photo: NDTV.com
ରାଜସ୍ଥାନର ଉଦୟପୁର ଭଳି ମାମଲା ଏବେ ବିହାରର ସୀତାମଢ଼ିରୁ ସାମ୍ନାକୁ ଆସିଛି। ଏଠାରେ ଜଣେ ଯୁବକ ନୁପୂର ଶର୍ମାଙ୍କ ଭିଡିଓ ଦେଖିବାରୁ ତାଙ୍କୁ ମରଣାନ୍ତକ ଆକ୍ରମଣ କରାଯାଇଛି। ଏଥିରେ ଯୁବକଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ଅନ୍ୟତ୍ର ସ୍ଥାନାନ୍ତର କରି ଦିଆଯାଇଛି। ବର୍ତ୍ତମାନ ସେ ଡିଏମ୍ସିଏଚ୍ ହସ୍ପିଟାଲର ଆଇସିୟୁରେ ଭର୍ତ୍ତି ଅଛନ୍ତି।
ଏହି ଘଟଣାରେ ପୋଲିସ ୨ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ଅନ୍ୟ ୨ ଫେରାର ଅଛନ୍ତି। ତେବେ ପୋଲିସ ଏହାକୁ ପାରସ୍ପରିକ ବିବାଦ ଘଟଣା ବୋଲି କହିଛି, ଯାହାକୁ ନେଇ ପୋଲିସର ଭୂମିକା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି।
ସୂଚନା ମୁତାବକ, ଆହତ ଯୁବକଙ୍କ ନାଁ ଅଙ୍କିତ ଝା, ସେ ସ୍ଥାନୀୟ ନାନପୁରର ବହେରା ଗାଁର ବାସିନ୍ଦା ବୋଲି ଜଣାପଡ଼ିଛି। ଏ ବିଷୟରେ ଅଙ୍କିତଙ୍କ ବାପା ମନୋଜ ଝାଙ୍କ କହିବା ମୁତାବକ, ତାଙ୍କ ପୁଅ ଦୋକାନକୁ ପାନ ଖାଇବାକୁ ଯାଇଥିଲା। ଏହି ସମୟରେ ସେ ନିଜ ମୋବାଇଲ ଫୋନରେ ନୁପୂର ଶର୍ମାଙ୍କ ଭିଡିଓ ଦେଖୁଥିଲା। ସେତେବେଳେ ମହମ୍ମଦ ବିଲାଲ୍ ନାମକ ଯୁବକ ନିଜର ୩ ସାଥୀଙ୍କ ସହ ସେଠାରେ ପହଞ୍ଚିଥିଲେ। ସେମାନେ ନୁପୂରଙ୍କ ଭିଡିଓ ଦେଖୁ ଥିବାରୁ ଅଙ୍କିତଙ୍କ ଉପରେ ରାଗି ଯାଇଥିଲେ।
ଅଭିଯୁକ୍ତମାନେ ଅଙ୍କିତଙ୍କ ମୁହଁରେ ସିଗାରେଟ୍ ଧୂଅାଁ ଉଡ଼ାଇବା ସହ ଗାଳି ଗୁଲଜ କରିଥିଲେ। ଅଙ୍କିତ ଏହାକୁ ବିରୋଧ କରିବାରୁ ସେମାନେ ତାଙ୍କ ଡାହାଣ ପାର୍ଶ୍ୱ ଅଣ୍ଟା ପାଖକୁ ଛୁରୀରେ ଆକ୍ରମଣ କରିଥିଲେ। ଅଙ୍କିତଙ୍କ ଶରୀରରେ ୬ ଥର ଛୁରୀରେ ଆଘାତ କରାଯାଇଛି।
ତେବେ ପୋଲିସ ଏତଲାରେ ନୁପୂର ଶର୍ମାଙ୍କ ନାମ ହଟାଇ ଦେଇଛି। ଅଙ୍କିତଙ୍କ ବାପା ସମସ୍ତ ଆକ୍ରମଣକାରୀଙ୍କ ଗିରଫ ସାଙ୍ଗକୁ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି।
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୦୫ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…