଂଶ ଭୋଟର କୌଣସି ନା କୌଣସି ଦଳ ସହ ସଂପୃକ୍ତ କିମ୍ବା ଦଳ ସପକ୍ଷରେ ଥାନ୍ତି । ସେହି ଅନୁସାରେ ସେମାନେ ପ୍ରାର୍ଥୀ ଅପେକ୍ଷା ଦଳକୁ ଦେଖି ଭୋଟ୍ ଦିଅନ୍ତି । କିଛି ନିଜ ବିବେକ ଅନୁଯାୟୀ କିମ୍ବା ସମ୍ପର୍କ ହେତୁ ପ୍ରାର୍ଥୀଙ୍କୁ ଦେଖି ମତଦାନ କରନ୍ତି ।
ଅନେକ ଲୋକ ନିର୍ବାଚନରେ ଆଗ୍ରହୀ ନଥାନ୍ତି କି ସେମାନେ ଭୋଟ୍ ଦିଅନ୍ତି ନାହିଁ । ତେବେ ନୋଟା ଆରମ୍ଭ ହେବା ପରେ ଆଉ କିଛି ଲୋକ ନିର୍ବାଚନରେ ଆଗ୍ରହୀ ଥିଲେ ମଧ୍ୟ ଉପଯୁକ୍ତ ପ୍ରାର୍ଥୀଙ୍କର ଅଭାବ ରହିଥିବା କଥା ସ୍ପଷ୍ଟ ଭାବେ ଜଣାଇ ଦେଉଛନ୍ତି ଇଭିଏମ୍ ଜରିଆରେ । ତେବେ ଏତେ ସଂଖ୍ୟକ ଲୋକ କାହିଁକି ନୋଟା ବଟନ୍ ଚିପୁଛନ୍ତି ? କେବଳ ପ୍ରାର୍ଥୀ ପସନ୍ଦ ନୁହନ୍ତି ବୋଲି ନୁହେଁ, କେଉଁ ପ୍ରାର୍ଥୀକୁ ହରାଇବାକୁ ଥିଲେ ମଧ୍ୟ ଲୋକେ ନୋଟାରେ ଭୋଟ୍ ଦେଉଥିବା ସମୀକ୍ଷାରୁ ଜଣାପଡ଼ିଥିଲା ।
ଯଦି କୌଣସି ନିର୍ବାଚନମଣ୍ଡଳୀରେ ପ୍ରାର୍ଥୀଙ୍କ ଠାରୁ ନୋଟାରେ ଅଧିକ ଭୋଟ ପଡେ ତେବେ କଣ ହେବ ? ନୋଟା ନିୟମ ବଦଳାଇବା ନେଇ ଜଣେ ଆବେଦନକାରୀଙ୍କ ମାମଲାର ଶୁଣାଣି କରି ଇସିଆଇଙ୍କୁ ନୋଟିସ୍ ଦେଇଛନ୍ତି ସୁପ୍ରିମକୋର୍ଟ । ନୋଟାକୁ ଅଧିକ ଭୋଟ ମିଳିଲେ ସେହି ନିର୍ବାଚନମଣ୍ଡଳୀରେ ଫଳାଫଳକୁ ରଦ୍ଦ କରିବାକୁ ନିର୍ଦ୍ଦେଶ ଦେବା ପାଇଁ ଶିବ ଖେରା ନାମକ ଜଣେ ଲେଖକ ସୁପ୍ରିମକୋର୍ଟରେ ପିଆଇଏଲ ଦାଖଲ କରିଥିଲେ ।
ସେ ଆବେଦନରେ ଦର୍ଶାଇଥିଲେ ଯେ, ନୋଟା ହେଉଛି କୌଣସି ପ୍ରର୍ଥୀଙ୍କୁ ପ୍ରତ୍ୟାଖ୍ୟାନ କରିବା ଜଣେ ଭୋଟରଙ୍କ ଅଧିକାର । ରାଜନୈତିକ ଦଳଙ୍କୁ ଭଲ ପ୍ରାର୍ଥୀ ଦେବା ପାଇଁ ଏହା ଏକ ନୈତିକ ଚାପ । ତେଣୁ ଭୋଟରଙ୍କ ହାତରେ ନୋଟା ଏକ ଅସ୍ତ୍ର । ନୋଟାରେ ଅଧିକ ଭୋଟ ପଡ଼ିଲେ ସେହି ନିର୍ବାଚନମଣ୍ଡଳୀରେ ନିର୍ବାଚନକୁ ରଦ୍ଦ କରିବା ସହ ସାନି ନିର୍ବାଚନ କରିବାକୁ ନିର୍ଦ୍ଦେଶ ଦେବା ପାଇଁ ପିଆଇଏଲରେ ଆବେଦନ କରାଯାଇଥିଲା । ଏହାର ଶୁଣାଣି କରି ନିର୍ବାଚନ କମିଶନଙ୍କୁ ନୋଟିସ ଦେଇଛନ୍ତି ସୁପ୍ରିମକୋର୍ଟ ।
ଗଞ୍ଜାମ : ପ୍ରବଳ ଗ୍ରୀଷ୍ମ ପ୍ରବାହ ଲାଗିରହିଛି । ଅସହ୍ୟ ଗରମ ଗୁଳୁଗୁଳିରେ ଛଟପଟ ହେଉଛନ୍ତି ପୁରା ଓଡ଼ିଶାବାସୀ ।…
ପୁରୀ : ପୁରୀ ବାଣ ବିସ୍ଫୋରଣ ଘଟଣାରେ ବଢିଲା ମୃତ୍ୟୁ ସଂଖ୍ୟା । ଆଉ ୨ଜଣଙ୍କ ମୃତ୍ୟୁ ପରେ ମୃତ୍ୟୁ…
ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପର ସଂଯୋଜକ ଅରବିନ୍ଦ କେଜ୍ରିଓ୍ଵାଲ ତିହାର ଜେଲରେ ସରେଣ୍ଡର କରିଛନ୍ତି । ସୁପ୍ରିମ କୋର୍ଟ ତାଙ୍କୁ…
ଆଳି : କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ଠାକୁରପାଟଣା ଗାଁରେ ନିର୍ବାଚନୀ ପରବର୍ତ୍ତୀ ହିଂସା । ଦୁଇ ପରିବାର…
ନୂଆଗଡ : ଯୁବକ ଜଣକ ନୂଆଗଡ ଗାଁର କୈଳାଶ ସୁବୁଦ୍ଧିଙ୍କ ପୁଅ ନାରାୟଣ ସୁବୁଦ୍ଧି ବୋଲି ଜଣାପଡିଛି । ମୃତ୍ୟୁର…
ଭାରତୀୟ ଟିମ୍ର ଖେଳାଳି ତଥା କୋଲକାତା ନାଇଟ୍ ରାଇଡର୍ସ(KKR)ର ଷ୍ଟାର୍ ଅଲରାଉଣ୍ଡର ଭେଙ୍କଟେଶ ଆୟର ବିବାହ ବନ୍ଧନରେ ବାନ୍ଧି ହୋଇଛନ୍ତି…