ବତକ ମାରାଥନରେ ଦୌଡୁଛି । ବତକ ପରି ଏକ ପକ୍ଷୀ ପୁଣି ମାରାଥନରେ ଭାଗ ନେବ । ଭାବି ପାରୁନାହାନ୍ତି ନା । ପୁଣି ତାକୁ ଲୋକ ମାନେ ଛିଡ଼ା ହୋଇ ଚିୟର କରୁଛନ୍ତି । ପ୍ରକୃତରେ ଏମିତି ଏକ ଦୃଶ୍ୟ ଆମେରିକାରେ ଦେଖିବାକୁ ମିଳିଥିଲା । ଆମେରିକାର ସହର ନ୍ୟୁୟର୍କରେ ୫୦ ତମ ସିଟି ମାରାଥନ ଦୌଡ ଚାଲିଥିଲା । ୨୦୨୦ ମସିହାରେ କୋଭିଡ ମହାମାରୀ କାରଣରୁ ଏହି ମାରାଥନ ହୋଇପାରି ନଥିଲା । ଆଉ ସେଥିପାଇଁ ବୋଧହୁଏ ଚଳିତ ବର୍ଷ ଅନୁଷ୍ଠିତ ହୋଇଥିବା ମାରାଥନକୁ ଦେଖିବା ପାଇଁ ଲୋକଙ୍କ ସୁଅ ଛୁଟିଥିଲା । ଆଉ ଏହି ମାରାଥନ ଚାଲିଥିବା ସମୟରେ ଗୋଟିଏ ଦୃଶ୍ୟ ଉପରେ ଯେମିତି ସମସ୍ତଙ୍କ ନଜର ଅଟକି ରହିଥିଲା । ପ୍ରକୃତରେ ଲୋକଙ୍କ ନଜର ଏକ ବତକ ଉପରେ ହିଁ ଅଟକି ଯାଇଥିଲା । ଅନ୍ୟମାନଙ୍କ ପରି ଏହି ବତକଟି ବି ଲୋକଙ୍କ ସହିତ ମାରାଥନ ରେସରେ ଭାଗ ନେଇଥିଲା । ଦୁଇଟି କୁନି କୁନି ଲାଲ ରଙ୍ଗର ଜୋତା ପିନ୍ଧି ବତକଟି ଏମିତି ଦୌଡୁଥିଲା ଯେ ସମସ୍ତଙ୍କ ନଜର ଯେମିତି ତାରି ଉପରେ ଅଟକି ଯାଇଥିଲା । ହୁଏତ ଏମିତି ଏକ ଘଟଣା ପ୍ରଥମ ଥର ପାଇଁ ଘଟିଛିକି ନ୍ୟୁୟର୍କରେ ଚାଲିଥିବା ଏକ ମାରାଥନ ରେସରେ ଏକ ବତକ ଭାଗ ନେଉଛି । ଅନୁସନ୍ଧାନରୁ ଜଣା ପଡିଥିଲାଯେ ରେସରେ ପାଖାପାଖି ୩୩ ହଜାର ପ୍ରତିଯୋଗୀ ଭାଗ ନେଇଥିବା ବେଳେ ସେମାନଙ୍କ ମଧ୍ୟରେ ଏହି ବତକଟି ଥିଲା ।
Seducktive ନାମକ ଜଣେ ଇନ୍ଷ୍ଟଗ୍ରାମ ଆକାଉଣ୍ଟ ହୋଲଡ଼ର ଏହାକୁ ସେୟାର କରିଥିବା ବେଳେ ବତକ ଟିର ନାଁ “ରିଂକଲ” ବୋଲି ଜଣାଯାଇଛି । ସେ ଏକ ଲାଲ ରଙ୍ଗର ତା କୁନି କୁନି ପାଦ ଆକାରର ଜୋତା ପିନ୍ଧିଥିବାବେଳେ ଖୁବ ଦ୍ରୁତ ଗତିରେ ଅନ୍ୟମାନଙ୍କ ସହ ଦୌଡୁଥିବା ନଜର ଆସୁଛି । ଅନ୍ୟ ରନର୍ସ ମାନଙ୍କ ପରି ରିଂକଲ ବି ତାଳରେ ତାଳ ମିଶାଇ ଦୌଡୁଛି । ଏହି କ୍ୟୁଟ ବତକଟିର ଦୌଡ ଦେଖି ଆଖ ପାଖରେ ଛିଡା ହୋଇଥିବା ଦର୍ଶକ ମାନେ ତାକୁ ଚିୟର କରୁଛନ୍ତି । ଘଟଣା କଣ କି ପ୍ରକୃତରେ ବତକ ଟିର ମାଲିକ ଏହି ମାରାଥନରେ ଭାଗ ନେଇଥିଲେ । ଆଉ ତାଙ୍କରି ସହିତ ହିଁ ବତକଟି ଭାଗ ନେଇଛି । ଆଉ ଏମିତି ଏକ ଅଦ୍ଭୁତ ସିନ ଦେଖି ସମସ୍ତେ ଖୁସି ହୋଇଯାଉଛନ୍ତି ।
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…