“ପ୍ୟାର କେଲିଏ କୁଛ ଭି କରେଗା” ଏକଥା ତ ଆପଣ ଶୁଣିଥିବେ ନିଶ୍ଚୟ । କିନ୍ତୁ ପ୍ରେମ ପାଇଁ ଘର ଜଳିଗଲା ଏମିତି କଥା ଆପଣ କେବେ ଶୁଣିନଥିବେ । ଆଜ୍ଞା ହଁ ଠିକ ଏପରି ଏକ ଘଟଣା ଦେଖିବାକୁ ମିଳିଛି ଇଂଲଣ୍ଡର ଶେଫିଲଡରେ । ଏଠାରେ ପ୍ରେମ ପାଇଁ ଜଳିଯାଇଛି ଘର । ଏହା ଶୁଣିବା ପରେ ଆପଣ ଆଶ୍ଚର୍ଯ୍ୟ ହୋଇଯାଇଥିବେ ନିଶ୍ଚୟ । ପ୍ରେମ ପାଇଁ ଘର ଜଳିବ କିପରି ? ତାହେଲେ ଶୁଣନ୍ତୁ ଜଣେ ପ୍ରେମିକ ନିଜ ପ୍ରେମିକାକୁ ପ୍ରପୋଜ କରିବା ପାଇଁ ଏକ ରୋମାଣ୍ଟିକ ମାହୋଲ ବନାଇଥିଲେ । ସେଥିପାଇଁ ସେ ନିଜର ଫ୍ଲାଟକୁ ଟିଲାଇଟ କ୍ୟାଣ୍ଡେଲ ଦ୍ୱାରା ସଜାଇଥିଲେ କିନ୍ତୁ ଏହି କ୍ୟାଣ୍ଡେଲ ସେଠାରେ ରୋମାଣ୍ଟିକ ମାହୋଲ ସୃଷ୍ଟି କରିବା ପରିବର୍ତ୍ତେ ପୁରା ଘରଟିକୁ ପୋଡି ଛାରଖାର କରିଦେଇଛି ।
ସାଉଥ ୟର୍କସାୟାର ଫାୟାର ଆଣ୍ଡ ରେସକ୍ୟୁ ସର୍ଭିସ ଏହି ଘଟଣାର ସୂଚନା ଟ୍ୱିଟର ମାଧ୍ୟମରେ ଦେଇଛି । ସେ ଏହି ଫଟୋକୁ ସେୟାର କରିବା ସହ ଲେଖିଛନ୍ତି “ଟିକିଏ ଭଲଭାବରେ ଦେଖନ୍ତୁ ଏହି ଦୃଶ୍ୟକୁ.. ଆପଣ କଣ ଦେଖୁଛନ୍ତି ? ଜାଣିବାକୁ ଚାଁହୁଛନ୍ତି ଏଠାରେ କଣ ଘଟିଛି ? ଗୋଟିଏ ରୋମାଣ୍ଟିକ ପ୍ଲାନ ପୁରା ଘରଟିକୁ ପୋଡି ଛାରଖାର କରିଦେଇଛି । ଆଉ ଏଥିରୁ ଅନ୍ୟମାନଙ୍କୁ ଏକ ଶିକ୍ଷା ମଧ୍ୟ ମିଳିଛି ଯେ ମହମବତୀକୁ ଆମେ କେତେ ସତର୍କତାର ସହ ବ୍ୟବହାର କରିବା ଉଚିତ । ନଚେତ ଏହା ପୁରା ଘରକୁ ପୋଡି ଛାରଖାର କରିଦେଇପାରେ । ”
ଏହି ଘଟଣାଟି ଲଣ୍ଡନର ଶେଫିଲଡରେ ଘଟିଛି । ଯୁବକ ଜଣକ ଫ୍ଲାଟକୁ ଏମିତି ସଜାଇ ନିଜ ପ୍ରେମିକକୁ ଆଣିବାକୁ ଯାଇଥିଲେ । ଆଉ ଘରକୁ ଫେରି ଦେଖନ୍ତି ତ ସବୁକିଛି ପୋଡି ପାଉଁଶ ହୋଇଯାଇଛି । ତେବେ ଘଟଣାସ୍ଥଳରେ ଅଗ୍ନିଶମ ବିଭାଗ ପହଂଚି ନିଆଁକୁ ଆୟତ୍ତ କରିଛନ୍ତି । ତେବେ ଏହି ଦୁର୍ଘଟଣାରେ କେହି ଆହତ ହୋଇନାହାନ୍ତି । ଯଦିଓ ଏହି ଦୁର୍ଘଟଣା ଘଟିବ ପରେ ଯୁବତୀ ଜଣକ ବିବାହ କରିବା ପାଇଁ ରାଜି ମଧ୍ୟ ହୋଇଯାଇଛନ୍ତି ।
ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…