ଅଜଗର ନାଁ ଶୁଣିବା ମାତ୍ରେ ଦେହରେ ଏକ ପ୍ରକାର ଶିହରଣ ଶୃଷ୍ଟି ହୋଇଯାଏ । ଅନେକେ ତ ଭୟରେ ଚମକି ଉଠନ୍ତି । କିନ୍ତୁ ସେହି ଅଜଗର ଯଦି କାହାର ଗୋଡ଼କୁ ମାଡି ବସେ ତେବେ ଭାବନ୍ତୁ ତ ଅବସ୍ଥା କଣ ହେବ । ହଁ ଏମିତି ହିଁ ଏକ ସମାନ ଧରଣର ଘଟଣା ଅଷ୍ଟ୍ରେଲିଆରେ ଘଟିଛି । ଏଠାକାର କ୍ୱିନସଲ୍ୟାଣ୍ଡ ଅଂଚଳରେ ଜଣେ ମହିଳାଙ୍କ ଗୋଡ଼କୁ ଏକ ବିରାଟକାୟ ଅଜଗର ସାପ ଜୋରରେ ଜାବୁଡି ଧରିଛି । ଏହି ଘଟଣାଟିର ଭିଡିଓ ବିଭିନ୍ନ ସୋସିଆଲ ମିଡ଼ିଆ ମାନଙ୍କରେ ଖୁବ ଭାଇରାଲ ହେବାରେ ଲାଗିଛି । ପ୍ରକୃତରେ ମହିଳା ଜଣଙ୍କ ନିଜ ପୋଷା ବିଲେଇକୁ ଅଜଗର ଦାଉରୁ ବଞ୍ଚାଇବା ପାଇଁ ଚେଷ୍ଟା କରୁଥିଲେ । ମହିଳା ଜଣଙ୍କ ନିଜ ପ୍ରିୟ ବିଲେଇର ଜୀବନ ବଞ୍ଚାଇବା ପାଇଁ ପ୍ରାଣପଣେ ଉଦ୍ୟମ କରୁଥିବା ବେଳେ ଏହି ସମୟରେ ଅଜଗରଟି ବିଲେଇ ଉପରୁ ନିଜ ଧ୍ୟାନ ହଟାଇ ମହିଳା ଜଣଙ୍କ ଗୋଡ଼କୁ ଖାପ କିନା ମାଡି ବସୁଛି । ଅଜଗରଟି ଏତେ ଜୋରସେ ମାଡି ବସିଥିଲା ତାକୁ କାଢ଼ିବା ସମ୍ଭବ ହୋଇନଥିଲା ।
ଫଳରେ ବାଧ୍ୟ ହୋଇ ପୋଲିସକୁ ଡାକିବାକୁ ପଡିଥିଲା । ଏକାଧିକ କର୍ମୀ ଲାଗିପଡି ମହିଳା ଜଣଙ୍କୁ ଉଦ୍ଧାର କରିଥିଲେ । ଆପଣ ଜାଣି ଆଶ୍ଚର୍ଯ୍ୟ ହେବେ ଅଜଗରଟିର ଲମ୍ବ ପାଖାପାଖି ୧୦ ଫୁଟ ଲମ୍ବର ହେବ । ଅଜଗରକୁ କାଢ଼ିବା ଅଭିଯାନ କ୍ୱିନସଲ୍ୟାଣ୍ଡ ପୋଲିସ ସେୟାର କରିଛନ୍ତି । ପୋଲିସ କର୍ମୀଙ୍କ ଅନୁଯାୟୀ ଏହି ଅଜଗରଟି ସମ୍ପୂର୍ଣ୍ଣ ରୂପେ ଜଙ୍ଗଲୀ ଥିଲା । ତେଣୁ ପୋଲିସ କର୍ମୀ ମାନେ ଅଜଗରଟିକୁ ଉଦ୍ଧାର କରି ଜଙ୍ଗଲରେ ଛାଡି ଦେଇଥିଲେ । ଏମିତି ଏକ ଭୟାନକ ବିପଦରେ ଫସିଥିଲେ ବି ମଧ୍ୟ ମହିଳା ଜଣଙ୍କ ଜମା ବି ଭୟବିତ୍ତ ହୋଇ ନଥିଲେ ।
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…