କଥାରେ ଅଛି ମନରେ ଅଧିକ ଦୃଢ ଇଛାଶକ୍ତି ଥିଲେ ଆଉ କିଛି କରି ଦେଖେଇବାର ଜୁନୁନ ଥିଲେ ସବୁ କିଛି ସମ୍ଭବ ହୋଇଥାଏ । ଏମିତିକି ବୟସ ବି ହାର ମାନିଯାଏ । ଏହି ନିକଟରେ ରେକ୍ସ ଚାପ ମ୍ୟାନ ନାମକ ଜଣେ ବ୍ୟକ୍ତିଙ୍କ ଦ୍ୱାରା ସେୟାର ହୋଇଥିବା ଏହି ଭିଡିଓ ଟିକୁ ଦେଖିଲେ ଏହି ବାକ୍ୟଟି ଆହୁରି ଦୃଢ ହୋଇଯିବ । ଭିଡିଓଟିକୁ ଯଦି ଆପଣ ଧ୍ୟାନର ସହ ଦେଖିବେ ତେବେ ଜାଣି ପାରିବେ ପାଖାପାଖି ୯୫
ବର୍ଷୀୟା ଜଣେ ବୃଦ୍ଧ ମହିଳା ଅତି କଷ୍ଟକର କ୍ରୀଡା ଜିମ୍ନାଷ୍ଟିକ କରୁଥିବା ନଜର ଆସିବେ । ଖୁବ ସହଜରେ ଓ ସରଳତାରେ ଜିମ୍ନାଷ୍ଟିକର ବିଭିନ୍ନ ପୋଜ ଗୁଡିକୁ କରି ଦେଖାଉଛନ୍ତି ଏହି ବୃଦ୍ଧା ଜଣଙ୍କ । ଖାଲି ସେତିକି ନୁହେଁ ଜୋହନା କୁଆସ ନାମକ ଏହି ମହିଳା ଜଣକ ବିଶ୍ୱର ସବୁଠୁ ବୟୋଜ୍ୟୋଷ୍ଠ ଜିମ୍ନାସ୍ଟ ହେବାର ରେକର୍ଡ ବି ନିଜ ନାଁରେ କରିଛନ୍ତି । ଜୋହାନଙ୍କ ଏହି ଭିଡିଓ ଟିକୁ ଏଯାବତ ୪ ଲକ୍ଷ ୫୭ ୟୁଜର ଦେଖି ସାରିଥିବା ଜଣାଯାଇଛି ।
କହିରଖିବା ଉଚିତ ହେବଯେ, ଏହା ପୂର୍ବରୁ ବି ଥରେ ୨୦୧୨ ରେ ତାଙ୍କୁ ପ୍ରଥମ ଥର ପାଇଁ ସବୁଠୁ ଵୟୋଜ୍ୟୋଷ୍ଠ ଜିମ୍ନାଷ୍ଟ ହେବାର ଉପାଧି ମିଳିଥିଲା । ଏହି ମହିଳାଙ୍କ ଭିଡିଓରୁ ସେମାନଙ୍କୁ ଅନେକ ପ୍ରେରଣା ମିଳୁଥିବା ନେଇ ଅନେକ ଦର୍ଶକ ସେମାନଙ୍କ କମେନ୍ଟ ବକ୍ସରେ ମତ ଦେଉଛନ୍ତି । ଏମିତିକି ନିଜ ନିଜ ପାଖଆଖର ଲୋକଙ୍କୁ ବି ଏହି ଭିଡିଓ ଦେଖିବା ନେଇ ପରାମର୍ଶ ଦେଉଥିବା କହିଛନ୍ତି । ନିଜ ନିଜ ଇନ୍ଷ୍ଟଗ୍ରାମ ଆକାଉଣ୍ଟରେ ବି ତାଙ୍କ ଭିଡିଓ ସେୟାର କରୁଛନ୍ତି । ଏବାବଦରେ ଜୋହାନଙ୍କୁ ପଚରା ଯିବାରୁ ସେ କହିଥିଲେକି, ଏମିତି ଏକ ଦୁଃସାହସିକ କାମ ହଠାତ ହୁଏନାହିଁ । ଏଥିପାଇଁ ଧୀରେ ଧୀରେ କରି ପ୍ରସ୍ତୁତି କରିବାକୁ ପଡେ । ପ୍ରତିଦିନ କିଛି କିଛି ସମୟ ଅଭ୍ୟାସ କରିବା ପରେ ହିଁ ଆଜି ସେ ଏହି ସ୍ତରକୁ ପହଂଚି ପାରିଛନ୍ତି ।
ପୁଣେ ପୋର୍ସେ କାର୍ ଦୁର୍ଘଟଣା ମାମଲାରେ ନାବାଳକଙ୍କ ମା’ଙ୍କୁ ଗିରଫ କରିଛି ପୋଲିସ । ଅଭିଯୁକ୍ତ ନାବାଳକ ମା' ଶିବାନୀ…
କେନ୍ୟୁଜ୍: ଜଳୁଛି ପଶ୍ଚିମ, ସିଝୁଛି ଉପକୂଳ । ପଶ୍ଚିମ ଓଡ଼ିଶାରେ ଅସମ୍ଭାଳ ତାତି । ଆକାଶରୁ ହେଉଛି ଅଗ୍ନିବର୍ଷା ।…
ଦେଶରେ ଲୋକସଭା ନିର୍ବାଚନର ଆଜି ଅନ୍ତିମ ପର୍ଯ୍ୟାୟ ମତଦାନ ଚାଲିଛି । ଭୋଟ ଚାଲିଥିବା ବେଳେ ଗ୍ରାହକଙ୍କୁ ଖୁସି କରିଦେଇଛନ୍ତି…
କେନ୍ୟୁଜ୍: ସପ୍ତମ ତଥା ଚୂଡ଼ାନ୍ତ ପର୍ଯ୍ୟାୟରେ ଦେଶର ୮ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ହେଉଛି ମତଦାନ । ୫୭ଟି…
ମୟୂରଭଞ୍ଜ(କେନ୍ୟୁଜ୍): ମୟୂରଭଞ୍ଜ ଜିଲ୍ଲାର ୮ଟି ବିଧାନସଭା କ୍ଷେତ୍ରରେ ହେଉଛି ଭୋଟଗ୍ରହଣ । ସେଥିରେ ରହିଛି ମୟୂରଭଞ୍ଜ ଲୋକସଭା କ୍ଷେତ୍ର ଅଧୀନ, ଯଶୀପୁର,…
ଆସନ୍ତୁ ଜାଣିବା ଆଜି କେଉଁ ସହରର କେତେ ରହିଛି ଡିଜେଲ-ପେଟ୍ରୋଲ୍ ମୂଲ୍ୟ ? ଭୁବନେଶ୍ୱରରେ ପେଟ୍ରୋଲ ଦର ୧୦୦ ଟଙ୍କା…