ବିହାର ରାଜଧାନୀ ପାଟନାରେ ଏକ ଲୋମହର୍ଷଣକାରୀ ଘଟଣା ଘଟିଛି। ଏଠାରେ ଜଣେ ମହିଳା ନିଜ ଶାଶୁଙ୍କୁ ଅତି ବୀଭତ୍ସ ଭାବେ ହତ୍ୟା କରିଛନ୍ତି। ହତ୍ୟାର ତରିକା ଏତେ ଭୟଙ୍କର ଯେ ଯିଏ ଶୁଣିବ, ସିଏ କମ୍ପି ଉଠିବ। ପୋଲିସ ଘଟଣାର ଛାନ୍ଭିନ୍ ଚଳାଇଛି। ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ପୋଲିସର କହିବା ଅନୁଯାୟୀ, ମହିଳା ଜଣକ ଛୁରି ଭୁସି ଶାଶୁଙ୍କୁ ହତ୍ୟା କରିଛନ୍ତି। ତାଙ୍କ ହାତ, ଗୋଡ଼ର ନଖ ସବୁ ଉପାଡ଼ି ଦେଇଛନ୍ତି। ଏତିକିରେ କ୍ରୋଧ ଶାନ୍ତ ନ ହେବାରୁ ଶାଶୁଙ୍କର ଗୋଟିଏ ଆଖିକୁ ବି ସେ ଛୁରୀରେ ତାଡ଼ି ପକାଇଥିଲେ। ଆଖପାଖ ପରିସ୍ଥିତିରୁ ଜଣାପଡ଼ୁଛି, ଅତି ଭୟଙ୍କର କ୍ରୋଧରେ ଥାଇ ମହିଳା ଜଣକ ଏଭଳି କାଣ୍ଡ ଘଟାଇଛନ୍ତି।
ଅଭିଯୁକ୍ତାଙ୍କ ନାଁ ଲଳିତା ଦେବୀ ଏବଂ ମୃତା ମହିଳାଙ୍କ ନାଁ ଧର୍ମଶିଳା ଦେବୀ ବୋଲି ଜଣାପଡ଼ିଛି। ଘଟଣା ପରେ ଅଭିଯୁକ୍ତା ଜଣକ ନିଜକୁ ବି ନିଅାଁ ମୁହଁକୁ ଠେଲି ଦେଇଥିଲେ, ଯାହାଫଳରେ ସେ ଅତି ଗୁରୁତର ଭାବେ ଜଳିଯାଇଛନ୍ତି। ତାଙ୍କର ଏବେ ଚିକିତ୍ସା ଚାଲିଛି। ପୋଲିସ ଘଟଣାସ୍ଥଳରୁ ହତ୍ୟାରେ ବ୍ୟବହୃତ ଛୁରିକୁ ଜବତ କରିଛି। କୁହାଯାଉଛି, ହତ୍ୟା ସମୟରେ ମହିଳାଙ୍କ ସ୍ୱାମୀ ଏବଂ ଶ୍ୱଶୁର ନିଜ ନିଜ କାମରେ ବାହାରକୁ ଯାଇଥିଲେ।
ପୋଲିସର କହିବା ହେଲା, ଘରକଳି ଏହି ଘଟଣାର ମୁଖ୍ୟ କାରଣ। ଶାଶୁ-ବୋହୂ ଗୋଟିଏ ଘରେ ରହୁଥିଲେ ମଧ୍ୟ ଅଲଗା ଅଲଗା ରୋଷେଇ କରୁଥିଲେ। ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଶାଶୁ-ବୋହୂଙ୍କ ମଧ୍ୟରେ ସବୁବେଳେ କିଛି ନା କିଛି କାରଣକୁ ନେଇ ଝଗଡ଼ା ଲାଗୁଥିଲା। ଲଳିତାଙ୍କର କୌଣସି ପିଲାଛୁଆ ନ ଥିବାରୁ ଶାଶୁ ତାଙ୍କୁ ପ୍ରତିଦିନ ଗାଳି କରୁଥିଲେ। ପୋଲିସ ସମ୍ପର୍କୀୟଙ୍କ ବୟାନ ରେକର୍ଡ କରୁଛି।
ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…
ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…
ବାଲେଶ୍ଵର : ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…
ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…
ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…
ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…