ସ୍ପେଶାଲ

ମିଳିଲାନି ଆମ୍ବୁଲାନ୍ସ , ବାଇକରେ ଶିଶୁର ଶବ ନେଇ ବ୍ୟବଚ୍ଛେଦ ପାଇଁ ଗଲେ ପରିବାର ଲୋକେ

ସାଲେପୁର(କେନ୍ୟୁଜ୍): ଯଦି ଆପଣ ଜଣେ ବାପା ହୋଇଥିବେ ତେବେ ଏ ଦୃଶ୍ୟ ହୁଏତ ଆପଣଙ୍କୁ ବ୍ୟତିବ୍ୟସ୍ତ କରି ପକାଇବ । ଗାଡି ନମିଳିବାରୁ ବାଇକରେ ନିଜ ସାଢେ ୪ବର୍ଷର କଅଁଳ ଶିଶୁ ପୁତ୍ରର ମୃତଦେହକୁ ବ୍ୟବଚ୍ଛେଦ ପାଇଁ କାନ୍ଧରେ ପକାଇ କଟକ ବଡ ମେଡ଼ିକାଲକୁ ନେବା ଅତି ର୍ଦୁଭାଗ୍ୟଜନକ ।

ଏଭଳି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ସାଲେପୁର-କଟକ ରାସ୍ତାରେ। ଆଜି ମଧ୍ୟାହ୍ନ ସମୟରେ ସାଲେପୁର ଥାନା ବୋଦାମୁଣ୍ଡେଇ ନିକଟ ୬ ନମ୍ବର କେନାଲରେ ଚମାରିଓଳ ଗାଁର କ୍ଷିତିସ ରଞ୍ଜନ ଓଝାଙ୍କ ଶିଶୁପୁତ୍ର କୌଣସି କାରଣରୁ ପଡିଯାଇଥିଲେ । ପରେ ସ୍ଥାନୀୟ ଲୋକେ ଉଦ୍ଧାର କରିବାପରେ ପ୍ରଥମେ ସାଲେପୁର ସିଏଚସି ନେଇଥିଲେ। ହେଲେ ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଥିଲେ ।

ଶବ ବ୍ୟବଚ୍ଛେଦ ପାଇଁ କୌଣସି ସରକାରୀ ଯାନର ଵ୍ୟବସ୍ଥା ନହେବା କାରଣରୁ ଶେଷରେ ବାଇକ ଯୋଗେ ଶିଶୁଟିକୁ କଟକ ବଡ ମେଡିକାଲ ନେଉଥିବାବେଳର ଏହି ଭିଜୁଆଲ୍ ଏବେ ଖୁବ୍ ଭାଇରାଲ୍ ହେବାରେ ଲାଗିଛି । ଶିଶୁଟିର ବାପା ଓ ବଡବାପା ବାଇକ୍ ରେ ନେଇଯାଉଥିବାର ଏହି ଦୃଶ୍ୟକୁ ସଭିଏଁ ଭତ୍ସନା କରିଛନ୍ତି । ମେଡିକାଲ୍ ରେ ବହୁ ଘଣ୍ଟା ଧରି ଅପେକ୍ଷା କରି ଡାକ୍ତରଙ୍କୁ ଜଣାଇଥିଲେ ବି କୌଣସି ସୁବିଧା ହେଇ ପାରିନଥିଲା । ଫଳରେ ବାଧ୍ୟ ହୋଇ ଏଭଳି ବାଇକରେ ଶିଶୁଟିର ମୃତଦେହ ଘର ଲୋକେ ନେଇଥିବା ନେଇ ଅଭିଯୋଗ କରିଛନ୍ତି ।

କେତେବେଳେ ଟ୍ରଲି ତ କେତେବେଳେ ରିକ୍ସାରେ, କେତେବେଳେ ସାଇକେଲରେ ତ କେତେବେଳେ ବାଇକରେ ବୁହା ହେଉଛି ଶବ । ବାରମ୍ବାର ଏଭଳି ଘଟଣା ଘଟୁଥିବା ବେଳେ ଜନସାଧାରଣଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ତୁରନ୍ତ ଏଥିପ୍ରତି ସ୍ୱାସ୍ଥ୍ୟବିଭାଗ ଦୃଷ୍ଟି ଦେବାପାଇଁ ଦାବି ହୋଇଛି।

 

Sonalisa

Recent Posts

ଦୁର୍ଘଟଣାରେ ଗୋଡ ହରାଇ ଥିବା ଶିକ୍ଷକଙ୍କୁ ପାଣି ପିଆଇ ସାନ୍ତ୍ଵନା ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ଵର(କେନ୍ୟୁଜ୍‌): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…

1 hour ago

ରାଜଧାନୀ ରାସ୍ତା କଡ଼ରେ ଗଛ ଲଗାଉଥିବା ଓ ପାଣି ଦେଉଥିବା ଏ ବ୍ୟକ୍ତିଙ୍କୁ ଦେଖିଛନ୍ତି କି ?

ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…

1 hour ago

କାର ସହ ବାଇକ୍‌ ମୁହାଁମୁହିଁ ଧକ୍କା, ୨ ମୃତ

ଗଞ୍ଜାମ(କେନ୍ୟୁଜ୍‌): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…

1 hour ago

ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ, ରାଜ୍ୟରେ ଜାରି ରହିବ ଗ୍ରୀଷ୍ମ ଲହରୀ

ଭୁବନେଶ୍ୱର(କେନ୍ୟୁଜ୍‌): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…

2 hours ago

କାଲି ଆର୍ଟ ଅଫ୍ ଗିଭିଂ ଦିବସ, ୨୦୦ ଦେଶ ଏବଂ ୨୫ ହଜାର ସ୍ଥାନରେ ହେବ ପାଳନ

ଭୁବନେଶ୍ୱର(କେନ୍ୟୁଜ୍‌): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…

2 hours ago

ବିଚାରାଧୀନ ମହିଳା କଏଦୀଙ୍କ ମୃତ୍ୟୁ

ରାଇରଙ୍ଗପୁର (କେନ୍ୟୁଜ୍‌) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…

2 hours ago