ଭାରତ ଆସିବେ ୟୁକ୍ରେନ୍ ବୈଦେଶିକ ମନ୍ତ୍ରୀ, ଶିଖର ସମ୍ମିଳନୀ ପାଇଁ ଲୋଡ଼ିବେ ସହଯୋଗ

ନୂଆଦିଲ୍ଲୀ : ବୁଧବାର ଭାରତ ଆସିବେ ୟୁକ୍ରେନ୍ ବୈଦେଶିକ ମନ୍ତ୍ରୀ ଡିମିଟ୍ରି କୁଲେବା । ଏହା ତାଙ୍କର ପ୍ରଥମ ଭାରତ ଗସ୍ତ। ଦୁଇ ଦିନ ରହିବେ । ସ୍ବିଜରଲ୍ୟାଣ୍ଡରେ ହେବାକୁ ଥିବା ଶାନ୍ତି ଶିଖର ସମ୍ମିଳନୀ ପାଇଁ ଭାରତର ସହଯୋଗ ଲୋଡ଼ିବେ । କିଛି ଦିନ ତଳେ ମୋଦିଙ୍କ ସହ ଟେଲିଫୋନରେ କଥାବାର୍ତ୍ତା ବେଳେ ଏହି ପ୍ରସଙ୍ଗ ଉଠାଇଥିଲେ ଜେଲେନସ୍କି ।

ସେପଟେ ଜାତିସଂଘରେ ଅସ୍ତ୍ରବିରତି ପ୍ରସ୍ତାବ ଗୃହୀତ ପରେ ବି ଗାଜାରେ ଯୁଦ୍ଧ ଜାରି ରହିଛି । ଜାତିସଂଘରେ ଯୁଦ୍ଧ ବିରତି ପ୍ରସ୍ତାବ ଗୃହୀତ ହେବା ପରେ ବି ଗାଜାରେ ଗର୍ଜୁଛି ବନ୍ଧୁକ । ଜାରି ରହିଛି ଯୁଦ୍ଧ । ରାଫାରେ ବୋମା ବର୍ଷା କରିଛି ଇସ୍ରାଏଲ ବିମାନ । ଏୟାର ଷ୍ଟ୍ରାଇକରେ ୧୮ ଜଣଙ୍କ ମୃତ୍ୟୁ ଘଟିଛି । ଗାଜାରେ ତୁରନ୍ତ ଯୁଦ୍ଧ ବିରତି ପାଇଁ ସୋମବାର ଜାତିସଂଘ ସୁରକ୍ଷା ପରିଷଦରେ ସଂକଳ୍ପ ପାରିତ ହୋଇଥିଲା । ସଂକଳ୍ପରେ ଯୁଦ୍ଧ ବିରତି ସହ ନିସର୍ତ୍ତ ଏବଂ ତୁରନ୍ତ ପଣବନ୍ଦୀଙ୍କ ମୁକ୍ତି ଦାବି କରାଯାଇଥିଲା। ପାରିତ ସଂକଳ୍ପ କାର୍ଯ୍ୟକାରୀ ନହେଲେ ଏହା ଅକ୍ଷମଣୀୟ ବୋଲି କୁହାଯାଇଥିଲା ।

ଜାତିସଂଘର ଏହି ପ୍ରସ୍ତାବରେ ଆମେରିକା ଭୋଟ ଦାନରୁ ବିରତ ରହିଥିଲା । ସଂକଳ୍ପ ସପକ୍ଷରେ ୧୪ ଭୋଟ ପଡ଼ିଥିଲା। ଜାତିସଂଘରେ ସଂକଳ୍ପ ଗୃହୀତ ହେବା ପରେ ବି ଯୁଦ୍ଧ ଜାରି ରହିଛି । ଇସ୍ରାଏଲ ଆକ୍ରମଣରେ ଏପର୍ଯ୍ୟନ୍ତ ୩୨ ହଜାରରୁ ଅଧିକ ଲୋକଙ୍କ ମୃତ୍ୟୁ ଘଟିଲାଣି ।