ଦିନ ଦିପହରେ ବ୍ୟାଙ୍କ ଭିତରେ ପଶିଲା ଷଣ୍ଢ । ଏକଥା ଶୁଣି ଆପଣମାନଙ୍କୁ ଖୁବ ଆଶ୍ଚର୍ଯ୍ୟ ଲାଗୁଥିବା କିନ୍ତୁ ଏହା ସତ । ଯାହାର ଏକ ଭିଡିଓ ଏବେ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି । ବ୍ୟାଙ୍କ ଭିତରେ ଷଣ୍ଢକୁ ଦେଖି ଗ୍ରାହକମାନେ ଖୁବ ଭୟଭୀତ ହୋଇଯାଇଥିବା ବେଳେ ଅନ୍ୟ କିଛି ଲୋକେ ଏହି ଦୃଶ୍ୟର ବେଶ ମଜା ନେଉଥିଲେ । ଏହି ଭିଡିଓକୁ ସୋସିଆଲ ମିଡ଼ିଆ X ଆକାଉଣ୍ଟ ୟୁଜର କୁମାର ମନୀଷ ନିଜ ଆକାଉଣ୍ଟରେ ସେୟାର କରିଛନ୍ତି । ଏହି ଭିଡିଓ ଭାଇରାଲ ହେବା ପରେ ଷଣ୍ଢ ଟଙ୍କା ଉଠାଇବାକୁ ଯାଇଛି ବୋଲି ସୋସିଆଲ ମିଡ଼ିଆ ୟୁଜର୍ସମାନେ କହିଥିଲେ ।
ଭାରତୀୟ ଷ୍ଟେଟ ବ୍ୟାଙ୍କର ଏକ ଶାଖାରେ ଦିନ ଦିପହରେ ପଶି ଯାଇଥିଲା ଷଣ୍ଢ । ଭାଇରାଲ ଭିଡିଓରେ ଦେଖିବା ପରେ ଏହା ଉତ୍ତର ପ୍ରଦେଶର ଏକ ଏସବିଆଇ ବ୍ରାଞ୍ଚର ଦୃଶ୍ୟ ବୋଲି କୁହାଯାଇଛି । ବ୍ୟାଙ୍କ ଭିତରେ ଷଣ୍ଢ ପଶିଯିବା ପରେ ଗ୍ରାହକମାନେ ଛାନିଆ ହୋଇ ଏଣେ ତେଣେ ପଳାଇଥିଲେ । ଏହି ସମୟରେ ଅନ୍ୟ କିଛି ଲୋକମାନେ ଏହାର ଭିଡିଓ ମଧ୍ୟ କରୁଥିଲେ । କିନ୍ତୁ ଷଣ୍ଢଟି ନିର୍ବିକାର ଭାବେ ବିଭିନ୍ନ କାଉଣ୍ଟର ଆଗରେ ବୁଲୁଥିବାର ଦେଖାଯାଇଥିଲା । ତେବେ ଏହା କିପରି ହେଲା ଏବଂ ଷଣ୍ଢ ବ୍ୟାଙ୍କ ଭିତରେ କିପରି ପଶିଲା? ଏହି ଭିଡିଓ ଭାଇରାଲ ହେବା ପରେ ୟୁଜର୍ସ କମେଣ୍ଟରେ କହିଛନ୍ତି କ’ଣ ଷଣ୍ଢକୁ କିଛି ଟଙ୍କା ଜମା କରିବାର ଥିଲା କି ବ୍ୟାଙ୍କରେ?
ତେବେ ଏହି ଘଟଣା ଉତ୍ତରପ୍ରଦେଶର ଉନ୍ନାଓରେ ଥିବା ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ଅର୍ଥାତ ଏସବିଆଇ ବ୍ୟାଙ୍କ ଭିତରେ ଘଟିଛି । ବ୍ୟାଙ୍କ ଭିତରେ ଷଣ୍ଢଟି ଖୁବ ଧର୍ଯ୍ୟର ସହିତ ଗୋଟିଏ କୋଣରେ ଅପେକ୍ଷା କରିଥିଲା । ତେବେ ବ୍ୟାଙ୍କ ଭିତରେ ଥିବା ଷଣ୍ଢକୁ ଦେଖି ଖୁବ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା । ପରେ ବ୍ୟାଙ୍କର ଜଣେ ସୁରକ୍ଷାକର୍ମୀ ଏହାକୁ ଘଉଡାଇ ଦେଇଥିଲେ । କିନ୍ତୁ ଏହି ଘଟଣାର ଏକ ଭିଡିଓ ବର୍ତ୍ତମାନ ଇଣ୍ଟରନେଟରେ ଖୁବ ଭାଇରାଲ ହେବାରେ ଲାଗିଛି ।
ବ୍ୟାଙ୍କ ଭିତରେ ଷଣ୍ଢକୁ ଦେଖି ଲୋକମାନେ ଖୁବ ଆଶ୍ଚର୍ଯ୍ୟ ହୋଇଯାଇଥିଲେ । ତେବେ ଏହାର ପ୍ରକୃତ କାରଣ ହେଉଛି ଦୁଇଟି ଷଣ୍ଢ ବ୍ୟାଙ୍କ ବାହାରେ ଝଗଡା କରୁଥିଲେ । ଯେତେବେଳେ ଜଣେ ଅନ୍ୟକୁ ବ୍ୟାଙ୍କର ପ୍ରବେଶ ଦ୍ୱାର ଆଡକୁ ଗୋଡ଼ାଇଲା, ଖୋଲା ଦ୍ୱାର ଦେଖି ଷଣ୍ଢଟି ବ୍ୟାଙ୍କ ଭିତରକୁ ପଶି ଆସିଥିଲା । ସୌଭାଗ୍ୟବଶତଃ ଏହି ଘଟଣା ଏପରି ଏକ ସମୟରେ ଘଟିଥିଲା ଯେତେବେଳେ ସେଠାରେ ଗ୍ରାହକ କମ୍ ଥିଲେ । ବିଭିନ୍ନ ସୋସିଆଲ ମିଡିଆରେ ଏହା ଭାଇରାଲ ହେବା ପରେ ଲୋକମାନେ ଏହି ଭିଡିଓ ଦେଖି ବେଶ ମଜା ଉଠାଇଛନ୍ତି ।
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…