କେନ୍ୟୁଜ୍(ବ୍ୟୁରୋ): କିଏ ହେବେ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ । ଛିଡ଼ୁନି ଅଙ୍କ । କଂଗ୍ରେସ ପାଇଁ ପୁଣି ମୁଖ୍ୟମନ୍ତ୍ରୀ ଝମେଲା । ରେସ୍ରେ ହିମାଚଳ ପ୍ରଦେଶ କଂଗ୍ରେସ ସଭାପତି ପ୍ରତିଭା ସିଂଙ୍କ ସମେତ ଏକାଧିକ ନେତା । ମୁଖ୍ୟମନ୍ତ୍ରୀ ହେବା ନେଇ ଖୋଲାଖୋଲି ଦାବି ଜଣାଇଛନ୍ତି ପ୍ରତିଭା ସିଂ । ତାଙ୍କ ସମର୍ଥକମାନେ ଆଜି ଶିମଲାରେ କେନ୍ଦ୍ରୀୟ ପର୍ଯ୍ୟବେକ୍ଷକ ଭାବେ ନିଯୁକ୍ତ ଭୁପେଶ ବାଘେଲଙ୍କ କାରକେଡ୍କୁ ଘେରିଥିଲେ । ପ୍ରତିଭା ସିଂଙ୍କ ସମର୍ଥନରେ ସ୍ଲୋଗାନ୍ ଦେଇଥିଲେ । କଂଗ୍ରେସ ଅଫିସ୍ ଆଗରେ ମଧ୍ୟ ନାରାବାଜି କରିଛନ୍ତି । ମୁଖ୍ୟମନ୍ତ୍ରୀ ରେସ୍ର ଆଗରେ ଅଛନ୍ତି ପ୍ରତିଭା ସିଂ । ଆଜି ହିମାଚଳ ପ୍ରଦେଶ ପ୍ରଭାରୀ ଓ କେନ୍ଦ୍ରୀୟ ପର୍ଯ୍ୟବେକ୍ଷକ ଭୂପେଶ ବାଘେଲ ପ୍ରତିଭାଙ୍କୁ ଭେଟିଥିଲେ ।
ପ୍ରତିଭା ସିଂ ହେଉଛନ୍ତି ହିମାଚଳ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ସ୍ୱର୍ଗତ ବୀରଭଦ୍ର ସିଂଙ୍କ ପତ୍ନୀ। ସେ ହିମାଚଳ ପ୍ରଦେଶର ପିସିସି ମୁଖ୍ୟ । ଏବେ ସାଂସଦ ଅଛନ୍ତି। ତାଙ୍କ ନେତୃତ୍ୱରେ ନିର୍ବାଚନ ଲଢ଼ିଥିଲା ହିମାଚଳ ପ୍ରଦେଶ କଂଗ୍ରେସ। ପ୍ରତିଭା କହିଛନ୍ତି ବୀରଭଦ୍ରଙ୍କ ନାଁରେ ବିଜୟୀ ହୋଇଛି କଂଗ୍ରେସ । ତେଣୁ ତାଙ୍କ ପରିବାରକୁ ଅଣଦେଖା କରିପାରିବନି କଂଗ୍ରେସ । ଅନ୍ୟପଟେ ମୁଖ୍ୟମନ୍ତ୍ରୀ ପଦ ନେଇ କଂଗ୍ରେସ ହାଇକମାଣ୍ଡ ନିଷ୍ପତ୍ତି ନେବେ ବୋଲି କହିଛନ୍ତି ପ୍ରଭାରୀ ଓ କେନ୍ଦ୍ରୀୟ ପର୍ଯ୍ୟବେକ୍ଷକ । ତେବେ ଏହା ପୂର୍ବରୁ ନବନିର୍ବାଚିତ କଂଗ୍ରେସ ବିଧାୟକଙ୍କ ବୈଠକ ହେବ । ବୈଠକରେ ନେତା ନିର୍ବାଚିତ କରିବେ ବିଧାୟକ । ହାଇକମାଣ୍ଡଙ୍କୁ ସୁପାରିସ କରାଯିବ । ହିମାଚଳ ପ୍ରଦେଶରେ ୬୮ ସିଟ୍ରୁ ୪୦ ସିଟ୍ରେ ବିଜୟୀ ହୋଇଛି କଂଗ୍ରେସ ।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…