ଦେଶ ବିଦେଶ

ଅଭିନୟ ନେଲା ବାସ୍ତବ ରୂପ…ଚରିତ୍ରରେ ଏତେ ପଶିଗଲେ ଯେ ସତ ସତିକା ବଧ କରିଦେଲେ କାଳୀ ଭୂମିକାରେ ଅଭିନୟ କରୁଥିବା ବାଳକ

ବେଶ ଥିଲା ନକଲୀ କିନ୍ତୁ ଅଭିନୟ କରିଦେଲେ ଅସଲୀ…ହଁ ଆଜ୍ଞା କାଳୀ ଭୂମିକାରେ ଅଭିନୟ କରୁଥିବା ବାଳକ ସତସତିକା ମାରିଦେଲା ରାକ୍ଷସକୁ । ମଞ୍ଚ ଉପରେ ଅଭିନୟ ଚାଲିଥିଲା, ଲୋକେ ଅଭିନୟରେ ଏକଦମ୍‌ ହଜି ଯାଇଥିଲେ । କିନ୍ତୁ କେହି ବି ଜାଣିପାରିଲେନି ଯେ ଚାଲିଥିବା ନାଟକରେ ସତସତିକା ରାକ୍ଷସର ବଧ ହୋଇଯିବ ବୋଲି । ଅଭିନୟ ନେଲା ବାସ୍ତବ ରୂପ…ଚରିତ୍ରରେ ଏତେ ପଶିଗଲେ ଯେ ସତ ସତିକା ବଧ କରିଦେଲେ କାଳୀ ଭୂମିକାରେ ଅଭିନୟ କରୁଥିବା ବାଳକ । ତାପରେ ଚାଲିଥିବା ଧାର୍ମିକ ଆୟୋଜନରେ ଶୋକର ଛାୟା ଖେଳିଯାଇଥିଲା । ଦେବୀ କାଳୀ ସାଜିଥିବା ୧୪ ବର୍ଷର ବାଳକ ହାତରେ ଚାଲିଗଲା ୧୧ ବର୍ଷର ରାକ୍ଷସ ସାଜିଥିବା ବାଳକର ଜୀବନ । ତ୍ରିଶୁଳ ମିଳିଲାନି ବୋଲି ଛୁରି ଧରିଥିଲା ବାଳକ । ତାପରେ ଘଟିଗଲା ଏଭଳି ଏକ ବଡ ଅଘଟଣ ।

କାନପୁରର ବିଲହର ଅନ୍ତର୍ଗତ ବାଗିୟାପୁର ଗାଁରେ ଘଟିଛି ଏଭଳି ଏକ ଦୁଃଖଦ ଘଟଣା । ଗାଁରେ ସୁବାଷ ସୈନି ନାମକ ଜଣେ ବ୍ୟକ୍ତିଙ୍କ ଘରେ ଭାଗବତ କଥା କାର୍ଯ୍ୟକ୍ରମ ଚାଲିଥିଲା । କାର୍ଯ୍ୟକ୍ରମ ବେଳେ ଗୋଟିଏ ଶୋଭାଯାତ୍ରା ବାହାରି ଥିଲା ଓ ଏଥିରେ ଛୋଟ ପିଲମାନେ ଭଗବତ କଥାର ବିଭିନ୍ନ ଚରିତ୍ରରେ ଅଭିନୟ କରୁଥିଲେ । ଏହି ସମୟରେ ଜଣେ ୧୪ ବର୍ଷର ବାଳକକୁ ମା କାଳୀ ଭୂମିକାରେ ଛିଡା କରିଦିଆଗଲା । ଆଉ ରାକ୍ଷସ ଭୂମିକାରେ ଜଣେ ୧୧ ବର୍ଷର ବାଳକକୁ ତା ସାମ୍ନାରେ ଛିଡା କରିଦିଆଗଲା। ଆଉ କିଛି ପିଲା ରାକ୍ଷସ ବେଶ ରୂପରେ ଛିଡା ବି ହୋଇଥିଲେ । କିନ୍ତୁ ମା କାଳୀଙ୍କ ହାତରେ ଦେବା ପାଇଁ ତ୍ରିଶୂଳ ମିଳିଲାନି । ଯେଉଁଥିିପାଇଁ ମାଆ କାଳୀ ସାଜିଥିବା ବାଳକ ହାତରେ ଛୁରୀ ଧରାଇଦେଲେ । ଅଭିନୟରେ ମା କାଳୀ ସାଜିଥିବାପିଲାଟି ରାକ୍ଷାସ ଭୂମିକାରେ ଥିବା ୧୧ ବର୍ଷର ପିଲାର ବେକରେ ଛୁରୀ ଲଗାଇଥିଲା । କିନ୍ତୁ ଛୁରୀରେ ଧାର ଥିଲା । କାହାକୁ ବି ଏହା ଆଦୌ ଜଣାନଥିଲା ସମସ୍ତେ ଅଭିନୟର ଖୁବ୍‌ ପ୍ରଶଂସା କରୁଥିଲେ । କିନ୍ତୁ ସେତେବେଳେ ବହୁତ ବଡ ଅଘଟଣ ଘଟିଯିବ କାହାକୁ ବି ଜଣାନଥିଲା ।

ଚାଲିଥିଲା ଅଭିନୟ । କିନ୍ତୁ କେହି କିଛି ବୁଝିବା ପୂର୍ବରୁ କାଳୀ ଭୂମିକାରେ ଅଭିନୟ କରୁଥିବା ପିଲାଟି ଧରିଥିବା ଛୁରୀରେ ରାକ୍ଷସ ବନିଥିବା ପିଲାଟିକୁ କରିଥିଲା ଆଘାତ । ଆଉ କ୍ଷଣିକରେ ଉଡିଯାଇଥିଲା ତାର ପ୍ରାଣବାୟୁ । ଚାରିଆଡେ ଖେଳିଗଲା ଶୋକର ଛାୟା । ରକ୍ତାକ୍ତ ଅବସ୍ଥାରେ ତଳେ ପଡିଥିଲା ପିଲାଟି ।

ଯଦିଓ ଛୁରୀକୁ କେବଳ ପ୍ରତିକାତ୍ମକ ଭାବେ ରାକ୍ଷାସ ଭୂମିକାରେ ଥିବା ପିଲାଟିର ବେକରେ ଲଗାଇବାକୁ କୁହାଯାଇଥିଲା । ବୋଧହୁଏ କାଳୀ ଭୂମିକାରେ ଅଭିନୟ କରୁଥିବା ପିଲାଟି ଏ କଥା ବୁଝିପାରିନଥିଲା । ତେଣୁ ଘଟାଇଦେଲା ଏତେ ବଡ ଅଘଟଣ । ତୁରନ୍ତ ପୋଲିସକୁ ଖବର ଦିଆଯାଇଥିଲା, ପୋଲିସ ଘଟଣା ସ୍ଥଳରେ ପହଞ୍ଚି ୧୧ ବର୍ଷର ପିଲାଟିର ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ ଅଭିଯୁକ୍ତ ଓ ଆୟୋଜକମାନଙ୍କୁ ଅଟକ ରଖି ପଚରାଉଚରା କରୁଛି ।
ପୋଲିସ ଏହି ମାମଲାରେ ଧାରା ୩୦୪ ଆଧାରରେ ହତ୍ୟା ମାମଲା ରୁଜୁ କରିଛି । ଏହାସହିତ ୧୪ ବର୍ଷର ବାଳକକୁ ଗିରଫ କରିନେଇଛି । କାନପୁର ପୋଲିସ ଡିସିପି କହିଛନ୍ତି, ମୃତକଙ୍କ ବାପାଙ୍କ ଅଭିଯୋଗ ପରେ ମାମଲା ଦାୟର କରାଯାଇଛି । ପିଲାକୁ ଜୁନେଭାଲ କୋର୍ଟରେ ହାଜର କରାଯିବ । ଆଗାମୀ କାର୍ଯ୍ୟାନୁଷ୍ଠାନ ଆଇନ ଅନୁଯାୟୀ ହେବ ବୋଲି ଜଣାଇଛି ପୋଲିସ ।

ତେବେ ଏଠି ଆୟୋଜକ ଧ୍ୟାନ ଦେବାର ଥିଲା । ସଚେତନତାର ସହ ଅଭିନୟକୁ ଶେଷ କରିବାର ଥିଲା । ଆଉ ଗୋଟେ ଧାରୁଆ ଛୁରୀକୁ ପିଲାଙ୍କ ହାତରେ ଏପରି ଦେବାର ନଥିଲା । ଆୟୋଜକଙ୍କ ଦାୟିତ୍ୱ ହୀନତା ଗୋଟେ ନିରୀହ ଛୁଆର ଜୀବନ ନେଇଗଲା ବୋଲି କହିଲେ ଅତ୍ୟୁକ୍ତି ହେବନାହିଁ ।

Pritiparna

Recent Posts

ଅଣସର ନୀତି: ଜ୍ବରରେ ଆକ୍ରାନ୍ତ ମହାପ୍ରଭୁ, ପୂଜା ପାଇବେ ପଟି ଦିଅଁ

ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ।  ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…

5 mins ago

ଅଣସର ଘରେ ମହାପ୍ରଭୁ, ଆଜିଠୁ ଅଲାରନାଥ ଦର୍ଶନ

ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…

18 mins ago

ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ ବଡ଼ ଘୋଷଣା, CBIକୁ ତଦନ୍ତ ଭାର ହସ୍ତାନ୍ତର

ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…

18 mins ago

ଆଜିର ରାଶିଫଳ : ଆଜି ଏହି ରାଶିର ଲୋକଙ୍କୁ କିଛି ନୂଆ କାର୍ଯ୍ୟ କରିବାକୁ ମିଳିବ, ବନ୍ଧୁଙ୍କ ସହ ଖୁସିର ସମୟ କାଟିବେ

ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…

7 hours ago

ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…

8 hours ago

ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ, ବିଭିନ୍ନ ସମସ୍ୟା ପଚାରି ବୁଝିଲେ

ଉମରକୋଟ: ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ । ନବରଙ୍ଗପୁର ଜିଲ୍ଲା ଉମରକୋଟ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ଡାଙ୍ଗରୀଗୁଡାକୁ…

9 hours ago