କାବୁଲ ବିମାନ ବନ୍ଦରରେ ହୋଇପାରେ ଆକ୍ରମଣ,ଚିନ୍ତା ପ୍ରକଟ କଲା ଆମେରିକା

ନୂଆଦିଲ୍ଲୀ : ତାଲିବାନ ପାଇଁ ଆଫଗାନିସ୍ତାନରେ ବିଗୁୁଡୁଛି ସ୍ଥିତି । ଏବେ ଘନେଇଛି ନୂଆ ବିପଦ। କାବୁଲ ବିମାନ ବନ୍ଦର ଉପରେ ଦୁର୍ଦ୍ଦଶ ଆତଙ୍କବାଦୀ ସଂଗଠନ ଆଇଏସ (ଇସଲାମିକ ଷ୍ଟେଟ) କରିପାରେ ଆକ୍ରମଣ। ସମ୍ଭାବ୍ୟ ଆକ୍ରମଣ ନେଇ ଆମେରିକା ସେନା ଆଲର୍ଟ ଜାରି କରିଛି। ତାଲିବାନ କବଜା ପରେ ଆଫଗାନିସ୍ତାନ ଛାଡ଼ିବାକୁ ନାଗରିକ ବ୍ୟଗ୍ର ।

କାବୁଲର ହମିଜ କାର୍ଜାଇ ବିମାନବନ୍ଦରେ ଲୋକଙ୍କ ଭିଡ ଲାଗି ରହିଛି। ନିଜ ଦେଶର ନାଗରିକଙ୍କ ସୁରକ୍ଷା ନେଇ ମାର୍କିନ ପ୍ରଶାସନ ଚିନ୍ତା ପ୍ରକାଶ କରି ଆଲର୍ଟ ଜାରି କରିଛି । ବିମାନ ବନ୍ଦର ବାହାରେ ହଜାର ହଜାର ଲୋକଙ୍କ ଭିଡ ଜମୁଛି । ଏଥିରୁ ନିବୃତ ରହିବା ପାଇଁ ନିଜ ଦେଶର ଲୋକଙ୍କୁ ପରାମର୍ଶ ଦେଇଛି ଆମେରିକା ।

ମାର୍କିନ ସେନା ଆଫଗାନିସ୍ତାନ ଛାଡ଼ିବା ପରେ ବିମାନବନ୍ଦରକୁ ଚାରିପଟରୁ ଘେରି ରହିଛନ୍ତି ତାଲିବାନ ସେନା । ସମ୍ଭାବ୍ୟ ଆକ୍ରମଣ ଏଡ଼ାଇବାକୁ ବିମାନବନ୍ଦର ୱାଚ୍‌ ଟାୱାରରେ ନିରୀକ୍ଷଣ ସହ ସୁରକ୍ଷା ମଧ୍ୟ ବଢାଇ ଦିଆଯାଇଛି । ସଶସ୍ତ୍ର ମାର୍କିନ ସେନା ଲୋକଙ୍କୁ ବିଭିନ୍ନ ରାଷ୍ଟ୍ରକୁ ପଠାଇବାକୁ ବ୍ୟାପକ ସଂଖ୍ୟାରେ ମୁତୟନ ହୋଇଛନ୍ତି । ରାଜଧାନୀ କାବୁଲ ବାହାରେ ପାହାଡ଼ ମଧ୍ୟରେ ବିମାନ ବନ୍ଦର ଅବସ୍ଥିତ ଥିବାରୁ ସେଠାରେ ପହଞ୍ଚିବାକୁ ଲୋକଙ୍କୁ ମଧ୍ୟ ଅନ୍ୟ କଠିନ ପରିସ୍ଥିତିର ସାମନା କରିବାକୁ ପଡୁଛି । ମ