photo: The Sun
ଜନ୍ମଦିନରେ ଆଖି ବୁଜିଛନ୍ତି ୟୁକ୍ରେନ୍ ସେନାର ଜଣେ ମେଜର। ଗ୍ରେନେଡ୍ ବିସ୍ଫୋରଣରେ ତାଙ୍କର ମୃତ୍ୟୁ ହୋଇଥିବା ସୂଚନା ଦେଇଛନ୍ତି ୟୁକ୍ରେନ ଗୃହମନ୍ତ୍ରୀ ଇହୋର କ୍ଲାଇମେଙ୍କୋ। ଗୃହମନ୍ତ୍ରୀ ଟେଲିଗ୍ରାମରେ ସୂଚନା ଦେଇ କହିଛନ୍ତି ଯେ ମୃତ୍ୟୁବରଣ କରିଥିବା ୟୁକ୍ରେନ ସୈନିକ ହେଲେ ମେଜର ହେନାଡି ଚସ୍ତିୟାକୋଭ। ଏହି ବିସ୍ଫୋରଣରେ ତାଙ୍କର ୧୩ ବର୍ଷର ପୁଅ ମଧ୍ୟ ଗୁରୁତର ଆହତ ହୋଇଛନ୍ତି।
ମେଜର ହେନାଡି ଚସ୍ତିୟାକୋଭ ୟୁକ୍ରେନ ସେନା ମୁଖ୍ୟଙ୍କର ଅତ୍ୟନ୍ତ ଘନିଷ୍ଠ ଥିଲେ। ସେ ତାଙ୍କର ୩୯ତମ ଜନ୍ମଦିନ ପାଳନ କରୁଥିଲେ। ଏହି ସମୟରେ ତାଙ୍କର ଜଣେ ବନ୍ଧୁ ଉପହାର ସ୍ୱରୂପ ତାଙ୍କୁ ୬ଟି ଗ୍ରେନେଡ୍ ଦେଇଥିଲେ।
ୟୁକ୍ରେନ ଗୃହମନ୍ତ୍ରୀ କହିଛନ୍ତି, ଘରେ ରଖାଯାଇଥିବା ଗ୍ରେନେଡକୁ ଧରି ଚସ୍ତିୟାକୋଭଙ୍କ ପୁଅ ଖେଳିବା ଆରମ୍ଭ କରିଥିଲା। ଖେଳିବାବେଳେ ସେ ଗ୍ରେନେଡରେ ଲାଗିଥିବା ଆବରଣକୁ ଟାଣି ଦେଇଥିଲା, ଯାହାଫଳରେ ଏକ ଜୋର୍ଦାର ବିସ୍ଫୋରଣ ହୋଇଥିଲା। ଏହି ଘଟଣା ୟୁକ୍ରେନର ରାଜଧାନୀ କିଭ୍ ନିକଟସ୍ଥ ଚୈକି ଗାଁରେ ହୋଇଛି। ୟୁକ୍ରେନ ସାଂସଦ ତଥା ରାଷ୍ଟ୍ରପତିଙ୍କ ସମର୍ଥକ ମରିୟାନା ବେଜୁଲହା କହିଛନ୍ତି ଯେ ଅବହେଳା କାରଣରୁ ମେଜର ଚସ୍ତିୟାକୋଭଙ୍କ ମୃତ୍ୟୁ ଘଟିଛି।
ସୂଚନାଥାଉ କି, ଗତ ନଭେମ୍ବର ୬ରେ ୟୁକ୍ରେନ ମିଲିଟାରୀର ୩୯ ବର୍ଷୀୟ ମେଜର ଚସ୍ତିୟାକୋଭଙ୍କ ଜନ୍ମଦିନ ଥିଲା। ଜନ୍ମଦିନରେ ତାଙ୍କୁ ଅନେକ ଉପହାର ମିଳିଥିଲା। ତାଙ୍କ ୧୩ ବର୍ଷର ପୁଅ ତାଙ୍କୁ ଉପହାର ଦେଖାଇବାକୁ କହିଥିଲେ। ଚସ୍ତିୟାକୋଭ ପୁଅର କଥାକୁ ଏଡ଼ାଇପାରି ନ ଥିଲେ ଏବଂ ଉପହାର ଦେଖାଇଥିଲେ।
ଏହି ଉପହାର ବାକ୍ସଗୁଡ଼ିକ ମଧ୍ୟରୁ ଗୋଟିଏରେ ଗ୍ରେନେଡ୍ ରହିଥିଲା, ଏହାକୁ ଖୋଲିବା ମାତ୍ରେ ବଡ଼ ବିସ୍ଫୋରଣ ଘଟିଥିଲା। ଏଥିରେ ମେଜରଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ତାଙ୍କ ପୁଅ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ୟୁକ୍ରେନ ଗୃହମନ୍ତ୍ରୀ କହିଛନ୍ତି ଯେ ମେଜରଙ୍କୁ ଗ୍ରେନେଡ ଦେଇଥିବା ସହଯୋଗୀଙ୍କୁ ଚିହ୍ନଟ କରାଯାଇଛି।
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…