ନୂଆଦିଲ୍ଲୀ : ମହାରାଷ୍ଟ୍ରରେ ଚାଲିଛି ମହାନାଟକ । ପାଓ୍ଵାର ଲଢ଼େଇରେ ଆଜି ଗୁରୁତ୍ୱପୂର୍ଣ୍ଣ ଦିନ । ଦାଦା-ପୁତୁରା ଲଢ଼େଇରେ ପାଓ୍ଵାରଫୁଲ୍ କିଏ ? ଘମାସାନ ଭିତରେ ଆଜି ଶରଦ ପାଓ୍ଵାର ଓ ଅଜିତ ପାଓ୍ଵାର କ୍ୟାମ୍ପ ଶକ୍ତି ପ୍ରଦର୍ଶନ କରିବେ । ଏନସିପିର ଦୁଇ ଗୋଷ୍ଠୀର ଗୁରୁତ୍ୱପୂର୍ଣ୍ଣ ବୈଠକ ବସୁଛି । ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାଓ୍ଵାର ସକାଳ ୧୧ଟାରେ ବାନ୍ଦ୍ରା ଏମଇଟି କଲେଜରେ ଏନସିପି ବିଧାୟକ ଓ ସାଂସଦଙ୍କ ବୈଠକ ଡାକିଛନ୍ତି ।
ଅନ୍ୟପଟେ ମଧ୍ୟାହ୍ନ ଗୋଟାଏରେ ନରିମନ୍ ପଏଣ୍ଟର ୱାଇ.ବି ଚୌହାନ ଅଡିଟୋରିୟମରେ ସବୁ ବିଧାୟକ ଓ ସାଂସଦଙ୍କ ବୈଠକ ଡାକିଛନ୍ତି ଶରଦ ପାଓ୍ଵାର । ଏଥିରେ ଦଳର ଜିଲ୍ଲାସ୍ତରର କାର୍ଯ୍ୟକର୍ତ୍ତା ବି ସାମିଲ ହେବେ । ସବୁ ବିଧାୟକଙ୍କୁ ବୈଠକରେ ଉପସ୍ଥିତ ରହିବା ପାଇଁ ଏନସିପି ଅଧ୍ୟକ୍ଷ ଶରଦ ପାଓ୍ଵାର, କାର୍ଯ୍ୟକାରୀ ଅଧ୍ୟକ୍ଷ ସୁପ୍ରିୟା ସୁଲେ ପ୍ରମୁଖ ଦଳୀୟ ହ୍ଵିପ୍ ଜାରି କରିଛନ୍ତି । ସେହିପରି ଅଜିତ ପାଓ୍ଵାର ବି ଜାରି କରିଛନ୍ତି ହ୍ଵିପ୍ । ସେ ଦାବି କରୁଛନ୍ତି ତାଙ୍କ ସମର୍ଥନରେ ୪୦ ଜଣ ବିଧାୟକଙ୍କ ସମର୍ଥନ ରହିଛି । ଏନସିପିର କ୍ଷମତା ଲଢେଇରେ ସଂଖ୍ୟାବଳ ଦେଖାଇବାକୁ ଆଜି ବୈଠକକୁ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି । କାହା ବୈଠକରେ କେଉଁମାନେ ଉପସ୍ଥିତ ରହୁଛନ୍ତି ଦେଖିବା ବାକି ରହିଛି । ଏଥିରୁ ଭବିଷ୍ୟତ ଫୈସଲାର ସ୍ପଷ୍ଟ ସଙ୍କେତ ଆସିବ । ଅଜିତଙ୍କ ବିଦ୍ରୋହୀ କ୍ୟାମ୍ପର କିଛି ବିଧାୟକ ଶରତ ପାଓ୍ଵାରଙ୍କ ଆଡକୁ ଢଳୁଥିବା ଦେଖିବାକୁ ମିଳୁଛି । ଅନ୍ୟପଟେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ସନ୍ଧ୍ୟା ୭ଟାରେ ଶିବସେନା ମନ୍ତ୍ରୀଙ୍କ ବୈଠକ ବି ଡାକିଛନ୍ତି ।
କୋଲକାତା (କେନ୍ୟୁଜ) : ପୁଣ୍ୟତୋୟା ଗଙ୍ଗା ଘାଟଗୁଡ଼ିକ ଧର୍ମ ସଂସ୍କୃତି ଓ ଆସ୍ଥାର ପ୍ରମୁଖ ସ୍ଥଳୀ ଭାବରେ ପରିଚିତି ଲାଭ…
ତାଳଚେର (କେନ୍ୟୁଜ) : ଯଦି ଆପଣ କେବେ ନିଜ ଘର ତାଲା ପକାଇ ବନ୍ଧୁ ଘର କିମ୍ବା ସମ୍ପର୍କୀୟଙ୍କ ଘରକୁ…
ଭୁବନେଶ୍ୱର(କେନ୍ୟୁଜ୍): କ୍ରୀଡ଼ା ଓ ଯୁବସେବା ମାନ୍ୟବର ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୁରଜ ଆଜି କଳିଙ୍ଗ ଷ୍ଟାଡିୟମ ଗସ୍ତ କରି ରାଜ୍ୟର…
ନୂଆପଡା (କେନ୍ୟୁଜ) : ଭୋଜି ଖାଇ ସାଙ୍ଗ ହୋଇ ଫେରୁଥିଲେ ଏହି ୪ ଜଣ ସାଙ୍ଗ । ଏମାନେ ୪…
ଭୁବନେଶ୍ୱର(କେନ୍ୟୁଜ୍): ଜୁନ୍ ୧୭ ତାରିଖରେ ଭାରତ ସମେତ ବିଶ୍ୱର ୨୦୦ଟି ଦେଶର ୨୫ହଜାର ସ୍ଥାନରେ ୧୧ଶ ଅନ୍ତର୍ଜାତୀୟ ‘ଆର୍ଟ ଅଫ୍…
ଚାନ୍ଦବାଲି (କେନ୍ୟୁଜ): ଏ ଶରୀର କ୍ଷଣସ୍ଥାୟୀ । ସତରେ ଏ ଶରୀର କିଛି ନୁହେଁ ଆଜି ଭଲ ଅଛି ତ…