ମାଛିଓ୍ଵାଡା ସାହିବ : ଲୋକଙ୍କୁ ଠକିବା ପାଇଁ ଠକମାନେ ଏବେ ବିଭିନ୍ନ କୌଶଳ ଜାରି ରଖିଛନ୍ତି । ଠକିବା ପାଇଁ ଏବେ ନୂଆ ମାଧ୍ୟମ ସାଜିଛି ଫେସ୍ବୁକ୍ । ଏଥିରେ ବିଶେଷକରି ଯୁବକମାନଙ୍କୁ ଫସାଯାଉଛି । ଫେକ୍ ଆଇଡି ଓ ସୁନ୍ଦରୀ ଝିଅଙ୍କ ଫଟୋ ଲଗାଇ ଫେସ୍ବୁକ୍ରେ ପଠାଉଛନ୍ତି ଫ୍ରେଣ୍ଡ ରିକ୍ୱେଷ୍ଟ। ଯଦି ଆପଣ ଆସେପ୍ଟ କଲେ ତେବେ ଫସିଲେ ।
ସୂଚନାନୁଯାୟୀ ଫେସ୍ବୁକ୍ରେ ଝିଅଙ୍କ ନାମରେ ଫେକ୍ ଆଇଡି ତିଆରି କରାଯାଉଛି । ସେଥିରେ ସୁନ୍ଦରୀ ଝିଅଙ୍କ ଫଟୋ ଲଗାଯାଉଛି । ଯୁବକମାନଙ୍କୁ ଫେସ୍ବୁକ୍ରେ ଫ୍ରେଣ୍ଡ୍ ରିକ୍ୱେଷ୍ଟ ପଠାଯାଉଛି । ଯଦି ଆପଣ ଏହାକୁ ଆସେପ୍ଟ କରିଦେଲେ । ତା’ପରେ ଚାଲିବ ଚାଟିଂ । ପ୍ରଥମେ ଭଲ, ତା’ପରେ ପ୍ରେମ ଓ ତା’ପରେ ସେକ୍ସ ଚାଟିଂ । ଏହାପରେ ଆପଣଙ୍କ ମୋବାଇଲ୍ ନମ୍ବର ଦିଆନିଆ ।
ଏବେ ହ୍ଵାଟ୍ସଆପ୍ରେ ଭିଡିଓ କଲିଂ କରି ଆପଣଙ୍କୁ ଝିଅ ସ୍ଥାନରେ ରେକଡିଂ ହୋଇଥିବା ଝିଅଙ୍କ ଅଶ୍ଳୀଳ ଭିଡିଓ ଦେଖାଇବେ । କିଛି ଯୁବକ ସେପଟର ଅଶ୍ଳୀଳ ରେକଡିଂ ଭିଡିଓ ଦେଖି ଅନ୍ଧ ହୋଇଯାଇ ଏମିତି କିଛି ଅଶ୍ଳୀଳ ହରକତ କରିବସିବେ । ଯାହାକୁ ଅପର ପକ୍ଷର ଠକ ରେକଡିଂ କରିନେବେ । ତା’ପରେ ଆପଣଙ୍କର ସେହି ଅଶ୍ଳୀଳ ଭିଡିଓ ଦେଖାଇ ଚାଲିବ ବ୍ଳାକ୍ ମେଲିଂ । ଏହି ଆକାଉଣ୍ଟରେ ୧୦ କିମ୍ବା ୨୦ ହଜାର ଟଙ୍କା ପଠାଅ । ନଚେତ୍ ଭିଡିଓ ଭାଇରାଲ୍ କରିଦେବୁ । ଧମକରେ ଆପଣ ବାଧ୍ୟହୋଇ ତାଙ୍କୁ ଟଙ୍କା ଗଣିବା ଆରମ୍ଭ କରିଦେବେ । ସମ୍ମାନକୁ ଜଗିବାକୁ ଯାଇ ଆପଣ ହୋଇଯିବେ ଠକାମୀର ଶିକାର ।
ଏଭଳି ଏକ ଘଟଣା ସାମ୍ନାକୁ ଆସିଛି ମାଛିଓ୍ଵାଡା ଇଲାକାରେ । ଅମର ନାମକ ଜଣେ ଯୁବକ ଏପରି ଠକାମୀର ଶିକାର ହୋଇ ପୋଲିସର ଆଶ୍ରୟ ନେଇଛନ୍ତି । ତେଣୁ ଯଦି ଆପଣ ଫେସ୍ବୁକ୍ ବ୍ୟବହାର କରୁଛନ୍ତି ତେବେ ହୋଇଯାଆନ୍ତ ହୁସିଆର୍ । ଫେସ୍ବୁକ୍ରେ ଅଜଣା ସୁନ୍ଦରୀ ଝିଅଙ୍କ ସହ କେବେ ବି କରନ୍ତୁନି ଚାଟିଂ କିମ୍ବା ଆସେପ୍ଟ କରନ୍ତୁନି ଫ୍ରେଣ୍ଡ୍ ରିକ୍ୱେଷ୍ଟ।
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…