ଶାସ୍ତ୍ର ଅନୁସାରେ ପ୍ରତ୍ୟେକ ବ୍ୟକ୍ତିଙ୍କ ଜନ୍ମ କୌଣସି ନା କୌଣସି କାରଣବଶତଃ ହୋଇଥାଏ। ଭଗବାନଙ୍କର କୌଣସି ଅଧୁରା କାମକୁ ସମ୍ପୂର୍ଣ୍ଣ କରିବାକୁ ବ୍ୟକ୍ତିର ଜନ୍ମ। ଚାଣକ୍ୟଙ୍କ କହିବାନୁସାରେ, ବ୍ୟକ୍ତି ଭିତରେ ଯଦି ଜ୍ଞାନ ବା ଅନ୍ୟ କୌଣସି ଗୁଣ ନାହିଁ, ତେବେ ସେ ଧରଣୀ ଉପରେ ବୋଝ ସହ ସମାନ। ଯାହାର ବଞ୍ଚିବାର କୌଣସି ଅଧିକାର ନାହିଁ। ଚାଣକ୍ୟଙ୍କ ଏହି ନୀତି ଆମ ଦୈନନ୍ଦିନ ଜୀବନ ସମ୍ବନ୍ଧୀୟ। ଏଥିରେ ଜୀବନର ପ୍ରତ୍ୟେକ ଅବସ୍ଥା ବିଷୟରେ ଦର୍ଶାଯାଇଛି। ଆସନ୍ତୁ ଜାଣିବା ଚାଣକ୍ୟ ଆଉ କାହାକୁ ପୃଥିବୀ ଉପରେ ବୋଝ ବୋଲି କହିଛନ୍ତି…
ଆଚାର୍ଯ୍ୟ ଚାଣକ୍ୟଙ୍କ ଅନୁସାରେ ତିନି ପ୍ରକାରର ଲୋକ ପୃଥିବୀ ଉପରେ ବୋଝ ସହ ସମାନ। ଯେଉଁ ବ୍ୟକ୍ତି ମାଂସ ଭୋଜନ କରିଥାନ୍ତି, ମଦ୍ୟପାନ କରିଥାନ୍ତି ଏବଂ ଯେଉଁମାନେ ମୂର୍ଖ ସେମାନେ ପୃଥିବୀ ଉପରେ ବୋଝ ବୋଲି କୁହାଯାଏ।
ଯେଭଳି ଶାସ୍ତ୍ର ଅନୁସାରେ ଜୀବନକୁ ଶେଷ କରିବାକୁ ମହାପାପ କୁହାଯାଏ, ସେହିଭଳି ଜୀବକୁ ହତ୍ୟାକରି ଭୋଜନ କରିବାକୁ ଚାଣକ୍ୟ ମହାପାପ ବୋଲି କହିଛନ୍ତି। ଯେଉଁ ବ୍ୟକ୍ତି ଏଭଳି କରିଥାଏ ସେ ପୃଥିବୀ ଉପରେ ବୋଝ। ଯେ ପର୍ଯ୍ୟନ୍ତ କୌଣସି ଜୀବ ତୁମର କିଛି କ୍ଷତି କରିନାହିଁ ସେପର୍ଯ୍ୟନ୍ତ ତାକୁ ହତ୍ୟା କରିବାର ଅଧିକାର ମନୁଷ୍ୟର ନାହିଁ।
ସେହିଭଳି ଯେଉଁମାନେ ମଦ ପିଇଥାନ୍ତି ସେମାନେ ସମାଜ ପାଇଁ ଅଦରକାରୀ। କାରଣ ନିଶାରେ ଥିବା ବେଳେ ସେମାନେ କ’ଣ କରନ୍ତି କ’ଣ କହନ୍ତି ନିଜେ ବି ଜାଣିପାରନ୍ତି ନାହିଁ। ଅଧିକାଂଶ ଲୋକ ନିଶାରେ ଥିବା ବେଳେ ଭୁଲ କାମ କରିଥାନ୍ତି। ଏଣୁ ଏଭଳି ଲୋକ ପୃଥିବୀ ଉପରେ ବୋଝ ସହ ସମାନ।
ଚାଣକ୍ୟ ମୂର୍ଖ ଲୋକଙ୍କୁ ମଧ୍ୟ ପୃଥିବୀ ଉପରେ ବୋଝ ବୋଲି କହିଛନ୍ତି। କାରଣ ମୂର୍ଖ ବ୍ୟକ୍ତି ସମସ୍ୟା କମ୍ କରିବା ପରିବର୍ତ୍ତେ ବଢ଼ାଇଦେଇଥାଏ। ଏମାନେ ମଣିଷ ହୋଇଥିଲେ ମଧ୍ୟ ପଶୁସମ କାର୍ଯ୍ୟ କରିଥାନ୍ତି। ଏଭଳି ଲୋକ କେବେ କାହା ପାଇଁ ଲାଭଦାୟକ ହୋଇନଥାନ୍ତି।
ମେଷ: ଆଜି ପ୍ରତ୍ୟେକ କ୍ଷେତ୍ରରେ ଆପଣଙ୍କୁ ସଫଳତା ମିଳିବ । ଆପଣ କର୍ମକ୍ଷେତ୍ରରେ କୌଣସି ବିତର୍କରୁ ଦୂରେଇ ରହିବା ଉଚିତ୍…
କନ୍ଧମାଳ (କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ଥାନା ଅନ୍ତର୍ଗତ ଇନ୍ଦ୍ରଗଡ ଗ୍ରାମରେ କାଳ ବୈଶାଖୀ ପ୍ରଭାବରେ ପ୍ରବଳ ବର୍ଷା ପବନ…
ବାଲେଶ୍ବର (କେନ୍ୟୁଜ୍): ବାଲେଶ୍ବର ଗୋଷ୍ଠୀ ଉତ୍ତେଜନା ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ । ପରିସ୍ଥିତିକୁ ନିୟନ୍ତ୍ରଣ ପାଇଁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି…
କଟକ(କେନ୍ୟୁଜ୍): ଦାୟିତ୍ବ ନେବା ପରେ ଆଜି ପ୍ରଥମ ଥର କଟକ ଗସ୍ତ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । କଟକ…
ଭୁବନେଶ୍ୱର : ଭାରତୀୟ ଗଣମାଧ୍ୟମର ଅତି ପରିଚିତ ବ୍ୟକ୍ତିତ୍ୱ ତଥା ରାମୋଜୀ ଗ୍ରୁପର ଅଧ୍ୟକ୍ଷ ରାମୋଜୀ ରାଓଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି…
ଭୁବନେଶ୍ୱର(କେନ୍ୟୁଜ୍): ଗରମ, ଗୁଳୁଗୁଳିରେ ଅସ୍ତବ୍ୟସ୍ତ ଜନଜୀବନ। ଆହୁରି ତିନି ଦିନ ଯାଏ ଏଥିରୁ ମିଳିବନି ଆଶ୍ବସ୍ତି । ଆସନ୍ତା ତିନିଦିନ…