ରାସ୍ତାରେ ବୁଲୁଥିବା ବିଲେଇକୁ ଲାଗିଲା ଭୀଷଣ ଶୋଷ ବ୍ୟକ୍ତି ନିଜ ଛୁଆ ଭଳି କରାଇଲେ ଜଳ ପାନ, ଦେଖନ୍ତୁ ମାନବିକତାର ସୁନ୍ଦର ଭିଡିଓ

ଇଣ୍ଟରନେଟରେ ଏକ ବହୁତ ସୁନ୍ଦର ଭିଡିଓ ଭାଇରାଲ ହେଉଛି। ଯେଉଁ ଭିଡିଓକୁ ଦେଖିଲେ ଆପଣ ବି ବୁଝିବେ ମାନବିକତା ଶବ୍ଦର ଶକ୍ତି କେତେ। ମଣିଷତ୍ୱରେ ଭରି ରହିଥିବା ଏକ ଭିଡିଓ ଖୁବ୍‌ ଭାଇରାଲ ହେଉଛି। ଆପଣ ବି ଏହି ଭିଡିଓ ଦେଖନ୍ତୁ ଆପଣଙ୍କ ମନ ଏକଦମ ଖୁସି ହୋଇଯିବ। ଭିଡିଓରେ ଆପଣ ଦେଖିପାରିବେ ଯେ ବିଲେଇକୁ ପାଣି ପିଆଇବାରେ ସାହାଯ୍ୟ କରିବା ହିଁ ହେଉଛି ମଣିଷର ଅସଲି ସୁଖ। ବ୍ୟକ୍ତି ଜଣଙ୍କ ବିଲେଇକୁ ଏକଦମ୍‌ ନିଜ ଛୁଆ ଭଳି ପାଣି ପିଆଉଥିବାର ଦ୍ରୁଷ୍ୟ ଲୋକଙ୍କ ମନକୁ ଛୁଇଁଯାଇଛି।

ଆପଣ ଦେଖିପାରିବେ ଯେ ଜଣେ ବୟଷ୍କ ବ୍ୟକ୍ତି ଶୋଷରେ ଥିବା ଏକ ବିଲେଇକୁ ନିଜ ହାତରେ ପାଣି ପିଆଉଛନ୍ତି। ଏଥିପାଇଁ ବ୍ୟକ୍ତି ଜଣଙ୍କ ନିଜ ହାତରେ ଆଞ୍ଜୁଳାଏ ଆଞ୍ଜୁଳାଏ ପାଣି ଆଣି ବିଲେଇକୁ ଦେଉଛନ୍ତି। ବିଲେଇଟି ମଧ୍ୟ ସେତେ ପଯ୍ୟର୍ନ୍ତ ବ୍ୟକ୍ତିଙ୍କ ହାତରୁ ପାଣି ପିଉଛି ଯେତେ ପଯ୍ୟର୍ନ୍ତ ତାର ଶୋଷ ମେଣ୍ଟିନାହିଁ। ସୋସିଆଲ ମିଡିଆ ୟୁଜର୍ସ ବ୍ୟକ୍ତିଙ୍କ ମଣିଷପଣିଆକୁ ଦେଖି ଖୁବ ପ୍ରଶଂସା କରୁଛନ୍ତି।