photo: tv9bangla
ଜମ୍ମୁସ୍ଥିତ ଦିଲ୍ଲୀ ପବ୍ଲିକ୍ ସ୍କୁଲକୁ ମିଳିଛି ବୋମା ଧମକ। ଜଣେ ବ୍ୟକ୍ତି କଲ୍ କରି ସ୍କୁଲକୁ ବୋମାରେ ଉଡ଼ାଇ ଦେବାକୁ ଧମକ ଦେଇଛନ୍ତି। ଏହି ଘଟଣା ପରେ ସେଠାରେ ଭୟର ବାତାବରଣ ଖେଳିଯାଇଛି। ସୂଚନା ମୁତାବକ, ସ୍କୁଲର ଜଣେ ଅଧିକାରୀଙ୍କ ନିକଟକୁ ଏହି ଫୋନ୍ କଲ୍ ଆସିଥିଲା, ଯାହାପରେ ସେ ତୁରନ୍ତ ଏ ନେଇ ପୋଲିସକୁ ଖବର ଦେଇଥିଲେ।
ବର୍ତ୍ତମାନ ଖବର ପାଇ ପୋଲିସ ଜମ୍ମୁର ରେସିଡେନ୍ସି ରୋଡ୍ସ୍ଥିତ ଡିପିଏସ୍ ସ୍କୁଲରେ ପହଞ୍ଚିଛି। ଏହାସହ ବୋମା ନିଷ୍କ୍ରିୟକାରୀ ଟିମ୍ ମଧ୍ୟ ସେଠାରେ ପହଞ୍ଚିଛି। ଘଟଣାସ୍ଥଳରେ ସର୍ଚ୍ଚ ଅପରେସନ ଜାରି ରହିଛି। ତେବେ ଚଳିତବର୍ଷ କୌଣସି ସ୍କୁଲକୁ ବୋମା ଧମକ ମିଳିିବାର ଏହା ପ୍ରଥମ ଘଟଣା ନୁହେଁ, ଏଥି ପୂର୍ବରୁ ମଧ୍ୟ ଦେଶର ଅନେକ ସ୍କୁଲକୁ ଏପରି ଧମକପୂର୍ଣ୍ଣ କଲ୍ ଆସିସାରିଛି।
ନିକଟରେ ବେଙ୍ଗାଲୁରୁର କିଛି ସ୍କୁଲକୁ ବୋମାରେ ଉଡ଼ାଇ ଦେବାକୁ ଧମକ ମିଳିଥିଲା, ଯାହାପରେ ପୋଲିସ ଇଣ୍ଟରପୋଲ୍ର ସହାୟତା ମାଗିଥିଲା। କିନ୍ତୁ ପୋଲିସକୁ ଯାଞ୍ଚରେ କିଛି ବି ମିଳିପାରି ନ ଥିଲା। ସେପଟେ ଦିଲ୍ଲୀର ଅନେକ ସ୍କୁଲକୁ ମଧ୍ୟ ଇ-ମେଲ୍ ଜରିଆରେ ବୋମା ଧମକ ମିଳିଛି। ଗତ ଏପ୍ରିଲରେ ଦିଲ୍ଲୀର ମଥୁରା ରୋଡ୍ସ୍ଥିତ ଦିଲ୍ଲୀ ପବ୍ଲିକ ସ୍କୁଲକୁ ବୋମାରେ ଉଡ଼ାଇ ଦେବାକୁ ଧମକ ମିଳିଥିଲା। ଏହାପରେ ସ୍କୁଲକୁ ସଙ୍ଗେ ସଙ୍ଗେ ଖାଲି କରି ଦିଆଯାଇଥିଲା। ଏଠାରେ ମଧ୍ୟ ପୋଲିସକୁ କିଛି ମିଳି ନ ଥିଲା।
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…