ନୂଆଦିଲ୍ଲୀ : ଆରଜେଡି ନେତା ତଥା ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ଯାଦବଙ୍କ ଘରେ ବାଜିବ ସାହାନାଇ । ଅର୍ଥାତ ଲାଲୁଙ୍କ ସାନ ପୁଅ ହାତ କୁ ଦି ହାତ ହେବାକୁ ଯାଉଛନ୍ତି । ଦିଲ୍ଲୀରେ ଆସନ୍ତା କାଲି ନିର୍ବନ୍ଧ ହେବାକୁ ଯାଉଛି । ଏନେଇ ସମଗ୍ର ଲାଲୁ ପରିବାର ବର୍ତ୍ତମାନ ଦିଲ୍ଲୀରେ ଅଛନ୍ତି। ତେଜସ୍ୱୀ, ତେଜ ପ୍ରତାପ , ଲାଲୁ ରାବ୍ରି ଦେବୀ ଏବଂ ବଡ ଝିଅ ମିସା ଭାରତୀ ମଧ୍ୟ ଦିଲ୍ଲୀରେ ଅଛନ୍ତି। କୁହାଯାଉଛି ଯେ, ଏହି ନିର୍ବନ୍ଧରେ କେବଳ ପରିବାରର ସବୁଠାରୁ ଖାସ୍ ସମ୍ପର୍କୀୟମାନେ ଓ ୫୦ ଜଣ ଅତିଥି ଉପସ୍ଥିତ ରହିବେ।
ବିହାରର ପୂର୍ବତନ ଉପ-ମୁଖ୍ୟମନ୍ତ୍ରୀ ତେଜସ୍ୱୀ ଯାଦବଙ୍କ ନିବର୍ନ୍ଧ ପାଇଁ ଜୋରଦାର ପ୍ରସ୍ତୁତି ଚାଲିଛି । ଏପରିକି ୨୦୨୦ ନିର୍ବାଚନ ଶେଷ ହେବା ସହ ବାପା ଲାଲୁଙ୍କୁ ଜାମିନ ମିଳିବା ପରେ ନିଜ ଜୀବନର ଦ୍ୱିତୀୟ ଇନିଂସ ଆରମ୍ଭ କରିବେ ବୋଲି ସଂକେତ ଦେଇଥିଲେ ତେଜସ୍ୱୀ। ଆଉ ଏବେ ଏହା ପୂରା ହେବାକୁ ଯାଉଛି । ଏହାସହ ଦୀର୍ଘ ଦିନ ପରେ ପୁଣିଥରେ ଲାଲୁଙ୍କ ଘରେ ସାହାନାଇ ବାଜିବ ବୋଲି ଜଣାପଡିଛି । ଲାଲୁ ପରିବାର କିନ୍ତୁ ଘରର ସାନ ବୋହୂ କିଏ ସେ ନେଇ କିଛି ସୂଚନା ନେଇ ନାହାନ୍ତି। ସେମାନେ ଏହାକୁ ଗୁପ୍ତ ରଖିଛନ୍ତି।
ଲାଲୁ ଯାଦବଙ୍କର ୭ ଝିଅ ଏବଂ ୨ ପୁଅ ଅଛନ୍ତି। ତେଜସ୍ୱୀ ଯାଦବ ସବୁଠାରୁ ସାନ। ତେବେ ତେଜସ୍ୱୀ ଯାଦବଙ୍କୁ ଲାଲୁ ଯାଦବଙ୍କ ରାଜନୈତିକ ଉତ୍ତରାଧିକାରୀ ମଧ୍ୟ ବିବେଚନା କରାଯାଏ। ଲାଲୁଙ୍କ ଅନୁପସ୍ଥିତିରେ ସେ ଦଳ ସହ ଜଡିତ ସମସ୍ତ ନିଷ୍ପତ୍ତି ନେଇଥାନ୍ତି। ବର୍ତ୍ତମାନ ତେଜସ୍ୱୀ ବିହାରରେ ବିରୋଧୀ ଦଳର ନେତା ମଧ୍ୟ ଅଛନ୍ତି। ତେଜସ୍ୱୀ ଯାଦବ ରାଘୋପୁର ଆସନରୁ ବିଧାୟକ ଅଛନ୍ତି। ସେ ୨୦୧୫ ରୁ ୨୦୧୭ ପର୍ଯ୍ୟନ୍ତ ବିହାରର ଉପମୁଖ୍ୟମନ୍ତ୍ରୀ ମଧ୍ୟ ଥିଲେ। ତେଜସ୍ୱୀ କ୍ରିକେଟ୍ ମଧ୍ୟ ଭଲ ଖେଳନ୍ତି। ଆଇପିଏଲରେ ଦିଲ୍ଲୀ ଡେୟାରଡେଭିଲ୍ସ ଦଳ ପାଇଁ ଖେଳିଛନ୍ତି। ସେ ଝାଡଖଣ୍ଡ କ୍ରିକେଟ୍ ଟିମ୍ ପାଇଁ ଖେଳିସାରିଛନ୍ତି।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…