photo: aajtak
ଉତ୍ତର ପ୍ରଦେଶ ରାଜଧାନୀ ଲକ୍ଷ୍ନୌରୁ ଏକ ଛାତିଥରା ଘଟଣା ସାମ୍ନାକୁ ଆସିଛି। ଏଠାରେ ଏକ ଏସ୍ୟୁଭି ଜଣେ ରିକ୍ସା ଚାଳକଙ୍କୁ ଏତେ ଜୋର୍ରେ ଧକ୍କା ମାରିଥିଲା ଯେ ଚାଳକ ଜଣକ ଉପରକୁ ଉଠି ଗାଡ଼ିର ଝରକାରେ ଲଟକି ଯାଇଥିଲେ। ତଥାପି କାର୍ ସେଠାରେ ଅଟକି ନ ଥିଲା ଏବଂ ଦ୍ରୁତ ଗତିରେ ଚାଳକଙ୍କୁ ଲଟକାଇ ଆଗକୁ ନେଇଯାଇଥିଲା। କିଛି ଦୂର ଯିବା ପରେ ରିକ୍ସା ଚାଳକ ତଳେ ପଡ଼ି ଯାଇଥିଲେ ଏବଂ ତାଙ୍କର ମୃତ୍ୟୁ ଘଟିଥିଲା।
ସୂଚନାଥାଉ କି, କାର୍ ଗୋପାଳ ଅଗ୍ରଓ୍ଵାଲଙ୍କ ନାମରେ ପଞ୍ଜୀକୃତ ହୋଇଛି ଏବଂ ମୃତ ରିକ୍ସା ଚାଳକଙ୍କ ନାମ ଜିତୁ ବୋଲି ଜଣାପଡ଼ିଛି। ପୋଲିସ ଏ ନେଇ ମାମଲା ରୁଜୁ କରି ଏସ୍ୟୁଭି କାର୍ ଡ୍ରାଇଭରଙ୍କୁ ଗିରଫ କରିଛି। ଶନିବାର ଦ୍ୱିପ୍ରହର ପ୍ରାୟ ୧ଟାରେ ଏହି ଘଟଣା ଘଟିଛି। ପୂରା ଘଟଣାର ସିସିଟିଭି ଫୁଟେଜ୍ ଏବେ ସାମ୍ନାକୁ ଆସିଛି, ଯେଉଁଥିରେ ସ୍ପଷ୍ଟ ଦେଖାଯାଇ ପାରିବ ଯେ କେଉଁଭଳି ଭାବେ ଯୁବକ କାର୍ରେ ଲଟକି ରହିଛନ୍ତି।
ରିକ୍ସା ଚାଳକଙ୍କୁ କାର୍ ୧୫୦ ମିଟର ପର୍ଯ୍ୟନ୍ତ ଘୋଷାଡ଼ି ନେଇଥିଲା। କିଛି ଦୂର ଯିବା ପରେ ଚାଳକ ଜଣକ ରାସ୍ତା ଉପରେ ହିଁ ପଡ଼ି ଯାଇଥିଲେ। ଆଖାପାଖର ଲୋକେ ଏ ସମ୍ପର୍କରେ ପୋଲିସକୁ ସୂଚନା ଦେଇଥିଲେ। ଖବର ପାଇ ପୋଲିସ ପହଞ୍ଚି ରିକ୍ସା ଚାଳକଙ୍କୁ ହସ୍ପିଟାଲରେ ଭର୍ତ୍ତି କରାଇଥିଲା। ହେଲେ ସେଠାରେ ଚିକିତ୍ସା ସମୟରେ ତାଙ୍କର ମୃତ୍ୟୁ ଘଟିଥିଲା।
ସେପଟେ ମୃତକଙ୍କ ମାମୁଁଙ୍କ କହିବା ହେଲା, ଯଦି ଜିତୁଙ୍କୁ ଠିକ୍ ସମୟରେ ଚିକିତ୍ସା ମିଳି ଥାଆନ୍ତା, ତା’ ହେଲେ ତାଙ୍କ ଜୀବନ ରକ୍ଷା ପାଇଯାଇ ଥାଆନ୍ତା। ସେ ରାସ୍ତା ଉପରେ ଆହତ ଅବସ୍ଥାରେ ବହୁ ସମୟ ଧରି ପଡ଼ି ରହିଥିଲେ, କିନ୍ତୁ କେହି ତାଙ୍କୁ ହସ୍ପିଟାଲ ନେଇ ଯାଇ ନ ଥିଲେ ବା ସାହାଯ୍ୟ ପାଇଁ ଆଗେଇ ଆସି ନ ଥିଲେ। ପୋଲିସ ସୂଚନା ଅନୁସାରେ, କାର୍ ମାଲିକଙ୍କ ନାମ ଗୋପାଳ ଅଗ୍ରଓ୍ଵାଲ। ଏହି ଘଟଣାରେ ତାଙ୍କୁ ଗିରଫ କରାଯାଇଛି।
ଚୌଦ୍ୱାର : ଶାଶୁ କହୁ କହୁ କାନ୍ଦି ପକାଉଛନ୍ତି । ନିଜର ନାତି ନାତୁଣୀଙ୍କୁ ଧରି ଶାଶୁ ପହଁଚିଛନ୍ତି ଥାନାରେ…
ଭୁବନେଶ୍ୱର: ରାଜ୍ଯରେ ସକ୍ରିୟ ରହିଛି ମୌସୁମୀ ବାୟୁ । ପ୍ରଭାବରେ ରାଜ୍ୟବ୍ୟାପୀ ବିଭିନ୍ନ ସ୍ଥାନରେ ବର୍ଷା ଜାରି ରହିଛି ।…
ଭୁବନେଶ୍ୱର(କେନ୍ୟୁଜ୍): ରଥଯାତ୍ରା ପାଇଁ ଓଏସଆରଟିସି ପକ୍ଷରୁ ହେବ ଏହି ସ୍ୱତନ୍ତ୍ର ବ୍ୟବସ୍ଥା । ପ୍ରତି ବ୍ଲକ ହେଡକ୍ୱାର୍ଟରରୁ ପୁରୀକୁ ଗଡିବ…
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…