ସୁପ୍ରିମକୋର୍ଟ ଆମ୍ ଆଦମୀ ପାର୍ଟିକୁ ନିଜ କାର୍ଯ୍ୟାଳୟ ଖାଲି କରିବାକୁ କହିଛନ୍ତି । ଯଦିଓ ନିର୍ବାଚନକୁ ଦୃଷ୍ଟିରେ ରଖି କୋର୍ଟ ଜୁନ୍ ୧୫ ପର୍ଯ୍ୟନ୍ତ ତାରିଖ ଦେଇଛନ୍ତି । ଆପ୍ ବିରୋଧରେ ଏକ ଅଭିଯୋଗ ହୋଇଥିଲା ଯେ ପାର୍ଟିର କାର୍ଯ୍ୟାଳୟ ରାଉସ୍ ଆଭେନ୍ୟୁ କୋର୍ଟକୁ ଆବଣ୍ଟିତ ଜମିରେ ନିର୍ମାଣ ହୋଇଛି ।
ଏହି ମାମଲାରେ ହାଇକୋର୍ଟ ମଧ୍ୟ ଅସନ୍ତୋଷ ବ୍ୟକ୍ତ କରି କାର୍ଯ୍ୟାଳୟ ଖାଲି କରିବାକୁ କହିଥିଲେ । ଏହି ନିଷ୍ପତ୍ତି ବିରୋଧରେ ଆପ୍ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲା । ଏବେ ସୁପ୍ରିମକୋର୍ଟ କାର୍ଯ୍ୟାଳୟ ଖାଲି କରିବାକୁ କହିଛନ୍ତି । କୋର୍ଟ କହିଛନ୍ତି, ଆପ୍ ନୂତନ କାର୍ଯ୍ୟାଳୟ ପାଇଁ ସରକାରଙ୍କ ନିକଟରେ ଆବେଦନ କରିପାରିବ ।
ସମ୍ବନ୍ଧିତ ବିଭାଗ ଆପ୍ର ଆବେଦନ ଉପରେ ୪ ସପ୍ତାହ ମଧ୍ୟରେ ନିଷ୍ପତ୍ତି ନେବା ଉଚିତ୍ । କୋର୍ଟ ସ୍ପଷ୍ଟ କରିଛନ୍ତି ଯେ ଜମି ପୂର୍ବରୁ କୋର୍ଟକୁ ଆବଣ୍ଟିତ ରହିଛି । ଏହି ଜମି ଉପରେ ହାଇକୋର୍ଟ କର୍ମଚାରୀଙ୍କ ପାଇଁ ଆବାସିକ କମ୍ପ୍ଲେକ୍ସ ନିର୍ମାଣ କରାଯିବ । ସେଠାରେ ପାର୍ଟି ଅଫିସ୍ ଚଲାଇପାରିବ ନାହିଁ ।
ଏହାପୂର୍ବରୁ ଫେବୃୟାରୀ ୧୪ରେ ଏହି ମାମଲାର ଶୁଣାଣି ବେଳେ ସୁପ୍ରିମକୋର୍ଟ ଅସନ୍ତୋଷ ବ୍ୟକ୍ତ କରିଥିଲେ। ଅଭିଯୋଗ ରହିଛି କି, ଆପ୍ର କାର୍ଯ୍ୟାଳୟ ଦିଲ୍ଲୀ ହାଇକୋର୍ଟକୁ ଆବଣ୍ଟିତ ରାଉସ୍ ଆଭେନ୍ୟୁ ପ୍ଲଟରେ ଚାଲିଛି । ପୂର୍ବରୁ ଏଠାରେ ଦିଲ୍ଲୀ ପରିବହନ ମନ୍ତ୍ରୀଙ୍କ ବାସଭବନ ଥିଲା, କିନ୍ତୁ ପରେ ଆପ୍ ଏଠାରେ ନିଜର କାର୍ଯ୍ୟାଳୟ ତିଆରି କରିଥିଲା ।
ଏହି ମାମଲାରେ ଆପ୍ କହିଛି ଯେ ଆମେ ସୁପ୍ରିମ୍କୋର୍ଟଙ୍କ ପାଖରେ ବୈଧ ଦସ୍ତାବିଜ୍ ଉପସ୍ଥାପନ କରିବୁ । କେନ୍ଦ୍ର ସରକାର ସୁପ୍ରିମକୋର୍ଟଙ୍କୁ ଭ୍ରମିତ କରୁଛନ୍ତି । ଏହି ଜମି ଦିଲ୍ଲୀ ସରକାର ଆପ୍କୁ ଦେଇଛନ୍ତି ।
ଆଇସିସି ଟି୨୦ ବିଶ୍ୱକପରେ ପାକିସ୍ତାନ ଆମେରିକା ଠାରୁ ପରାଜୟ ପାଇଛି । ବିଶ୍ୱକପର ପ୍ରଥମ ମ୍ୟାଚରେ ପାକିସ୍ତାନକୁ ସୁପର ଓଭରରେ…
କଟକ : ମୋ ବସକୁ ପଛରୁ ଧକ୍କା ଦେଲା ଟ୍ରକ୍ । କଟକ ସଦର ଥାନା ତେଲେଙ୍ଗାପେଣ୍ଠ ନିକଟରେ ଦୁର୍ଘଟଣା…
ରାମୋଜୀ ଫିଲ୍ମ ସିଟିର ପ୍ରତିଷ୍ଠାତା ରାମୋଜୀ ରାଓଙ୍କ ପରଲୋକରେ ଆସନ୍ତାକାଲି ବନ୍ଦ ରହିବ ତେଲୁଗୁ ଇଣ୍ଡଷ୍ଟ୍ରୀ । ଆସନ୍ତାକାଲି ରାମୋଜୀ…
କେନ୍ୟୁଜ(ବ୍ୟୁରୋ ) : ବ୍ରାହ୍ମଣୀ ନଦୀରେ ଗାଧୋଇବା ବେଳେ ଅଘଟଣ । ନଦୀରେ ବୁଡ଼ି ଦୁଇ ଛାତ୍ର ମୃତ ।…
ଫ୍ୟାଟି ଲିଭର ଦୁଇ ପ୍ରକାରର ଅଛି, ପ୍ରଥମଟି ହେଉଛି ଆଲକୋହଲିକ୍ ଫ୍ୟାଟି ଲିଭର, ଯାହା ଅତ୍ୟଧିକ ମଦ୍ୟପାନ ହେତୁ ହୋଇଥାଏ…
ବର୍ତ୍ତମାନ ଯୁବପିଢ଼ିଙ୍କୁ ଘାରିଛି ରିଲ୍ସ ନିଶା । ସେଥିପାଇଁ ନିଜ ଜୀବନକୁ ବାଜିରେ ଲଗାଇବା ପାଇଁ ମଧ୍ୟ ପଛାଉ ନାହାଁନ୍ତି…