ଭାରତୀୟ ଟିମର ଷ୍ଟାର ବୋଲର ମହମ୍ମଦ ଶାମିଙ୍କୁ ଅର୍ଜୁନ ଆଓ୍ଵାର୍ଡରେ ପୁରସ୍କୃତ କରାଯାଇଛି । ଏହି ସମ୍ମାନ ମିଳିବା ପରେ ନିଜ ପରିବାର ସହିତ ଖୁସି ସେଲିବ୍ରେସନ କରିଛନ୍ତି ଶାମି । ଶାମି ସୋସିଆଲ ମିଡିଆରେ ଏକ ଭାବବିହ୍ଵଳ ପୋଷ୍ଟ କରିଛନ୍ତି । ୨୦୨୩ ଦିନିକିଆ ବିଶ୍ୱକପରେ ଶାମି କମାଲ କରିଛନ୍ତି । ଶାମି ୨୪ଟି ଓ୍ଵିକେଟ ନେଇ ଶୀର୍ଷରେ ରହିଥିଲେ ।
ମହମ୍ମଦ ଶାମି ପୋଷ୍ଟ କରି ଲେଖିଛନ୍ତି, ଏହି ଆଓ୍ଵାର୍ଡ ପାଇଁ ଆପଣଙ୍କୁ ବହୁତ ବହୁତ ଧନ୍ୟବାଦ । ଏହି ଆଓ୍ଵାର୍ଡ ମୋ ପାଇଁ ବହୁତ ଗର୍ବର କଥା । ମୁଁ ସତରେ ତୁମ ସମସ୍ତଙ୍କ ପାଇଁ ଋଣୀ ରହିବି । ଏହି ଆଓ୍ଵାର୍ଡ ମୋତେ ଅଧିକ ଉତ୍ସାହ ଓ ପ୍ରେରଣା ଦେବ । ଏହି ଆଓ୍ଵାର୍ଡ ପାଇଁ ସମ୍ମାନିତ ଅନୁଭବ କରୁଛି । ମୋ ପିଲା ବେଳକୁ ନେଇ ମୁଁ ଗର୍ବ କରେ । ସମଗ୍ର ବ୍ରହ୍ମାଣ୍ଡରେ ମୋତେ ସବୁଠୁ ଭଲ ବାପାମା ମିଳିଛନ୍ତି । ମୁଁ ମୋର ପରିବାର ଏବଂ ସାଙ୍ଗସାଥି ଏବଂ ଫ୍ୟାନ୍ସଙ୍କ ବଳିଦାନ, ସମର୍ଥନ ଏବଂ ଭଲପାଇବା ପାଇଁ ଧନ୍ୟବାଦ ଜଣାଉଛି । ମୋତେ ଏମିତି ସବୁବେଳେ ସପୋର୍ଟ ଏବଂ ଭଲପାଇବା ମିଳୁଥାଉ ।
ବିଶ୍ୱକପ ୨୦୨୩ରେ ଶାମି ସୁବୁଠାରୁ ଅଧିକ ଓ୍ଵିକେଟ ନେଇଥିଲେ । ବ୍ୟାଟର ତାଙ୍କ ବୋଲିଂଙ୍କୁ ବୁଝିପାରୁନଥିଲେ । ତେଣୁ ନ୍ୟୁଜିଲାଣ୍ଡ ବିପକ୍ଷ ସେମି ଫାଇନାଲରେ ୭ ଓ୍ଵିକେଟ ନେଇଥିଲେ ଶାମି । ଦିନିକିଆ ବିଶ୍ୱକପ ୨୦୨୩ରେ ୭ଟି ମ୍ୟାଚରେ ୨୪ଟି ଓ୍ଵିକେଟ ନେଇ ରେକର୍ଡ କରିଥିଲେ ।
ମହମ୍ମଦ ଶାମି ଭାରତୀୟ ଟିମରେ ୨୦୧୩ରେ ଡେବ୍ୟୁ କରିଥିଲେ । ଭାରତ ପାଇଁ ୬୪ଟି ଟେଷ୍ଟ ମ୍ୟାଚରେ ୨୨୯ ଓ୍ଵିକେଟ ନେଇଥିଲେ । ୧୦୧ଟି ଦିନିକିଆରେ ୧୯୫ ଓ୍ଵିକେଟ ଓ ୨୩ଟି ଟି-୨୦ ମ୍ୟାଚରେ ୨୪ଟି ଓ୍ଵିକେଟ ନେଇଛନ୍ତି ।
ମହମ୍ମଦ ଶାମି ଅର୍ଜୁନ ଆଓ୍ଵାର୍ଡ ପାଇଥିବା ୫୮ତମ କ୍ରିକେଟର । ଏହି ଲିଷ୍ଟରେ ୧୨ ଜଣ ମହିଳା ରହିଛନ୍ତି । ୨୦୨୧ରେ ଅର୍ଜୁନ ଆଓ୍ଵାର୍ଡ ଶିଖର ଧଓ୍ଵନଙ୍କୁ ମିଳିଥିଲା ।
ମେଷ: ଆପଣଙ୍କର କିଛି ନୂଆ କାମରେ ରୁଚି ବଢିବ । ଆଥିକ ସ୍ଥିତି ପୂର୍ବ ଅପେକ୍ଷା ସୁଦୃଢ ହେବ ।…
ଆସନ୍ତା ୨୦ ତାରିଖରେ ହେବ ବିଧାନସଭା ବାଚସ୍ପତି ନିର୍ବାଚନ। ୧୯ ତାରିଖରେ ବାଚସ୍ପତି ପଦ ପାଇଁ ନମାଙ୍କନ ଦାଖଲ ହେବ…
ଭୁବନେଶ୍ୱର (କେନ୍ୟୁଜ): ପ୍ରତିବର୍ଷ ପରି ଚଳିତ ବର୍ଷ ଟାଇମ୍ସ ହାଇଅର ଏଜୁକେସନ୍ ଇମ୍ପାକ୍ଟ (ସାମାଜିକ ପ୍ରଭାବ) ରାଙ୍କିଙ୍ଗ ପ୍ରକାଶ ପାଇଛି।…
କରଞ୍ଜିଆ : ମୟୁରଭଞ୍ଜ ଜିଲ୍ଲାର କରଞ୍ଜିଆ ଉପଖଣ୍ଡରେ ଅପରାହ୍ନରେ କିଛି କିଛି ସ୍ଥାନରେ ଘଡଘଡି ସହିତ ହାଲୁକା ବର୍ଷା ଲାଗି…
କଟକ (କେନ୍ୟୁଜ୍) : ଜୀବନ ବଞ୍ଚାଇ ଦେଲେ ରମେଶ। କଟକ ରେଳବାଇ ପୋଲିସ୍ କର୍ମଚାରୀଙ୍କ ସାହସିକତା ପାଇଁ ବଞ୍ଚି ଗଲା…
ଭୁବନେଶ୍ୱର: ଚାରିଆଡ଼େ ପରିବର୍ତ୍ତନର ସ୍ୱର । ଓଡ଼ିଶା ରାଜନୀତିରେ ହୋଇଛି ବଡ଼ ପରିବର୍ତ୍ତନ । ଦୀର୍ଘ ୨୪ ବର୍ଷ ଧରି…