ଉତ୍ତରପ୍ରଦେଶର ଉଚ୍ଚ ଶିକ୍ଷା ନିର୍ଦ୍ଦେଶାଳୟ ଛାତ୍ରଛାତ୍ରୀମାନଙ୍କୁ କଲେଜ ସମୟରେ ବିଭ୍ରାନ୍ତ ନହେବା ପାଇଁ ସାରା ରାଜ୍ୟର କଲେଜ ଏବଂ ୟୁନିଭର୍ସିଟି ଗୁଡିକରେ ମୋବାଇଲ ଫୋନର ବ୍ୟବହାର ଉପରେ ପ୍ରତିବନ୍ଧକ ଲଗାଇଛନ୍ତି । ସୂଚନା ଅନୁଯାୟୀ ଉଚ୍ଚ ଶିକ୍ଷା ନିର୍ଦ୍ଦେଶାଳୟର ଏକ ନୂଆ ନୋଟିସ ଜାରି କରିଛି ଯାହାକି ରାଜ୍ୟର ସମସ୍ତ କଲେଜ ଓ ୟୁନିଭର୍ସିଟି ପରିସରରେ ମୋବାଇଲ ଫୋନ ବ୍ୟବହାର ଉପରେ ପ୍ରତିବନ୍ଧକ ଲଗାଇବାକୁ ଆହ୍ୱାନ ଦେଉଛି । ଏହି ରିପୋର୍ଟ ଅନୁଯାୟୀ ରାଜ୍ୟର ବିଶ୍ଵବିଦ୍ୟାଳୟ ଓ ମହାବିଦ୍ୟାଳୟରେ ପଢ଼ୁଥିବା ଛାତ୍ରଛାତ୍ରୀମାନେ ବର୍ତ୍ତମାନ କ୍ୟାମ୍ପସ ମଧ୍ୟରେ ମୋବାଇଲ ଫୋନର ବ୍ୟବହାର କରିପାରିବେ ନାହିଁ ।
ସୂଚନା ଅନୁଯାୟୀ ଏହି ନିୟମ କେବଳ ୟୁପିର ଛାତ୍ରଛାତ୍ରୀ ମାନଙ୍କ ପାଇଁ ସୀମିତ ନୁହେଁ ବରଂ କଲେଜର ସମସ୍ତ ଟିଚିଙ୍ଗ ଓ ଫ୍ୟାକଲ୍ଟି ଷ୍ଟାଫ ମାନଙ୍କ ପାଇଁ ମଧ୍ୟ ଜାରି କରାଯାଇଛି । ରାଜ୍ୟର ସମସ୍ତ ୟୁନିଭର୍ସିଟି ଓ କଲେଜ ଗୁଡିକରେ ଛାତ୍ରଛାତ୍ରୀମାନଙ୍କ ପାଇଁ ଉନ୍ନତ ଶିକ୍ଷଣୀୟ ବାତାବରଣ ସୃଷ୍ଟି କରିବା ପାଇଁ ଉଚ୍ଚଶିକ୍ଷା ନିର୍ଦ୍ଦେଶାଳୟ ଏପରି ଏକ ନିଷ୍ପତ୍ତି ନେଇଛନ୍ତି । ନିର୍ଦ୍ଦେଶାଳୟର କହିବା ଅନୁଯାୟୀ କଲେଜରେ ଘଣ୍ଟା ଘଣ୍ଟା ଧରି ଛାତ୍ରଛାତ୍ରୀ ଓ ଶିକ୍ଷକମାନେ ନିଜର ବହୁମୂଲ୍ୟ ସମୟ ମୋବାଇଲ ଫୋନରେ ବିତାଉଛନ୍ତି ।
ଏହାବ୍ୟତୀତ ପୂର୍ବରୁ ମୁଖ୍ୟମନ୍ତ୍ରୀ ୟୋଗୀ ଆଦିତ୍ୟନାଥ କ୍ୟାବିନେଟର ବୈଠକ ସହିତ ନିଜର ଅଧିକାରିକ ବୈଠକ ସମୟରେ ମଧ୍ୟ ମୋବାଇଲ ଫୋନର ବ୍ୟବହାର ଉପରେ ପ୍ରତିବନ୍ଧକ ଲଗାଇଥିଲେ । କାରଣ ବୈଠକ ସମୟରେ କିଛି କ୍ୟାବିନେଟ ମନ୍ତ୍ରୀ ନିଜ ମୋବାଇଲ ଫୋନରେ ହ୍ଵାଟ୍ସଆପ ମେସେଜ ପଢିବାରେ ବ୍ୟସ୍ତ ରହୁଥିବାର ଦେଖାଯାଇଥିଲା । ସେଥିପାଇଁ ମୁଖ୍ୟମନ୍ତ୍ରୀ ଏପରି ଏକ ନିର୍ଦ୍ଦେଶ ଜାରି କରିଥିଲେ । ଯଦିଓ ବର୍ତ୍ତମାନ ମନ୍ତ୍ରୀମାନେ ବୈଠକକୁ ମୋବାଇଲ ଫୋନ ନେଇପାରିବେ କିନ୍ତୁ ସେହି ଫୋନକୁ ତାଙ୍କୁ ସାଇଲେଣ୍ଟ ମୋଡ଼ରେ ରଖିବାକୁ ପଡିବ ବୋଲି ସରକାରଙ୍କର ନିର୍ଦ୍ଦେଶ ରହିଛି ।
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…