ଷ୍ଟେପଲର ପିନକୁ ସାଧାରଣତଃ ଜରୁରୀ ଡକ୍ୟୁମେଣ୍ଟ, ଜେରକ୍ସ ପେପର ଯୋଡ଼ିବା କିମ୍ବା ପାଠ ପଢ଼ା ନୋଟ୍ସକୁ ଯୋଡ଼ିବା ପାଇଁ ବ୍ୟବହାର କରାଯାଏ । କିନ୍ତୁ ଆପଣ କେବେ ଭାବିଛନ୍ତି କି ଏହି ପିନରୁ ଅନେକ ସୁନ୍ଦର ଜିନିଷ ପ୍ରସ୍ତୁତ କରାଯାଇ ପାରିବ । ଷ୍ଟେପଲର ପିନରେ ଏକ ସୁନ୍ଦର କାର ପ୍ରସ୍ତୁତ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି ଜଣେ ମହିଳା । ମହିଳାଙ୍କ କ୍ରିଏଟିଭିଟି ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ମହିଳା ଜଣଙ୍କ ନିଜ ବିଶେଷ ଗୁଣକୁ ସମସ୍ତଙ୍କୁ ଦେଖାଇବା ପାଇଁ ଏହାକୁ ସୋସିଆଲ ମିଡିଆରେ ପୋଷ୍ଟ କରିଥିଲେ । ପୋଷ୍ଟ ହୋଇଥିବା ଏହି ଭିଡିଓ ଭାରତୀୟ ବ୍ୟବସାୟୀ ତଥା ମହିନ୍ଦ୍ରା ଗ୍ରୁପର ଚେୟାରମ୍ୟାନ ଆନନ୍ଦ ମହିନ୍ଦ୍ରାଙ୍କୁ ଖୁବ ପ୍ରଭାବିତ କରିଥିଲା।
ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ସର୍ବଦା ଆକ୍ଟିଭ ରୁହନ୍ତି । ଟ୍ଵିଟରରେ ତାଙ୍କର ୧୦ ମିଲିଅନରୁ ଅଧିକ ଫୋଲୋଅର୍ସ ଅଛନ୍ତି । ସେ ଅନେକ ସମୟରେ କିଛି ନା କିଛି ପୋଷ୍ଟ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଥାନ୍ତି । ସେୟାର କରୁଥିବା ପୋଷ୍ଟକୁ ୟୁଜର୍ସମାନେ ପସନ୍ଦ କରନ୍ତି । ତେବେ ବର୍ତ୍ତମାନ ଆନନ୍ଦ ମହିନ୍ଦ୍ରା ଉକ୍ତ ମହିଳାଙ୍କ କ୍ରିଏଟିଭ ଭିଡିଓ ଦେଖି ଆଶ୍ଚର୍ଯ୍ୟ ହୋଇଥିଲେ । ତାଙ୍କ କଳାକୃତି ଦେଖି ଭିଡିଓକୁ ସେୟାର କରିବା ସହ ତାଙ୍କୁ ଚାକିରିର ଅଫର ମଧ୍ୟ ଦେଇଥିଲେ ।
ସେୟାର ହୋଇଥିବା ଏହି ଭିଡିଓରେ ମହିଳା ଜଣଙ୍କ ସାମାନ୍ୟ ଷ୍ଟେପଲର ପିନରେ ଏକ ସାନଦାର କାର ପ୍ରସ୍ତୁତ କରିଥିଲେ । ଗୋଟିଏ ଗୋଟିଏ ଷ୍ଟେପଲର ପିନ ଯୋଡ଼ି ସେ କାରର ସସସ୍ତ ପାର୍ଟ୍ସ ପ୍ରସ୍ତୁତ କରିଥିଲେ । ଚକରୁ ଆରମ୍ଭ କରି ପୁରା କାରକୁ ସେ ଷ୍ଟେପଲର ପିନ ସାହାଯ୍ୟରେ ପ୍ରସ୍ତୁତ କରିଥିଲେ ।
ଏହା ପରେ ସମସ୍ତ ପାର୍ଟ୍ସକୁ ଯୋଡ଼ି ଗୋଟିଏ ସାନଦାର କାର ପ୍ରସ୍ତୁତ କରିଥିଲେ । ପ୍ରସ୍ତୁତ ହୋଇଥିବା ଏହି କାର ଚାଲୁଥିବା ମଧ୍ୟ ଦେଖାଯାଇଛି । ମହିଳା ଚକକୁ ଏପରି ଡିଜାଇନରେ ପ୍ରସ୍ତୁତ କରିଥିଲେ ତାହା ସହଜରେ ମୁଭ କରୁଥିଲା ।
ଆନନ୍ଦ ମହିନ୍ଦ୍ରା ମହିଳାଙ୍କ କଳାକୃତି ଦେଖି ଖୁସି ହୋଇଥିଲେ ଏବଂ ମହିଳାଙ୍କ ଭିଡିଓକୁ ସେୟାର କରିଥିଲେ । ସେୟାର କରିବା ସହ ସେ ତାଙ୍କୁ ଚାକିରି ପାଇଁ ଅଫର ଦେଇଥିଲେ ଯାହାକୁ ନେଇ ଚର୍ଚ୍ଚା ଜୋର ଧରିଛି ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…