(କେନ୍ୟୁଜ ବ୍ୟୁରୋ): ବର୍ତ୍ତମାନ ସମୟରେ ବୈଦ୍ୟୁତିକ କାର ର ବ୍ୟବହାର ବହୁଳ ମାତ୍ରାରେ କରାଯାଉଛି । ତେଲର ସୀମିତ ଭଣ୍ଡାର ଏଂବ ପ୍ରଦୁଷଣ ପାଇଁ ଏହି ବୈଦ୍ୟୁତିକ ଯାନର ଅତ୍ୟଧିକ ବ୍ୟବହାର ହେଉଛି । ଅଟୋମୋବାଇଲ କମ୍ପାନୀ ଅନେକ ବୈଦ୍ୟୁତିକ କାର ମାର୍କେଟରେ ଲଞ୍ଚ କରିଛି । ବୈଦ୍ୟୁତିକ କାର ର ବ୍ୟବହାର ନୂଆ ନୂଆ ହେଉଥିବା ଲୋକଙ୍କ ବିଶ୍ୱାସ କିନ୍ତୁ ଏହା ସତ ନୁହେଁ । ବୈଦ୍ୟୁତିକ କାର ର ବ୍ୟବହାର ବହୁ ପୂର୍ବରୁ ହୋଇ ଆସୁଛି । ୨୦୦ ବର୍ଷ ପୂର୍ବରୁ ହିଁ ବୈଦ୍ୟୁତିକ କାର ନିର୍ମାଣ କରିବା ଆରମ୍ଭ କରାଯାଇଥିଲା । ପେଟ୍ରୋଲ ଏବଂ ଡିଜେଲ ଗାଡ଼ି ଯେପରି ପୁରୁଣା ବୈଦ୍ୟୁତିକ କାର ମଧ୍ୟ ସେହିପରି ପୁରୁଣା ।
ଉନବିଂଶ ଶତାବ୍ଦୀର ଆରମ୍ଭରୁ ବିଶ୍ୱର ଅନେକ ଦେଶର ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଯାନ ନିର୍ମାଣ ହେବାକୁ ଲାଗିଥିଲା । ସେହି ସମୟରେ ଚାରି ଚକିଆ ଯାନର ଚାହିଦା ଅଧିକ ଥିଲା । ସେହିପରି ଡିଜେଲରେ ଚାଲୁଥିବା ଗାଡ଼ି ହିଁ ଅଧିକ ନିର୍ମାଣ କରାଯାଉଥିଲା । ୧୮୩୨ ମସିହାରେ ସ୍କଟଲ୍ୟାଣ୍ଡର ରବଟ ଏଣ୍ଡରସନ ନାମକ ଜଣେ ମେକାନିକ କିଛି ଏପରି କରିଥିଲେ ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ସେ ଡିଜେଲରେ ଚାଲୁଥିବା ଏକ ପୁରୁଣା କାରକୁ ବୈଦ୍ୟୁତିକ କାରରେ ପରିବର୍ତ୍ତନ କରିଥିଲେ । ଏକ ସିଙ୍ଗଲ ଚାର୍ଜ ବ୍ୟାଟେରୀ ବ୍ୟବହାର କରି ସେ ଏହାକୁ ପ୍ରସ୍ତୁତ କରିଥିଲେ । ଏହି ବୈଦ୍ୟୁତିକ କାର ଘଣ୍ଟା ପ୍ରତି ୪ କିଲୋମିଟର ବେଗରେ ପାଖାପାଖି ୨.୫ କିଲୋମିଟର ଚାଲୁଥିଲା ।
ଏହାର ୨୦ ବର୍ଷ ପରେ ଚାର୍ଜିଂ ବ୍ୟାଟେରୀ ଦ୍ୱାରା ଚାଳିତ ବୈଦ୍ୟୁତିକ କାର ପ୍ରସ୍ତୁତ କରାଯାଇଥିଲା । ଫ୍ରାନ୍ସର ଏକ ବୈଜ୍ଞାନିକ ୧୮୬୫ ମସିହାରେ ପ୍ରଥମଥର ପାଇଁ ଲେଡ ଏସିଡ ବ୍ୟାଟେରୀ ସହିତ ବୈଦ୍ୟୁତିକ କାର ବ୍ୟବହାର କରିଥିଲେ । ଏହିପରି ଭାବେ ବୈଦ୍ୟୁତିକ କାର ର ବିକାଶ ହେଲା ଏବଂ ୧୮୯୧ ମସିହାରେ ପ୍ରଥମଥର ପାଇଁ ଆମେରିକା ସଡ଼କରେ ବୈଦ୍ୟୁତିକ କାର ଚାଲିଥିଲା । ଏହାର ୮ ବର୍ଷ ପରେ ଥୋମାସ ଏଡିସନ ବୈଦ୍ୟୁତିକ କାର ଦୀର୍ଘ ସମୟ ଚାଲିବା ପାଇଁ ନିକେଲ ଅଲ୍କଲାଇନ ବ୍ୟାଟେରୀ ପ୍ରସ୍ତୁତ କରିଥିଲେ ।
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…
ବାଲେଶ୍ବର(କେନ୍ୟୁଜ୍): ବାଲେଶ୍ବରରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ୧୪୪ ଧାରା ଜାରି। କୌଣସି ଏକ କାରଣରୁ ଭୁଜାଖିଆ ପୀର…
ସୁବର୍ଣ୍ଣପୁର(କେନ୍ୟୁଜ୍) : ପୁଣି ସାମ୍ନାକୁ ଆସିଲା ପିଲାଚୋରି ଅଭିଯୋଗ । ପୂର୍ବରୁ ଏପରି ଘଟଣା ଅନେକ ଥର ଆମ ସାମ୍ନାକୁ…
କୋଲକାତା (କେନ୍ୟୁଜ) : ପୁଣ୍ୟତୋୟା ଗଙ୍ଗା ଘାଟଗୁଡ଼ିକ ଧର୍ମ ସଂସ୍କୃତି ଓ ଆସ୍ଥାର ପ୍ରମୁଖ ସ୍ଥଳୀ ଭାବରେ ପରିଚିତି ଲାଭ…
ତାଳଚେର (କେନ୍ୟୁଜ) : ଯଦି ଆପଣ କେବେ ନିଜ ଘର ତାଲା ପକାଇ ବନ୍ଧୁ ଘର କିମ୍ବା ସମ୍ପର୍କୀୟଙ୍କ ଘରକୁ…