ରାଜସ୍ଥାନର ଧୋଲପୁରରୁ ଏକ ଅଜବ ମାମଲା ସାମ୍ନାକୁ ଆସିଛି। ଭଦୋରିଆର ପାଡା ଅଞ୍ଚଳରେ ରହୁଥିବା ଜଣେ ଯୁବକ ୨ ଦିନ ତଳେ ହାଇ ଭୋଲ୍ଟେଜ ଡ୍ରାମା କରିଛନ୍ତି। ଯୁବକ ଜଣକ ପାଖାପାଖି ୫୦ ଫୁଟ ଉଚ୍ଚ ଏକ ଅଶ୍ୱତ୍ଥ ଗଛ ଉପରେ ଚଢ଼ିଯାଇଥିଲେ। ଗଛ ଉପରେ ଚଢ଼ିଯିବା ପରେ ସେ ନିଜର ଦୁଇ ଗୋଡ଼କୁ ଡାଳରେ ବାନ୍ଧି ଦେଇଥିଲେ, ଯାହାକୁ ଦେଖି ଘଟଣାସ୍ଥଳରେ ଉପସ୍ଥିତ ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ।
ସ୍ଥାନୀୟ ଲୋକେ ଏ ନେଇ ପୋଲିସକୁ ସଙ୍ଗେ ସଙ୍ଗେ ସୂଚନା ଦେଇଥିଲେ। ଯୁବକଙ୍କୁ ତଳୁ ଓହ୍ଲାଇବାକୁ ବହୁତ ବୁଝାଯାଇଥିଲା। ତାଙ୍କୁ ତଳକୁ ଆଣିବା ପାଇଁ କ୍ରେନ୍ର ସହାୟତା ନିଆଯାଇଥିଲା। ଅନେକ ବୁଝାଶୁଝା ପରେ ସ୍ଥାନୀୟ ନଗର ପାଳିକା ଦ୍ୱାରା କ୍ରେନ୍ ସହାୟତାରେ ଯୁବକଙ୍କୁ ତଳକୁ ଅଣାଯାଇଥିଲା। ତେବେ ପୋଲିସ ତାଙ୍କୁ ପଚରାଉଚରା ପରେ ଜଣାପଡ଼ିଥିଲା କି, ଯୁବକଙ୍କ ସ୍ତ୍ରୀ ତାଙ୍କୁ ଛାଡ଼ି ବାପଘରକୁ ଚାଲିଯାଇଛନ୍ତି ଏବଂ ଘରକୁ ଆଉ ଫେରୁନାହାନ୍ତି। ଏହି ମାମଲାରେ ଯୁବକଙ୍କୁ କେହି ସାହାଯ୍ୟ ସୁଦ୍ଧା କରୁନାହାନ୍ତି। ଏଥିରେ ରାଗି ଯାଇ ସେ ଏଭଳି କାମ କରିଥିବା କହିଛନ୍ତି।
ଯୁବକଙ୍କ ନାଁ ଲହୋରେରାମ ଭଦୋରିଆ। ତାଙ୍କ ସ୍ତ୍ରୀ ସଙ୍ଗୀତା ନିଜ ବାପଘରେ ଦୁଇ ବର୍ଷ ହେବ ରହୁଛନ୍ତି। ଲହୋରେରାମଙ୍କ କହିବା ହେଲା, ସ୍ତ୍ରୀଙ୍କ ବାପଘର ଲୋକ ତାଙ୍କୁ ଶିଖେଇ ନେଇଯାଇଛନ୍ତି ଏବଂ ମୋ ପାଖକୁ ଫେରିବାକୁ ଦେଉନାହାନ୍ତି। ସେ ଅନେକ ଥର ପୋଲିସ ସହିତ ପ୍ରଶାସନକୁ ବି ଗୁହାରି କରି ସାରିଛନ୍ତି, କିନ୍ତୁ କିଛି ସୁଫଳ ମିଳିପାରିନାହିଁ। ଶେଷରେ ଥକି ଯାଇ ସେ ଅଶ୍ୱତ୍ଥ ଗଛରେ ଚଢ଼ିଯାଇଥିଲେ। ଏଥିରେ ଆଶା ଥିଲା କି, ହୁଏତ ତାଙ୍କ ସ୍ତ୍ରୀ ତାଙ୍କ ପାଖକୁ ଫେରି ଆସିବେ।
ସେପଟେ ଜିଲାପାଳ ରାଧେଶ୍ୟାମ ମିଣା କହିଛନ୍ତି, ଯୁବକଙ୍କ ସ୍ତ୍ରୀ କ’ଣ ପାଇଁ ତାଙ୍କ ପାଖକୁ ଫେରିବାକୁ ଚାହୁଁ ନାହାନ୍ତି, ଏ ପୂରା ମାମଲାରେ ଯୁବକଙ୍କୁ ପଚରାଉଚରା କରାଯାଉଛି। ବର୍ତ୍ତମାନ ପୋଲିସ ତାଙ୍କୁ ଅଟକ ରଖିଛି, ଯେପରି କୌଣସି ପ୍ରକାର ହରକତ ସେ ଆଉ କରିପାରିବେ ନାହିଁ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…