ଶପଥ ନେବା ପରେ ପରେ ହିଁ ଜୋ ବାଇଡେନଙ୍କୁ ଆମେରିକା ରାଷ୍ଟ୍ରପତିଙ୍କ ଅଫିସିଆଲ ଟ୍ୱିଟର ଆକାଉଣ୍ଟ ମିଳିଛି । ଯେଉଁଥିରେ ସେ ୧୩
ଜଣଙ୍କୁ ଫଲୋ କରୁଛନ୍ତି । ଏହି ଲିଷ୍ଟରେ ଜୋଙ୍କ ପତ୍ନୀ ଜିଲ ବାଇଡେନ, କମଳା ହାରିସଙ୍କ ସମେତ ହ୍ୱାଇଟ ହାଉସର କେତେକ ଅଧିକାରୀ ଅଛନ୍ତି । ଏହା ସହ ଏହି ତାଲିକାରେ ଆମେରିକାର ଜଣେ ମଡେଲ ବି ଅଛନ୍ତି । କ୍ରିସୀ ଟିଗେନ ନାମକ ଏହି ମଡେଲ ବାଇଡେନଙ୍କୁ ତାଙ୍କୁ ଫଲୋ କରିବାକୁ ଅନୁରୋଧ କରିଛନ୍ତି । ଆଉ ବାଇଡେନ ବି ତାଙ୍କ ଅନୁରୋଧ ସ୍ୱୀକାର କରିଛନ୍ତି । ଏହା ପରେ କ୍ରିସୀ ଆଉ ତାଙ୍କ ଫଲୋଅର୍ଶ ଖୁବ ଉତ୍ସାହିତ ଥିବା ଜଣାଯାଇଛି । ଆଉ ଟ୍ୱିଟରରେ ଲଗାତାର ପ୍ରତିକ୍ରିୟା ଦେବାରେ ଲାଗିଛନ୍ତି । କହିରଖିବା ଉଚିତ ହେବକି, ୩୫ ବର୍ଷୀୟ କ୍ରିସୀ ଟ୍ରମ୍ପଙ୍କ ନୀତିର ଜଣେ କଡା ସମାଲୋଚକ ଥିଲେ । ୨୦୧୭ରେ ଏବାବଦରେ ଏକ ବିବାଦୀୟ ମନ୍ତବ୍ୟ ବି ଦେଇଥିଲେ ।
ଯାହା ପରେ ଟ୍ରମ୍ପ ତାଙ୍କୁ ବ୍ଲକ କରିଦେଇଥିଲେ । ଏହା ପରେ ୨୦୧୯ ରେ ବାଇଡେନଙ୍କ ପ୍ରଚାର ସମୟରେ କ୍ରିସ ଆଉ ତାଙ୍କ ପରିବାର ବାଇଡେନଙ୍କୁ ସପୋର୍ଟ କରିଥିଲେ । ଆମେରିକା ସ୍ଥିତ କ୍ୟାପିଟାଲ ହିଲ ହିଂସାକାଣ୍ଡ ପରେ ତତକାଳୀନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବ୍ୟକ୍ତିଗତ ଆକାଉଣ୍ଟକୁ ନିଲମ୍ବନ କରାଯାଇଥିଲା । ଏମିତିକି ଟ୍ରମ୍ପଙ୍କ ଟ୍ୱିଟର ଆକାଉଣ୍ଟକୁ ସ୍ଥାୟୀ ଭାବରେ ବନ୍ଦ କରାଯାଇଛି । କହିରଖୁଛୁକି, ବିଶ୍ୱବ୍ୟାପି ଟ୍ରମ୍ପଙ୍କର ୮.୮
କୋଟିରୁ ଅଧିକ ଫଲୋଅର୍ଶ ଅଛନ୍ତି । ସେପଟେ ଶପଥ ନେବା ପରେ ବାଇଡ଼େନଙ୍କ ଅଫିସିଆଲ ଟ୍ୱିଟର ଆକାଉଣ୍ଟ ପୋଟସ ଆସିଯାଇଛି । ଯେଉଁଥିରେ ୫.୬ ମିଲିୟନ ଫଲୋଅର୍ଶ ଅଛନ୍ତି ।
ଭଦ୍ରକ: ତିନି ଦିନରେ ନେଇଛି ୩ ଜୀବନ । ଗୋଟିଏ ପରେ ଗୋଟିଏ ଜୀବନ ନେଇଛି ଅଭିଯୁକ୍ତ ନାବାଳକ ।…
ପ୍ରିୟଙ୍କା ଚୋପ୍ରା କେବଳ ଜଣେ ମହାନ ଅଭିନେତ୍ରୀ, ଗାୟକ ଏବଂ ଲେଖକ ନୁହଁନ୍ତି, ସେ ଜଣେ ଭଲ ବ୍ୟବସାୟୀ ମଧ୍ୟ…
ଗୋପ (କେନ୍ୟୁଜ): କୋଣାର୍କ ବାଲୁଖଣ୍ଡ ଅଭୟାରଣ୍ୟକୁ ଆସିଲେ ବିରଳ ୧୦ କୃଷ୍ଣସାର ମୃଗ । ବନବିଭାଗ ପକ୍ଷରୁ ବିରଳ କୃଷ୍ଣସାର…
କେନ୍ୟୁଜ (ବ୍ୟୁରୋ) : ଆଉ ଦିନକ ପାଇଁ ବଢ଼ିଲା ସକାଳୁଆ ସ୍କୁଲ । ଆସନ୍ତାକାଲି ସକାଳ ୬ଟା ୩୦ ରୁ…
ଭାରତର ପୂର୍ବତନ ଅନ୍ତର୍ଜାତୀୟ କ୍ରିକେଟର ତଥା କର୍ଣ୍ଣାଟକର ଡାହାଣହାତୀ ଦ୍ରୁତ ବୋଲର ଡେଭିଡ୍ ଜନସନ୍ଙ୍କ ୫୨ ବର୍ଷ ବୟସରେ ଦେହାନ୍ତ…
ଶରୀରକୁ ସୁସ୍ଥ ରଖିବା ପାଇଁ କେବଳ ଭିଟାମିନ୍ ଏବଂ ମିନେରାଲ୍ସ ନୁହେଁ ବରଂ ପ୍ରଚୁର ଫାଇବର ମଧ୍ୟ ଆବଶ୍ୟକ ।…