ଗୁଜରାଟ: ଦିନକୁ ଦିନ ହିଂସ୍ର ହେବାରେ ଲାଗିଛି କୁକୁର । ସବୁ ସ୍ଥାନରେ ଆତଙ୍କ ଖେଳାଉଛନ୍ତି । ଫଳରେ ଭୟରେ ଘରୁ ବାହାରିବାକୁ ଡରୁଛନ୍ତି ଲୋକେ । ନିକଟରେ ଏଭଳି ଏକ ଛାତିଥରା ଘଟଣା ସାମ୍ନାକୁ ଆସିଛି ଯେଉଁ ଦୃଶ୍ୟ ଦେଖିଲେ ଲୋମ ଟାଙ୍କୁରି ଉଠିବ । ଦେଢ଼ ବର୍ଷର ପୁଅକୁ କୁକୁର ଝୁଣି ଖାଉଥିବା ବେଳେ ଅଳ୍ପକେ ଶିଶୁଟି ଜୀବନ ପାଇଛିି । ଯେଉଁ ଦୃଶ୍ୟ ବର୍ତ୍ତମାନ ସମସ୍ତଙ୍କୁ ଚକିତ କରିଛି ।
ସୁଚନା ମୁତାବିକ୍, ଦେଢ଼ ବର୍ଷର ପୁଅ ହଠାତ୍ ଦାଣ୍ଡକୁ ଚାଲି ଆସିଥିଲା । ସେହି ସ୍ଥାନରେ ସେ ଖେଳିବାକୁ ଲାଗିଥିଲା ।ହେଲେ ଏହି କୁନି ପୁଅ ଉପରେ ସଇତାନ୍ କୁକୁରର ନଜର ପଡ଼ିଥିଲା । କେଉଁଠି ଥିଲା କେଜାଣି ଧାଇଁ ଆସି ନୀରିହ ଶିଶୁ ଉପରେ ହଠାତ୍ ଆକ୍ରମଣ କରିବାକୁ ଲାଗିଥିଲା । ଯାହାର ଦୃଶ୍ୟ ସିସି ଟିଭିରେ କଏଦ ହୋଇଯାଇଥିଲା । ଦୃଶ୍ୟଟି ଏତେ ଭୟାନକ ଥିଲା ଯେ, ଯଦି ଘଟଣାସ୍ଥଳରେ କୁନି ପିଲାର ବାପା ପହଞ୍ଚି ନଥାନ୍ତେ ତେବେ ତାଙ୍କ ପରିବାର ଲୋକେ ଏ ଦେଢ଼ ବର୍ଷର ପୁଅ ସବୁଦିନ ପାଇଁ ହରାଇ ଦେଇ ଥାଆନ୍ତେ ।
ତେବେ ଏଭଳି ଲୋମ ଟାଙ୍କୁରା ଘଟଣା ଗୁଜରାଟର ଅହମ୍ମଦାବାଦର ଜୁହାପୁରା ଅଞ୍ଚଳରେ ଘଟିଛି । ଏହାର ସିସିଟିଭି ଫୁଟେଜ ଏବେ ଭାଇରାଲ ହେବାରେ ଲାଗିଛି । ଭିଡିଓଟିରେ ଦେଖିବାକୁ ମିଳିଛି ପିଲାଟି ଦାଣ୍ଡକୁ ବାହାରି ଆସି ଖେଳିବାକୁ ଲାଗିଥିଲା । ଖେଳୁଥିବା ବେଳେ କୁକୁରଟି ଧାଇଁ ଆସି ତା ଉପରେ ଅତର୍କିତ ଭାବେ ଆକ୍ରମଣ କରିବାକୁ ଲାଗିଥିଲା । ଆଉ ପିଲାଟିର ଚିତ୍କାର ଶୁଣି ତା ବାପା ଦୌଡ଼ି ଆସି ଛୁଆକୁ ବଞ୍ଚାଇବାକୁ ଅପ୍ରାଣ ଉଦ୍ୟମ କରିଥିଲେ । କୁକୁରଟିକୁ ପ୍ରହାର ମଧ୍ୟ କରିଥିଲେ ହେଲେ କୁକୁରଟି ଶିଶୁଟିକୁ ଛାଡ଼ିନଥିଲା । ଶେଷରେ କୁକୁରଟିକୁ ଟେକି ଫୋପାଡ଼ି ଦେବା ସହ ଛୁଆକୁ କୁକୁର ମୁହଁରୁ ଛଡ଼ାଇ ଆଣିିଥିଲେ । ଫଳରେ କୁକୁରଟି ସେହି ସ୍ଥାନ ଛାଡ଼ି ପଳାଇଯାଇଥିଲା । ଯାହାଦ୍ୱାରା ଶିଶୁଟିର ଜୀବନ ବଞ୍ଚି ଯାଇଥିଲା ।
ବର୍ତ୍ତମାନ କୁକୁର କାମୁଡ଼ାରେ ଶିଶୁଟିର ଅବସ୍ଥା ଗୁରୁତର ଥିବାରୁ ସ୍ଥାନୀୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତେବେ ପିଲାଟିର ହାତ, ଗୋଡ଼, ପେଟରେ କ୍ଷତ ଚିହ୍ନ ଥିବା ଜଣାପଡ଼ିଛି ।
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…