ବିହାରରେ ଏକ ଅମାନବୀୟ ଘଟଣା ଘଟିଛି। ସୁପୋଲ ଜିଲାର ଦୁଇଜଣ ଯୁବକ ନିଶାଦ୍ରବ୍ୟ ଶୁୁଙ୍ଘାଇ ୧୬ ବର୍ଷର ଜଣେ ନାବାଳିକାଙ୍କୁ ଅପହରଣ କରି ତାଙ୍କ ସହିତ ଗଣଦୁଷ୍କର୍ମ କରିଛନ୍ତି। ଏହାପରେ ଅଭିଯୁକ୍ତମାନେ ନାବାଳିକାଙ୍କୁ ବେହୋଶ ଅବସ୍ଥାରେ ତାଙ୍କ ଘର ପାଖରେ ଛାଡ଼ି ଦେଇ ଫେରାର୍ ହୋଇଯାଇଛନ୍ତି। ଘଟଣାଟି ସୋମବାର ସନ୍ଧ୍ୟାରେ ଘଟିଛି। ଏ ନେଇ ପୀଡ଼ିତାଙ୍କ ବାପା ମହିଳା ଥାନାରେ ଅଭିଯୋଗ କରିବା ପରେ ମଙ୍ଗଳବାର ମାମଲା ରୁଜୁ କରାଯାଇଛି। ସେପଟେ ପୀଡ଼ିତାଙ୍କୁ ଡାକ୍ତରୀମାଇନା ପାଇଁ ସଦର ହସ୍ପିଟାଲ ପଠାଯାଇଛି।
ଅଭିଯୋଗ ଅନୁସାରେ, ନାବାଳିକା ଜଣକ ପଡ଼ୋଶୀଙ୍କ ଘରକୁ ଯାଉଥିଲେ। ଏହି ସମୟରେ ଉକ୍ତ ଗାଁର ଦୁଇ ଯୁବକ ନାବାଳିକାଙ୍କୁ ନିଶାଦ୍ରବ୍ୟ ଶୁଙ୍ଘାଇ ଉଠାଇ ନେଇଥିଲେ ଏବଂ ତାଙ୍କ ସହିତ ବାରମ୍ବାର ଦୁଷ୍କର୍ମ କରିଥିଲେ। ବିଳମ୍ବିତ ରାତି ପର୍ଯ୍ୟନ୍ତ ଝିଅ ଘରକୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ ଏବଂ ଏତିକି ବେଳେ ସେମାନଙ୍କ ନଜର ତାଙ୍କ ଝିଅ ଉପରେ ପଡ଼ିଥିଲା। ନାବାଳିକା ଜଣକ ବେହୋଶ ଅବସ୍ଥାରେ ଥିଲେ। ତାଙ୍କୁ ହୋଶକୁ ଅଣାଯିବା ପରେ ସେ ଘଟଣା ସମ୍ପର୍କରେ ତାଙ୍କ ପରିବାର ଲୋକଙ୍କୁ କହିଥିଲେ।
ପରଦିନ ସକାଳେ ପରିବାର ଲୋକେ ଲୋକହା ଓପି ଯାଇଥିଲେ, କିନ୍ତୁ ସେଠାରେ ପୋଲିସ ତାଙ୍କୁ ପ୍ରତାଡ଼ିତ କରିଥିଲା ଏବଂ ମହିଳା ଥାନା ପଠାଇ ଦେଇଥିଲା। ଏପରିକି, ମହିଳା ଥାନାରେ ବି ସେମାନେ ହଟହଟା ହୋଇଥିଲେ। ପରେ ସଦର ଡିଏସ୍ପି ଇନ୍ଦ୍ର ପ୍ରକାଶଙ୍କୁ ଘଟଣା ବିଷୟରେ ଜଣାପଡ଼ିବା ପରେ ସେ ମାମଲାକୁ ଗମ୍ଭୀରତାର ସହ ନେଇଥିଲେ ଏବଂ କେଶ ରୁଜୁ କରି ଅଭିଯୁକ୍ତମାନଙ୍କୁ ତୁରନ୍ତ ଗିରଫ କରିବାକୁ ନିର୍ଦ୍ଦେଶ ଦେଇଥିଲେ। ତେବେ ମହିଳା ଥାନା ଅଧ୍ୟକ୍ଷଙ୍କ କହିବା ଅନୁଯାୟୀ, ଅଭିଯୁକ୍ତ ଦ୍ୱୟଙ୍କୁ ଗିରଫ କରାଯିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଛି।
ବିହାରର ପାଟନା ଏୟାରପୋର୍ଟକୁ ବୋମାରେ ଉଡ଼ାଇ ଦେବାକୁ ମିଳିଛି ଧମକ । ଏହି ଧମକ ଇ-ମେଲ୍ ମାଧ୍ୟମରେ ମିଳିଛି, ଯାହାକୁ…
ଭାରତୀୟ ଟିମ୍ ଟି୨୦ ବିଶ୍ୱକପ ୨୦୨୪ ସୁପର-୮ ମ୍ୟାଚ ଖେଳିବାକୁ ୱେଷ୍ଟଇଣ୍ଡିଜରେ ପହଞ୍ଚିସାରିଛି । ଟିମ୍ ବ୍ରିଜଟାଉନରେ କଠିନ ଅଭ୍ୟାସ…
ଆଜିକାଲି ଲୋକମାନେ ବଢୁଥିବା ଓଜନକୁ ନେଇ ଚିନ୍ତିତ ରହୁଛନ୍ତି । ଯଦି ଆପଣ ମଧ୍ୟ ଏକ୍ସରସାଇଜ୍ କରିବା ପରେ ମଧ୍ୟ…
କେନ୍ୟୁଜ (ବ୍ୟୁରୋ) : ଭୁବନେଶ୍ୱର ଡ୍ରେନରେ ଭାସିଯାଇଥିବା ନାବାଳକ ଉଦ୍ଧାର । ଆଜି ୟୁନିଟ ୩ ମସଜିଦ କଲୋନୀ ନିକଟରେ…
ଅଲକା ୟାଗନିକ୍ ଜଣେ ପ୍ରସିଦ୍ଧ ବଲିଉଡ୍ ଗାୟିକା । ସଙ୍ଗୀତ ଦୁନିଆରେ ତାଙ୍କୁ କିଏ ବା ନ ଜାଣେ ।…
ସିକ୍କିମ୍ରେ ବର୍ତ୍ତମାନ ସ୍ଥିତି ସାଂଘାତିକ । ଏଠାରେ କ୍ରମାଗତ ବର୍ଷା ଏବଂ ଭୂସ୍ଖଳନ ଯୋଗୁ ପରିସ୍ଥିତି ଜଟିଳ ହୋଇପଡ଼ିଛି ।…