ମା’ ଦୁର୍ଗାଙ୍କ ୯ଟି ରୂପ ପୂଜା ଓ ସାଧନା ପାଇଁ ନବରାତ୍ରିର ସମୟ ସବୁଠାରୁ ଶ୍ରେଷ୍ଠ ସମୟ ବୋଲି କୁହାଯାଏ । ନବରାତ୍ରିରେ ଶ୍ରଦ୍ଧାରେ ମା’ଙ୍କ ପୂଜା କରିବା ଦ୍ୱାରା ୪ ପୁରୁଷ (ଧର୍ମ, ଅର୍ଥ, କାମ ଏବଂ ମୋକ୍ଷ)ପ୍ରାପ୍ତି ହୋଇଥାଏ । ଚୈତ୍ର ନବରାତ୍ରିର ତୃତୀୟ ଦିନ ମାତା ଚନ୍ଦ୍ରଘଣ୍ଟାଙ୍କୁ ସମର୍ପିତ କରାଯାଇଥାଏ । ମାତା ଚନ୍ଦ୍ରଘଣ୍ଟାଙ୍କ ସ୍ୱରୂପ ହେଉଛି ଶିବଦୁତି । ଦେବୀ ମାଙ୍କ ମସ୍ତକରେ ଘଣ୍ଟ ଆକାରର ଅର୍ଦ୍ଧଚନ୍ଦ୍ର ରହିଛି । ଏହି କାରଣରୁ ଦେବୀ ମାଙ୍କୁ ଚନ୍ଦ୍ରଘଣ୍ଟା ଦେବୀ କୁହାଯାଇଥାଏ । ଏହି ଦେବୀ ମାଙ୍କ ରଙ୍ଗ ସୁନା ସମାନ ହୋଇଥାଏ । ମାଙ୍କ ଭୟାନକ ଧ୍ୱନିରେ ଅତ୍ୟାଚାରୀ ଦାନବ, ଦୈତ୍ୟ ଆଦି ସମସ୍ତେ ଭୟ କରିଥାନ୍ତି। ଯୁଦ୍ଧ ସମୟରେ ଦେବୀ ଚନ୍ଦ୍ରଘଣ୍ଟା ଘଣ୍ଟ ଧ୍ୱନିରେ ହିଁ ଅସୁରଙ୍କର ବିନାଶ କରିଥିଲେ ।
ଜାଣନ୍ତୁ କିପରି କରିବେ ପୂଜା:
-ବୈଦିକ ଏବଂ ସପ୍ତସତୀ ମନ୍ତ୍ରୀ ଦ୍ୱାରା ମା ଚନ୍ଦ୍ରଘଣ୍ଟାଙ୍କର ପୂଜା କରାଯାଇଥାଏ । ଏଥିରେ ଆବାହନ, ଆସନ, ସ୍ନାନ, ବସ୍ତ୍ର, ସୌଭାଗ୍ୟ ସୂତ୍ର, ଚନ୍ଦନ, ସିନ୍ଦୂର, ହଳଦୀ, ଦୁବ, ପୁଷ୍ପ, ଦୀପ-ଧୂପ, ଫଳ, ପାନ, ଦକ୍ଷିଣା, ଆଳତୀ, ମନ୍ତ୍ର ପୁଷ୍ପାଞ୍ଜଳି ଆଦି ଅର୍ପଣ କରନ୍ତୁ ।
-ମା ଚନ୍ଦ୍ରଘଣ୍ଟାଙ୍କ ଆଶୀର୍ବାଦରୁ ଭକ୍ତର ସମସ୍ତ ପାପ ନଷ୍ଟ ହୋଇଥାଏ ଏବଂ ସମସ୍ତ ବାଧା-ବିଘ୍ନ ଦୂର ହୋଇଥାଏ । ଦେବୀ ମାଙ୍କ ପୂଜା କରିବା ଦ୍ୱାରା ସମସ୍ତ ଦୁଃଖ ଏବଂ ଭୟରୁ ମୁକ୍ତି ମିଳିଥାଏ । ମା ଚନ୍ଦ୍ରଘଣ୍ଟା ନିଜ ଭକ୍ତଙ୍କୁ ଅସୀମ ଶାନ୍ତି ଏବଂ ସୁଖ ପ୍ରଦାନ କରିଥାନ୍ତି ।
ମା ଚନ୍ଦ୍ରଘଣ୍ଟାଙ୍କ ଭୋଗ :
ମା’ ଚନ୍ଦ୍ରଘଣ୍ଟାକୁ କ୍ଷୀର ପ୍ରସ୍ତୁତ ଜିନିଷ ଭୋଗ ଲଗାଯାଏ । ଶାସ୍ତ୍ର ଅନୁସାରେ, ପୂଜା ଦିନ କନ୍ୟାମାନଙ୍କୁ ଖିରି, ହାଲଓ୍ଵା ଏବଂ ସ୍ୱାଦିଷ୍ଟ ମିଠା ଦେବା ଦ୍ୱାରା ମାତା ପ୍ରସନ୍ନ ହୋଇଥାନ୍ତି । ମାନ୍ୟତା ଅନୁସାରେ, ମା’ ଚନ୍ଦ୍ରଘଣ୍ଟାଙ୍କୁ ପ୍ରସାଦ ରୂପେ ଗାଈ କ୍ଷୀରରୁ ପ୍ରସ୍ତୁତ ଭୋଗ ଲଗାଇବା ଦ୍ୱାରା ସମସ୍ତ ବିଘ୍ନ ଏବଂ ବାଧା ଦୂର ହୋଇଥାଏ ।
ପୂଜାରେ ଜପ କରନ୍ତୁ ଏହି ମନ୍ତ୍ର:
ଯା ଦେବୀ ସର୍ବଭୂତେଷୁ ମା ଚନ୍ଦ୍ରଘଣ୍ଟା ରୂପେଣ ସଂସ୍ଥିତା
ନମସ୍ତସୈ ନମସ୍ତସୈ ନମସ୍ତସୈ ନମୋ ନମଃ
ପିଣ୍ଡଜ ପ୍ରବରା ରୁଢ଼ା ଚଣ୍ଡ କୈୟୁର୍ତା
ପ୍ରସାଦଂ ତନୁତେ ମହ୍ୟଙ୍ଗ ଚନ୍ଦ୍ରଘଣ୍ଟେତି ବିଶୃତା
ଓଁ ଚଂ ଚଂ ଚଂ ଚନ୍ଦ୍ରଘଣ୍ଟା ୟୈଃ ଦ୍ରୀ ନମଃ।
ଜମ୍ମୁ କଶ୍ମୀର ଡୋଡାରେ ସେନା କ୍ୟାମ୍ପ ଉପରେ ଆତଙ୍କବାଦୀ ଆକ୍ରମଣ ହୋଇଛି । ଏଥିରେ ୬ ଜଣ ଯବାନ ଆହତ…
ଭୁବନେଶ୍ଵର (କେନ୍ୟୁଜ): ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଥିବା କେନ୍ଦୁଝର ବିଧାୟକ ମୋହନ ମାଝୀଙ୍କ ପାଇଁ ଦୁଃଖଦ ଖବର । ମୁଖ୍ୟମନ୍ତ୍ରୀ…
ଜୟପୁର (କେନ୍ୟୁଜ): ଅମାନୁଷିକତା ଭଳି ଗୋଟିଏ ବସରେ ଟାଇଁ ଟାଇଁ ଖରାରେ ଆସିଲେ ୨୫୦ ଦାଦନ ଶ୍ରମିକ । ରାସ୍ତାରେ…
ସମ୍ବଲପୁର/ ଚାନ୍ଦବାଲି (କେନ୍ୟୁଜ); ସମ୍ବଲପୁରର ପ୍ରସିଦ୍ଧ ଶୀତଳ ଷଷ୍ଠୀ ଯାତ୍ରାର ଆଜି ହେଉଛି ଶେଷ ଦିନ । ଗତକାଲି ବିଳମ୍ବିତ…
ଭୁବନେଶ୍ୱର (କେନ୍ୟୁଜ): ଆଜି ନୂଆ ସରକାରର ଶପଥ ଗ୍ରହଣ ସମାରୋହ। ଅପରାହ୍ଣ ୫ଟାରେ ଶପଥ ନେବେ ନୂଆ ମୁଖ୍ୟମନ୍ତ୍ରୀ ।…
ଭୁବନେଶ୍ୱର (କେନ୍ୟୁଜ): ନୂଆ ବିଜେପି ସରକାରରେ କିଏ ହେବେ ମନ୍ତ୍ରୀ ? କେଉଁ ଜିଲ୍ଲାରୁ କେଉଁ ବିଧାୟକଙ୍କୁ ମିଳିବ ମନ୍ତ୍ରୀ…