photo: factnewsreport
ଚଳିତବର୍ଷ ଅମରନାଥ ଶିବଲିଙ୍ଗର ପ୍ରଥମ ଫଟୋ ସାମ୍ନାକୁ ଆସିଛି। ପବିତ୍ର ଅମରନାଥ ଗୁମ୍ଫା ଏବଂ ଏହା ଆଖାପାଖ ଅଞ୍ଚଳ ବରଫରେ ଢାଙ୍କି ହୋଇ ରହିଥିବା ଫଟୋରେ ଦେଖାଯାଇ ପାରିବ। କିନ୍ତୁ ଏହି ଫଟୋଗୁଡ଼ିକ ଅଫିସିଆଲ ଭାବେ ନିଶ୍ଚିତ ହୋଇନାହିଁ। ବାବାଙ୍କୁ ଦର୍ଶନ ପାଇଁ ଶ୍ରୀ ଅମରନାଥ ଯାତ୍ରା ଦୁଇ ବର୍ଷ ପରେ ପୁଣିଥରେ ଆରମ୍ଭ ହେବାକୁ ଯାଉଛି। ଶ୍ରଦ୍ଧାଳୁମାନଙ୍କ ପାଇଁ ଏହା କୌଣସି ଖୁସିଠାରୁ କମ୍ ନୁହେଁ।
କରୋନା ସଂକ୍ରମଣ ଯୋଗୁ ଗତ ଦୁଇ ବର୍ଷ ହେବ ଯାତ୍ରା ଉପରେ ରୋକ୍ ଲଗା ଯାଇଥିଲା। ୨୦୨୨ର ଅମରନାଥ ଯାତ୍ରା ପାଇଁ ସୋମବାରଠାରୁ ରେଜିଷ୍ଟ୍ରେସନ ଆରମ୍ଭ ହୋଇଛି। ଅମରନାଥ ମନ୍ଦିର ଜମ୍ମୁ-କାଶ୍ମୀରରେ ୧୨,୭୫୬ ଫୁଟ୍ ଉଚ୍ଚରେ ଅବସ୍ଥିତ। ଅମରନାଥ ଗୁମ୍ଫା ଲିଦ୍ଦର ଘାଟିରେ ରହିଛି। ଏହି ଗୁମ୍ଫା ବର୍ଷର ଅଧିକାଂଶ ସମୟ ବରଫରେ ଢ଼ାଙ୍କି ହୋଇ ରହିଥାଏ। ଖରାଦିନେ ଖୁବ୍ କମ୍ ସମୟ ପାଇଁ ତୀର୍ଥଯାତ୍ରୀଙ୍କ ଲାଗି ଏହାକୁ ଖୋଲା ଯାଇଥାଏ।
ପ୍ରତିବର୍ଷ ଲକ୍ଷ ଲକ୍ଷ ଶ୍ରଦ୍ଧାଳୁ ଅମରନାଥ ଯାତ୍ରାରେ ଆସି ଥାଆନ୍ତି। କୋଭିଡ୍ ମହାମାରୀ ଯୋଗୁ ୨୦୨୦ ଏବଂ ୨୦୨୧ରେ ଯାତ୍ରା ଉପରେ ପ୍ରତିବନ୍ଧକ ଲଗାଯାଇଥିଲା। ୨୦୧୯ରେ ମଧ୍ୟ କିଛିଦିନ ପାଇଁ ଯାତ୍ରା ବନ୍ଦ ରହିଥିଲା। ଅମରନାଥ ଶ୍ରାଇନ ବୋର୍ଡର ସୂଚନା ଅନୁଯାୟୀ, ଯାତ୍ରା ପାଇଁ ଏପ୍ରିଲ ୧୧ରୁ ଜମ୍ମୁ-କାଶ୍ମୀର ବ୍ୟାଙ୍କ, ପିଏନ୍ବି ବ୍ୟାଙ୍କ ଓ ୟେସ୍ ବ୍ୟାଙ୍କର ୪୪୬ ଶାଖା ଏବଂ ୧୦୦ ଏସ୍ବିଆଇ ବ୍ୟାଙ୍କ ଶାଖାରୁ ରେଜିଷ୍ଟ୍ରେସନ ଆରମ୍ଭ ହୋଇଛି। ଚଳିତବର୍ଷ ଅନଲାଇନ ପଞ୍ଜୀକରଣର ବି ସୁବିଧା ମିଳୁଛି।
ଜମ୍ମୁ-କାଶ୍ମୀରର ରାମବନ ଜିଲ୍ଲାରେ ୩୦୦୦ ତୀର୍ଥଯାତ୍ରୀଙ୍କ ପାଇଁ ରହିବାର ବ୍ୟବସ୍ଥା କରାଯାଇଛି। ଚଳିତବର୍ଷ ପାଖାପାଖି ୩ ଲକ୍ଷରୁ ଅଧିକ ତୀର୍ଥଯାତ୍ରୀ ଆସିବାର ଆଶା ରହିଛି। ଅମରନାଥ ଶ୍ରାଇନ ବୋର୍ଡର ଅଫିସିଆଲ େଓ୍ଵବ୍ସାଇଟ www.shriamarnathjishrine.com କିମ୍ବା ମୋବାଇଲ ଆପ୍ଲିକେସନରୁ ପଞ୍ଜୀକରଣ କରାଯାଇ ପାରିବ।
ଭୀଷଣ ଗରମ ସାଙ୍ଗକୁ ପାଣି ପାଇଁ ଦିଲ୍ଲୀବାସୀ ଝଟପଟ । ଦିଲ୍ଲୀର ଅନେକ ସ୍ଥାନରେ ଜଳାଭାବ ଦେଖାଦେଇଛି । ପାଣି…
ଚଣ୍ଡୀଗଡ-ମନାଲୀ ରାଜମାର୍ଗରେ ମର୍ମନ୍ତୁଦ ସଡ଼କ ଦୁର୍ଘଟଣା । ହିମାଚଳ ଏବଂ ପଞ୍ଜାବ ସୀମାର କିରତପୁର ପାଖରେ ନିର୍ମାଣ ହୋଇଥିବା ଟୋଲ…
ଭଞ୍ଜନଗର (କେନ୍ୟୁଜ): ପୁଣି ବୁଲିଲା ବାଘ । ଗଞ୍ଜାମ ଜିଲ୍ଲା ଭଞ୍ଜନଗରରେ ବାଘ ଆତଙ୍କ । ସହର ନିକଟରେ ଥିବା…
ପଶ୍ଚିମବଙ୍ଗ ଦାର୍ଜିଲିଂରେ ମାଲବାହୀ ଟ୍ରେନ୍ ଧକ୍କାରେ ଦୁର୍ଘଟଣାର ଶିକାର ହୋଇଥିବା କାଞ୍ଚନଜଙ୍ଗା ଏକ୍ସପ୍ରେସ ସିଆଲଦା ଷ୍ଟେସନରେ ପହଞ୍ଚିଛି । ଦୁର୍ଘଟଣାର…
ଯାଜପୁର(କେନ୍ୟୁଜ): ଗମନାଗମନ ସୁବିଧା ପାଇଁ ସରକାର ବିଜୁ ସେତୁ ଯୋଜନା ଆରମ୍ଭ କରିଥିଲେ । ଗ୍ରାମାଂଚଳର ଲୋକେ ଯେପରି ଏହି…
ଭୁବନେଶ୍ୱର (କେନ୍ୟୁଜ); ବିଧାୟକଙ୍କ ଶପଥ ଗ୍ରହଣ ଲାଗି ସୁରକ୍ଷା କଡ଼ାକଡ଼ି । ଆଜି ଓ ଆସନ୍ତାକାଲି ଶପଥ ନେବେ ନବନିର୍ବାଚିତ…