ହ୍ୱାଟ୍ସଆପ, ଫେସବୁକରେ ଲାଗିଲା ଟ୍ୟାକ୍ସ ତ ଉତ୍ତେଜିତ ହୋଇ ଲୋକମାନେ କଲେ ଏପରି

ଅନ୍ୟ ଦେଶ ତୁଳନାରେ ଭାରତରେ ସବୁଠାରୁ ଅଧିକ ଇଣ୍ଟରନେଟ ୟୁଜର ଅଛନ୍ତି । ଭାରତରେ ଇଣ୍ଟରନେଟ ୟୁଜରଙ୍କ ସଂଖ୍ୟା ୬୩ କୋଟିରୁ ଉର୍ଦ୍ଧ୍ୱ । ଥରେ ଭାବନ୍ତୁ ତ ଯଦି ଭାରତ ସରକାର ସୋସିଆଲ ମିଡ଼ିଆ ଉପରେ ଟ୍ୟାକ୍ସ ଲଗାଇ ଦିଅନ୍ତି ତାହେଲେ ଏହାର ପରିଣାମ କଣ ହେବ ? ଯଦିଓ ଭାରତ ସରକାରଙ୍କର ବର୍ତ୍ତମାନ ସେପରି କିଛି ଇରାଦା ନାହିଁ କିନ୍ତୁ ଲେବନାନରେ ସରକାର ଫେସବୁକ ଏବଂ ହ୍ଵାଟ୍ସଆପର କଲିଂ ସେବା ଉପରେ ଟ୍ୟାକ୍ସ ଲଗାଇ ଦେଇଛନ୍ତି । ସୋସିଆଲ ମିଡ଼ିଆ ଉପରେ ଟ୍ୟାକ୍ସ ଲଗାଇବାର ସରକାରଙ୍କ ଏହି ନିଷ୍ପତ୍ତି ପରେ ଲେବନାନର ରାଜଧାନୀ ବେରୁତରେ ହିଂସା ପ୍ରଦର୍ଶନ କରାଯାଇଛି ।

ଏହାସହ ପଢନ୍ତୁ ଯେକୌଣସି ଫିଙ୍ଗରପ୍ରିଣ୍ଟରେ ଖୋଲି ଯାଉଛି ସାମସଙ୍ଗ ଗ୍ୟାଲେକ୍ସି S10, ଅତିଶୀଘ୍ର ଅପଡେଟ ଜାରି କରିବ କମ୍ପାନୀ

ଏହାକୁ ନେଇ ଉତ୍ତେଜିତ ହୋଇ ଲୋକମାନେ ଗାଡିକୁ ନିଆଁ ଲଗାଇ ଦେବା ସହ ଟାୟାର ଜାଳି ରାସ୍ତା ଅବରୋଧ କରିଛନ୍ତି । କେବଳ ସେତିକି ନୁହେଁ ଏହି ଘଟଣାରେ ଦୁଇଜଣ ଲୋକଙ୍କର ମୃତ୍ୟୁ ମଧ୍ୟ ହୋଇସାରିଛି । ଏହାସହିତ ୪୦ ଜଣ ସୁରକ୍ଷାକର୍ମୀ ଆହତ ହୋଇଛନ୍ତି । ଏୟାରପୋର୍ଟରେ ମଧ୍ୟ ପ୍ରଦର୍ଶନକାରୀମାନେ ଅନେକ ଯାତ୍ରୀ ମାନଙ୍କ ସହ ମାଡ଼ପିଟ କରିଛନ୍ତି ବୋଲି ଖବର ଆସିଛି ।

ହ୍ଵାଟ୍ସଆପ, ମେସେଞ୍ଜରର ଭଏସ କଲ ଉପରେ ମାସିକ ୧୫୦ ଟଙ୍କା ଟ୍ୟାକ୍ସ

ସୂଚନା ଅନୁଯାୟୀ ବର୍ତ୍ତମାନ ଲେବନାନ ସରକାରଙ୍କର ଆର୍ଥିକ ସ୍ଥିତି ବହୁତ ଖରାପ । ଏପରିସ୍ଥଳେ ବଜେଟ ପାଇଁ ତାଙ୍କୁ କରଜ ନେବାକୁ ପଡୁଛି । ତେବେ ବଜେଟର ବୋଝ କମ କରିବା ପାଇଁ ସରକାର ଫେସବୁକ ମେସେଞ୍ଜର ଏବଂ ହ୍ଵାଟ୍ସଆପରେ ଭଏସ କଲିଂ ପାଇଁ ମାସିକ ୧୫୦ ଟଙ୍କାର ଟ୍ୟାକ୍ସ ଲଗାଇଛନ୍ତି । ସରକାରଙ୍କର ଏହି ନିଷ୍ପତ୍ତି ପରେ ସେଠାରେ ଉତ୍ତେଜନାତ୍ମକ ପରିସ୍ଥିତି ସୃଷ୍ଟି ହୋଇଥିଲା ଯେଉଁ କାରଣରୁ ପରେ ସରକାର ତାଙ୍କର ଏହି ନିୟମକୁ ଉଠାଇ ନେଇଛନ୍ତି ।

ୟୁଗାଣ୍ଡାର ସଂସଦ ଗତବର୍ଷ ସୋସିଆଲ ମିଡ଼ିଆ ୟୁଜର ମାନଙ୍କ ଉପରେ ଟ୍ୟାକ୍ସ ଲଗାଇବା ଆଇନ୍କୁ ମଞ୍ଜୁରୀ ଦେଇଥିଲେ । ଏହି ଆଇନ ଦ୍ୱାରା ଯେଉଁ ଲୋକମାନେ ଫେସବୁକ, ହ୍ଵାଟ୍ସଆପ, ଭାଇବର ଏବଂ ଟୁଇଟର ଭଳି ସୋସିଆଲ ପ୍ଲାଟଫର୍ମର ବ୍ୟବହାର କରିବେ ସେମାନଙ୍କୁ ଦୈନିକ୩ ଟଙ୍କା ୩୬ ପଇସା ଦେବାକୁ ପଡିବ । ଏହି ଆଇନକୁ ସମର୍ଥନ କରି ସେଠାକାର ରାଷ୍ଟ୍ରପତି କହିଥିଲେ ଯେ ଏହାକୁ ଲାଗୁ କରିବାର ମୁଖ୍ୟ କାରଣ ହେଉଛି ସୋସିଆଲ ମିଡିଆରେ ପ୍ରଚାରିତ ହେଉଥିବା ମିଥ୍ୟା ଖବରକୁ ବନ୍ଦ କରିବା ।