ଆମ ଦେଶରେ ହନୁମାନ ଜୀଙ୍କର ଅନେକ ଭକ୍ତ ଅଛନ୍ତି । ବିଭିନ୍ନ ଉପାୟରେ ହନୁମାନଙ୍କୁ ପୂଜା କରାଯାଏ । ସଂକଟ ମୋଚନ ଭାବେ ହନୁମାନ ଜୀ ଭକ୍ତଙ୍କ ଦୁଃଖ ଓ ସମସ୍ୟାକୁ ଦୂର କରନ୍ତି । ଯଦି କେହି ବିପଦରେ ପଡ଼ନ୍ତି ତେବେ ସେମାନେ ପ୍ରଥମେ ହନୁମାନ ଜୀଙ୍କୁ ସ୍ମରଣ କରନ୍ତି । ବିଶ୍ୱାସ କରାଯାଏ ଯେ ଯଦି କୌଣସି ବ୍ୟକ୍ତି ବଡ ଅସୁବିଧାରୁ ମୁକ୍ତି ପାଇବାକୁ ଚାହାଁନ୍ତି ତେବେ ସେ ହନୁମାନ ଜୀଙ୍କୁ ପୂଜା କରନ୍ତି । କିନ୍ତୁ ଆପଣ ଯଦି ହନୁମାନ ଜୀଙ୍କୁ ପ୍ରସନ୍ନ କରିବାକୁ ଚାହୁଁଛନ୍ତି ତେବେ କିଛି ବିଶେଷ ଜିନିଷକୁ ଭୋଗ ଲଗାନ୍ତୁ । ଏହି ବିଶେଷ ଜିନିଷକୁ ଭୋଗ ଲଗାଇଲେ ହନୁମାନ ଜୀ ପ୍ରସନ୍ନ ହୋଇ ଭକ୍ତଙ୍କ ଦୁଃଖକୁ ଦୂର କରନ୍ତି । ଏମିତିରେ ସମସ୍ତ ଭଗବାନଙ୍କ ନିକଟରେ ଭୋଗ ଲଗାଯାଏ । କିନ୍ତୁ ହନୁମାନ ଜୀଙ୍କୁ କିଛି ଖାସ୍ ଭୋଗ ଲଗାଇଲେ ଆପଣଙ୍କର ଅନେକ ସମସ୍ୟା ଦୂର ହେବ ।
ହନୁମାନଙ୍କୁ ପୂଜା କରିବା ସମୟରେ ଗୁଡ଼ ଏବଂ ଚଣାକୁ ଅର୍ପଣ କରନ୍ତୁ । ଏହାକୁ ଭୋଗ ଲଗାଇଲେ ଆପଣଙ୍କର ମଙ୍ଗଳ ହେବ । ହନୁମାନ ଜୀଙ୍କୁ ଗୁଡ଼ ଏବଂ ଚଣା ପ୍ରସାଦ ଭାବେ ଅର୍ପଣ କରିବା ଦ୍ୱାରା ମଙ୍ଗଳ ଦୋଷରୁ ମୁକ୍ତି ମିଳିଥାଏ । ପ୍ରତି ମଙ୍ଗଳବାର ଏବଂ ଶନିବାର ଦିନ ହନୁମାନ ଜୀଙ୍କୁ ଗୁଡ଼ ଏବଂ ଚଣା ଅର୍ପଣ କରିବା ଦ୍ୱାରା ଆପଣଙ୍କ ଜୀବନର ସମସ୍ତ ସମସ୍ୟା ଦୂର ହେବ ଏବଂ ଆପଣଙ୍କ ଜୀବନରେ ସୁଖ ବଢ଼ିଯିବ ।
ହିନ୍ଦୁ ଧର୍ମରେ ପୂଜା ସମୟରେ ଅନେକ ଦେବତା ଏବଂ ଦେବୀଙ୍କୁ ନଡ଼ିଆ ଅର୍ପଣ କରାଯାଇଥାଏ । କିନ୍ତୁ ସମସ୍ତ ଦେବତା ଏବଂ ଦେବୀଙ୍କୁ ନଡ଼ିଆ ଅର୍ପଣ କରିବାର ନିୟମ ଅଲଗା ରହିଛି । ଅନେକ ଭଗବାନଙ୍କୁ ପୂରା ନଡ଼ିଆ ଭୋଗ ଭାବେ ଅର୍ପଣ କରାଯାଏ ତ କିଛି ଭଗବାନଙ୍କୁ ନଡ଼ିଆ ଭାଙ୍ଗି ଭୋଗ ଲଗାଯାଏ । ବିଶ୍ୱାସ ଅନୁଯାୟୀ ହନୁମାନଜୀଙ୍କୁ ନଡ଼ିଆ ଅର୍ପଣ କରିବା ପୂର୍ବରୁ ଏଥିରେ ସିନ୍ଦୁର ଓ ନାଲି କପଡ଼ା ବାନ୍ଧି ଅର୍ପଣ କରନ୍ତୁ । ଏଭଳି କରିବା ଦ୍ୱାରା ଆପଣଙ୍କ ଆର୍ଥିକ ସଙ୍କଟ ଏବଂ ଦାରିଦ୍ର୍ୟରୁ ମୁକ୍ତି ମିଳିବ ।
ଯଦି ଆପଣଙ୍କ ଜୀବନରେ କୌଣସି ଏକ ବଡ଼ ସଙ୍କଟ ରହିଛି କିମ୍ବା ଆପଣଙ୍କର ବଡ଼ କାର୍ଯ୍ୟର ସମାଧାନ ହୋଇପାରୁନି । ତେବେ ଆପଣ ଏଥିପାଇଁ ମଙ୍ଗଳବାର ଦିନ ହନୁମାନ ମନ୍ଦିରକୁ ଯାଆନ୍ତୁ । ଏଠାରେ ହନୁମାନ ଜୀଙ୍କୁ ପୂଜା କରିବା ପରେ ପାନ ପତ୍ର ଅର୍ପଣ କରନ୍ତୁ । ବିଶ୍ୱାସ କରାଯାଏ ଯେ ଏହାକୁ ଅର୍ପଣ କରିବା ଦ୍ୱାରା ଲୋକମାନଙ୍କର ଅଟକି ରହିଥିବା କାର୍ଯ୍ୟ ଠିକ୍ ହୋଇଯାଏ ।
ହନୁମାନ ଜୀ ଲଡୁକୁ ବହୁତ ଭଲ ପାଆନ୍ତି । ଯଦି ଜଣେ ବ୍ୟକ୍ତି ମଙ୍ଗଳବାର ଦିନ ହନୁମାନ ଜୀଙ୍କୁ ପୂଜା କରିବା ପରେ ଲଡୁ ଅର୍ପଣ କରନ୍ତି, ତେବେ ସେହି ବ୍ୟକ୍ତିଙ୍କର ସମସ୍ତ ଇଚ୍ଛା ପୂରଣ ହୁଏ ।
ହନୁମାନ ଜୀଙ୍କୁ କେସର ଭାତ ଅର୍ପଣ କଲେ ଭକ୍ତଙ୍କ ମନସ୍କାମନା ପୂରଣ ହୁଏ । ଯଦି ଆପଣ ମଧ୍ୟ ହନୁମାନ ଜୀଙ୍କୁ ପ୍ରସନ୍ନ କରିବାକୁ ଚାହୁଁଛନ୍ତି ତେବେ ହନୁମାନ ଜୀଙ୍କ ନିକଟରେ ଏହି ସବୁ ଜିନିଷକୁ ଭୋଗ ଲଗାନ୍ତୁ । ଏହା ଦ୍ୱାରା ଆପଣଙ୍କ ଜୀବନର ଅନେକ ସମସ୍ୟା ଦୂର ହେବ ।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…