କଠିନ ପରିଶ୍ରମ ଓ ଦୃଢ ଇଚ୍ଛା ଶକ୍ତି ଆଗରେ ଯେ ସବୁ ପ୍ରକାର ପରିସ୍ଥିତି ହାର ମାନିପାରେ । ଧର୍ଯ୍ୟର ସହ ନିଜ ଲକ୍ଷ ପଥରେ ଆଗେଇ ଚାଲିଲେ ସଫଳତା ଯେ ବେଶୀ ଦୂର ନୁହେଁ ତାହା ଅନେକ ଘଟଣାରୁ ସ୍ପଷ୍ଟ ହୋଇସାରିଛି । ଏମିତି ଏକ ପ୍ରବାଦର ଜ୍ୱଳନ୍ତ ଉଦାହରଣ ପାଲଟିଛନ୍ତି ଭୁବନେଶ୍ୱରର ନୀଳାଦ୍ରି ବିହାର ସେକ୍ଟର ୩ ଅଞ୍ଚଳର ବାସିନ୍ଦା ବିଶ୍ବ ରଞ୍ଜନ । ୟୁପିଏସ୍ସି ପରିଚାଳିତ ସର୍ବଭାରତୀୟ ସ୍ତରୀୟ ପ୍ରଶାସନିକ ପରୀକ୍ଷା-୨୦୧୯ରେ ୧୮୨ ରାଙ୍କରେ ଉତ୍ତୀର୍ଣ୍ଣ ହୋଇ ଆଜିର ଯୁବ ପିଢିଙ୍କ ପ୍ରେରଣା ସାଜିଛନ୍ତି ବିଶ୍ୱରଂଜନ । ପୁଅର ଏପରି ସଫଳତା ପଛରେ ବାପା ମା’ଙ୍କ ଅବଦାନ କିଛି କମ ନୁହେଁ । ମୂଳତଃ ଜଗତସିଂହପୁର ଜିଲ୍ଲା ବାସିନ୍ଦା ହୋଇଥିଲେ ମଧ୍ୟ ଦୁଇ ପିଲାଙ୍କୁ ମଣିଷ କରିବା ପାଇଁ ବାପା ମା” ଦୁହେଁ ଗାଁ ଛାଡ଼ି ରାଜଧାନୀ ଭୁବନେଶ୍ୱର ଚାଲିଆସିଥିଲେ । ସେସମୟରେ ଭୁବନେଶ୍ୱର ସେମାନଙ୍କ ପାଇଁ ଏକ ଅଜଣା ସହର ଥିଲା ।
ଏଠି କେହି ବି ଚିହ୍ନ ପରିଚିତ ନଥିଲେ । ପେଟ ପୋଷିବା ପାଇଁ ବିଶ୍ୱରଂଜନଙ୍କ ବାପା ଏକ ଛୋଟିଆ ଦୋକାନ ଟିଏ ଖୋଲିଥିଲେ । ଘର ଚଳାଇବାରେ କିଛିଟା ସାହାଯ୍ୟ କରିବା ପାଇଁ ମା’ ମିନତୀ ଟେଲରିଂ ଶିଖି ଏକ ଟେଲର ଦୋକାନ ଖୋଲିଥିଲେ । ଆର୍ଥିକ ସମସ୍ୟା ଲାଗି ରହିଥିଲେ ମଧ୍ୟ ପିଲାଙ୍କୁ ମଣିଷ ପରି ମଣିଷଟେ କରି ଗଢି ତୋଳିବାର ସ୍ବପ୍ନ ବାପା ମା’ଙ୍କ ଆଖିରୁ କେବେ ବି ଲିଭି ନଥିଲା । ଚଲାପଥରେ ବହୁ ବାଧା ବିଘ୍ନ ଆସିଥିଲେ ମଧ୍ୟ ପାଠ ପଢ଼ାରେ କେବେ ବି ଅବହେଳା କରିନାହାନ୍ତି । ଫଳରେ ପିଲାଙ୍କ ପ୍ରତି ଥିବା ଦୁହିଁଙ୍କ ଅସୀମ ତ୍ୟାଗ ଆଜି ଫଳବତୀ ହୋଇଛି । ଆଜି ସେମାନଙ୍କ ପୁଅ ଜଣେ ଆଇଏଏସ ଅଧିକାରୀ ହେବାକୁ ଯାଉଛନ୍ତି । ଏବାବଦରେ ବିଶ୍ବରଂଜନଙ୍କ ମା’ ଙ୍କୁ ପଚରା ଯିବାରୁ ସେ କହିଥିଲେକି, ପିଲାବେଳରୁ ହିଁ ବିଶ୍ବରଂଜନର ପାଠପଢି ଲୋକଙ୍କ ସେବା କରିବାର ଏକ ସ୍ବପ୍ନ ଦେଖି ଆସୁଥିଲା ।
ଆଜି ତାର ସେହି ସ୍ବପ୍ନ ପୂରଣ ହୋଇଛି । ମା”ଙ୍କ ସହ ତାଙ୍କ ପିତା ବି ପୁଅର ଏହି ସଫଳତାରେ ଖୁବ ଆତ୍ମବିଭୋର ହୋଇଯାଇଛନ୍ତି । ୟୁପିଏସ୍ସି ପରିଚାଳିତ ସିଭିଲ ସର୍ଭିସ ପରୀକ୍ଷାରେ ସଫଳତା ହାସଲ କରି ନିଜ ପାଇଁ ଏକ ମାଇଲ ଖୁଣ୍ଟ ଠିଆ କରିଛନ୍ତି ତାହା ନୁହେଁ ଅନେକଙ୍କ ପାଇଁ ପ୍ରେରଣା ପାଲଟିଛନ୍ତି ଜଗତସିଂହପୁରରୁ ରାଜଧାନୀ ଅଭିମୁଖେ ଜୀବନର ଗତିପଥ ସନ୍ଧାନରେ ଆସିଥିବା ସେହି ଛୋଟ ଶିଶୁ ବିଶ୍ବରଂଜନ । ନିଜର ଏହି ସମସ୍ତ ସଫଳତାର ଶ୍ରେୟ ସେ ନିଜ ବାପା, ମା, ଶିକ୍ଷକ ତଥା ପରିବାର ଲୋକଙ୍କୁ ଦେଇଛନ୍ତି । ସିଭିଲ ସର୍ଭିସ ଆଶାୟୀଙ୍କ ଉଦ୍ଦେଶ୍ୟରେ ସେ କହିଛନ୍ତିକି, “ଲକ୍ଷ ସ୍ଥିର ରଖି କାମ କରିବା ଉଚିତ । ସମୟ ସମୟରେ ବାଧାବିଘ୍ନ ଆସିବ କିନ୍ତୁ ଏହାକୁ ଖାତିର ନକରି ଆଗକୁ ବଢିଚାଲିଲେ ସଫଳତା ନିଶ୍ଚିତ ମିଳିବ ।”
ଭୁବନେଶ୍ୱର (କେନ୍ୟୁଜ): ଆଗକୁ ବଢୁଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଆସନ୍ତା ୩ରୁ ୪ଦିନ ମଧ୍ୟରେ କିଛି ଅଞ୍ଚଳକୁ…
ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପାଣି ପାଇଁ ହାହାକାର । ଅଧିକାଂଶ ସ୍ଥାନରେ ଜଳ ସଂକଟର ବିକଳ ଚିତ୍ର । ପାଇପରେ…
କେନ୍ୟୁଜ: ଗାଁ ଦାଣ୍ଡରେ ରଜର ମହମହ ବାସ୍ନା । ଆଜି ଶେଷ ରଜ । ୩ ଦିନିଆ ରଜ ଉତ୍ସବର…
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…