ଦୋହାରୁ ଆୟରଲାଣ୍ଡ ଡବଲିନ ଯାଉଥିବା କତାର ଏୟାରୱେଜର ବିମାନ ଟର୍ବୁଲାନ୍ସର ଶିକାର ହୋଇଛି । ଫଳରେ ୧୨ ଜଣ ଲୋକ ଆହତ ହୋଇଛନ୍ତି । ଡବଲିନ ବିମାନବନ୍ଦର ପକ୍ଷରୁ ଏହି ସୂଚନା ମିଳିଛି । ତେବେ ବିମାନକୁ ସୁରକ୍ଷିତ ଭାବେ ନିର୍ଦ୍ଧାରିତ ସମୟରେ ଅବତରଣ କରିଛି ।
ସୂଚନା ମୁତାବକ, ଡବଲିନ ବିମାନବନ୍ଦରରେ ଫ୍ଲାଇଟ ନଂ QR 017 ବୋଇଂ ୭୮୭ ଡ୍ରିମଲାଇନର ଅପରାହ୍ନ ୧ଟା ସମୟରେ ସୁରକ୍ଷିତ ଭାବେ ଅବତରଣ ହୋଇଥିଲା । ବିମାନଟି ଉଡାଣ ସମୟରେ ତୁର୍କୀ ସୀମାରେ ଥିବା ସମୟରେ ଟର୍ବୁଲାନ୍ସର ଶିକାର ହୋଇଥିଲା । ଆଉ ଏଥିପାଇଁ ୬ ଯାତ୍ରୀ ଏବଂ ୬ କ୍ରୁ ମେମ୍ବର ଆହତ ହୋଇଥିଲେ । ଏମାନଙ୍କ ମଧ୍ୟରୁ ୮ଜଣଙ୍କୁ ହସପିଟାଲରେ ଭର୍ତ୍ତି କରାଯାଇଛି । ଅନ୍ୟ ମାନଙ୍କୁ ପ୍ରାଥମିକ ଚିକିତ୍ସା ପରେ ଘରକୁ ଛଡାଯାଇଛି ।
ସୂଚନାଯୋଗ୍ୟ, ଗତ ୫ ଦିନ ତଳେ ଲଣ୍ଡନରୁ ସିଙ୍ଗାପୁର ଯାଉଥିବା ସିଙ୍ଗାପୁର ଏୟାରଲାଇନ୍ସର ଏକ ବିମାନ ଟର୍ବୁଲାନ୍ସର ଶିକାର ହୋଇଥିଲା । ବୋଇଙ୍ଗ 777-300ER ବିମାନ ସିଙ୍ଗାପୁର ଅଭିମୁଖେ ଯାଉଥିଲା । ଏଥିରେ ଜଣେ ବ୍ରିଟିଶ ନାଗରିକଙ୍କ ମୃତ୍ୟୁ ହୋଇଥିବା ବେଳେ ପାଖାପାଖି ୮୦ ଯାତ୍ରୀ ଆହତ ହୋଇଥିଲେ । ବିମାନଟି ୨୧୧ ଯାତ୍ରୀ ଏବଂ ୧୮ ଜଣ କ୍ରୁ ସଦସ୍ୟଙ୍କ ସହ ଲଣ୍ଡନରୁ ସିଙ୍ଗାପୁର ଯାଉଥିଲା । ବିମାନଟି ଯେତେବେଳେ ୩୭,୦୦୦ ଫୁଟ ଉଚ୍ଚରେ ଥିଲା, ସେତେବେଳେ ବିମାନକୁ ଏକ ଭୟଙ୍କର ଝଟ୍କା ଲାଗିଥିଲା । ଆଉ ବିମାନଟି ମାତ୍ର ତିନି ମିନିଟ୍ରେ ୬,୦୦୦ ଫୁଟ ତଳକୁ ଖସି ଆସିଥିଲା । ବିମାନରେ ସର୍ବାଧିକ ୫୬ ଜଣ ଯାତ୍ରୀ ଅଷ୍ଟ୍ରେଲିଆର ଥିଲେ । ଏହିପରି ବ୍ରିଟେନରୁ ୪୭ ଜଣ, ସିଙ୍ଗାପୁରରୁ ୪୧ ଜଣ ଏବଂ ନ୍ୟୁଜିଲାଣ୍ଡରୁ ୨୩ ଜଣ ଯାତ୍ରୀ ଥିଲେ । ଏମାନଙ୍କ ବ୍ୟତୀତ କାନାଡାରୁ ୨, ଜର୍ମାନୀରୁ ଜଣେ, ଭାରତରୁ ୩, ଇଣ୍ଡୋନେସିଆରୁ ୨, ଆଇସ୍ଲାଣ୍ଡରୁ ୪, ଆୟର୍ଲାଣ୍ଡରୁ ୪, ଇସ୍ରାଏଲରୁ ଜଣେ, ମାଲେସିଆରୁ ୧୬, ମିଆଁମାରରୁ ୨, ଫିଲିପାଇନ୍ସରୁ ୫, ଦକ୍ଷିଣ କୋରିଆରୁ ଜଣେ, ସ୍ପେନରୁ ୨ ଏବଂ ଆମେରିକାରୁ ୪ ଜଣ ଯାତ୍ରୀ ବିମାନରେ ଥିଲେ । ତେବେ ଏହି ଘଟଣାର ଭୟାବହତା ଭିତରେ ପୁଣି କତାର ଏୟାରେଓ୍ଵଜ ବିମାନରେ ଟର୍ବୁଲାନ୍ସ ଯୋଗୁଁ ଯାତ୍ରୀ ଭୟଭୀତ ହୋଇଯାଇଥିଲେ ।
ତେବେ ସିଙ୍ଗାପୁର ଏୟାରଲାଇନ୍ସ ଟର୍ବୁଲାନ୍ସ ଘଟଣାରେ ପ୍ରାୟ ୨୨ ଜଣଯାତ୍ରୀଙ୍କ ମେରୁଦଣ୍ଡରେ ଆଘାତ ଆସିଛି । ୨ ବର୍ଷର ପିଲା ସହିତ ଅନ୍ୟ ୬ ଜଣଙ୍କ ମୁଣ୍ଡରେ ଆଘାତ ଲାଗିଛି । ଏପର୍ଯ୍ୟନ୍ତ ହସପିଟାଲରେ ୪୩ ଜଣ ଭର୍ତ୍ତି ରହିଛନ୍ତି ।
ଭାରତୀୟ ଟିମ୍ ଟି୨୦ ବିଶ୍ୱକପ ୨୦୨୪ ସୁପର-୮ ମ୍ୟାଚ ଖେଳିବାକୁ ୱେଷ୍ଟଇଣ୍ଡିଜରେ ପହଞ୍ଚିସାରିଛି । ଟିମ୍ ବ୍ରିଜଟାଉନରେ କଠିନ ଅଭ୍ୟାସ…
ଆଜିକାଲି ଲୋକମାନେ ବଢୁଥିବା ଓଜନକୁ ନେଇ ଚିନ୍ତିତ ରହୁଛନ୍ତି । ଯଦି ଆପଣ ମଧ୍ୟ ଏକ୍ସରସାଇଜ୍ କରିବା ପରେ ମଧ୍ୟ…
କେନ୍ୟୁଜ (ବ୍ୟୁରୋ) : ଭୁବନେଶ୍ୱର ଡ୍ରେନରେ ଭାସିଯାଇଥିବା ନାବାଳକ ଉଦ୍ଧାର । ଆଜି ୟୁନିଟ ୩ ମସଜିଦ କଲୋନୀ ନିକଟରେ…
ଅଲକା ୟାଗନିକ୍ ଜଣେ ପ୍ରସିଦ୍ଧ ବଲିଉଡ୍ ଗାୟିକା । ସଙ୍ଗୀତ ଦୁନିଆରେ ତାଙ୍କୁ କିଏ ବା ନ ଜାଣେ ।…
ସିକ୍କିମ୍ରେ ବର୍ତ୍ତମାନ ସ୍ଥିତି ସାଂଘାତିକ । ଏଠାରେ କ୍ରମାଗତ ବର୍ଷା ଏବଂ ଭୂସ୍ଖଳନ ଯୋଗୁ ପରିସ୍ଥିତି ଜଟିଳ ହୋଇପଡ଼ିଛି ।…
ସୋସିଆଲ ମିଡିଆରେ ରିଲ୍ସ କରିବାକୁ ନେଇ ଲୋକଙ୍କ ମଧ୍ୟରେ ଏତେ ଉତ୍ସାହ ରହୁଛି ଯେ ନିୟମ ସୁଦ୍ଧା ମାନିବାକୁ ସେମାନେ ପ୍ରସ୍ତୁତ…