କେନ୍ଦ୍ରାପଡ଼ା(କେନ୍ୟୁଜ): ସମୁଦ୍ର ଭିତରେ ଟାପୁ। ଟାପୁରେ ବିଶାଳ କାୟ ଅଟାଳିକା। ତାହା ପୁଣି ୧୮୬୫ ମସିହାରେ ନିର୍ମିତ ହୋଇଛି। ଶୁଣିବାକୁ ଆଶ୍ଚର୍ଯ୍ଯ ଲାଗିଲେ ବି କଥାଟି ସତ। ଏହାକୁ କିପରି କିଏ କେମିତି ନିର୍ମାଣ କରିଲେ, ଏବେ ଏହାର ଅବସ୍ଥା କଣ? ତେବେ ଏହି ଟାପୁର ନା ହୁକିଟୋଲା। ଏହା କେନ୍ଦ୍ରାପଡା ଜିଲ୍ଲାରେ ଅବସ୍ଥିତ।
ଏହି ବିଶାଳ ଅଟାଲିକା ଦେଖିଲେ, ମନ କୁ ଆପେ ଆପେ ଆସିଯାଉଥିବ, ଏହା କେଉଁ ରାଜାଙ୍କର ନଅର। ହେଲେ ତାହା ନୁହେଁ, ଏ ହେଉଛି, ଆମକୁ ଦୁଇଶହ ବର୍ଷ ରୁ ଉର୍ଦ୍ଧ ଶାସନ କରିଥିବା, ସେହି ଫିରିଙ୍ଗି ମାନକ ଦ୍ବାରା ନିର୍ମିତ ହୋଇଥିବା ଗୃହ। କେନ୍ଦ୍ରାପଡ଼ା ଜିଲ୍ଲାକୁ ଲାଗି ବଙ୍ଗୋବସାଗର ର ଏହା ଏକ ଦ୍ଵୀପ, ଯାହାର ନାଆଁ ହୁକିଟୋଲା।ସମୁଦ୍ର ପଥରେ ଦୁଇ ଘଣ୍ଟାର ଜଳଯାତ୍ରା କରିବା ପରେ ଆପଣ ମାନେ ଏହି ଦ୍ଵୀପରେ ପହଂଚି ପାରିବେ, ଓ ପ୍ରକୃତି ର ସୁନ୍ଦର ଲୋଭନୀୟ ଦୃଶ୍ୟକୁ ଉପଭୋଗ କରି ପାରିବେ।
ବ୍ରିଟିଶ ଶାସନ ସମୟରେ ନଅଙ୍କ ଦୃଭିକ୍ଷ ସମୟରେ ଜନସାଧାରଣଙ୍କୁ ଖାଦ୍ୟ ଯୋଗାଇବା ଓ ଅନ୍ୟାନ୍ୟ ସୁବିଧା ପାଇଁ ଏକ ଦ୍ଵୀପରେ ବ୍ରିଟିଶ ମାନେ ବିଶାଳ ଅଟାଳିକା ନିର୍ମିତ କରିଥିଲେ। ଏହା ୧୮୬୫-୬୬ ମଧ୍ୟରେ ନିର୍ମିତ ହୋଇଥିଲା। ତତ୍କାଳୀନ ଜଳସେଚନ ବିଭାଗ ମୁଖ୍ୟ ଯନ୍ତ୍ରୀ ହୋକି ୱାଲକରଙ୍କ ତତ୍ତ୍ଵାବଧାନରେ ଏହି ଗୃହ ନିର୍ମିତ ହୋଇଥିବାରୁ ଏହାର ନାମ ହୁକିଟୋଲା ରଖାଯାଇଛି। ଏହି ଅଟାଲିକ ୟୁରୋପୀୟ ରେନେସା ସ୍ଥାପତ୍ୟ ଶୈଳୀ ଭଳି ନିର୍ମିତ ହୋଇଛି। ଏଥିରେ ଛ ଗୋଟି ବଡ଼ ପ୍ରକୋଷ୍ଠ ଓ ତିନୋଟି ଛୋଟ୍ ପ୍ରକୋଷ୍ଠ ରହିଛି ।
ସମୁଦ୍ର ଭିତରେ ଏହି ଟାପୁ ଭିତରେ ରହିଛି ବିଶାଳ ଆଟାଳିକା। ଏହି ଗୃହ କୁ ଘେରି ରହିଛି ଅନେକ ପ୍ରକାରର ହେନ୍ତାଳ ବୃକ୍ଷ, ପଶୁ ପକ୍ଷୀ। ଏହି ଟାପୁ ଦେଇ ପ୍ରତିଦିନ ସହ ସହ ମତ୍ସ୍ୟଜୀବୀ ମାନେ ମାଛ ଧରିବା ପାଇଁ ସମୁଦ୍ରକୁ ଯାଇଥାନ୍ତି। ଥରେ ସୁନ୍ଦର ଫୁଲ ପରି ଦିଶୁଥିବା ଏହି ଜେଲି ମାଛକୁ, ଯିଏ ଦେଖିବ ସିଏ ଘଡ଼ିଏ ଅଟକି ଯିବ। ୨୦୧୬ ମସିହା ମଧ୍ୟରେ ଜଙ୍ଗଲ ଓ ପରିବେଶ ବିଭାଗ ,ଓଡ଼ିଶା ସରକାର ଙ୍କ ବନ୍ୟପ୍ରାଣୀ ବନଖଣ୍ଡଙ୍କ ଆମନ୍ତ୍ରଣ କ୍ରମେ ଏହି ଅଟାଳିକାର ସଂରକ୍ଷଣ ଦାୟିତ୍ଵ ଭାରତୀୟ କଳା ଓ ସାସ୍କୃତିକ ଏତିହ୍ୟ ନ୍ୟାସ କୁ ନ୍ୟସ୍ତ କରାଯାଇଥିଲା। ଆଈ .ସି.ଜେଡ.ଏମ.ପି. ସହଯୋଗରେ ଏହି ଅଟାଳିକାର ସଂରକ୍ଷଣ କରାଯାଇଛି। ଏହି ଅଟାଳିକା ର ସାମ୍ନାରେ ଏକ କୂଅ ରହିଛି। ସମୁଦ୍ର ପାଣି ଠାରୁ ମାତ୍ର ୧୦ ହାତ ଦୂର କିନ୍ତୁ ଏହା ମିଠା ପାଣି। ଏବେ ଏଠାରେ ବଣଭୋଜି ପାଇ ଛୋଟ ଛୋଟ ସେଡ ତିଆରି ହୋଇଛି। କିନ୍ତୁ କିଛି ଲୋକ ବଣ ଭୋଜି ପାଇ ଯିବା ବେଳେ ବୋଟରେ ଡିଜେ ସାଉଣ୍ଡ ବଜାଇ ଯାଉଛନ୍ତି। ନିଶା ପାନ କରୁଛନ୍ତି। ଯାହା ଜୀବଜନ୍ତୁ ଙ୍କୁ ଅସୁବିଧାରେ ପକାଉଥିବା ଖବର ମିଳିଛି।
ମେଣ୍ଟାଲ ହେଲଥ୍ ଏବଂ ଇମୋସନ୍ ପାଇଁ ବ୍ରେକଅପ୍ ଭଲ ହୋଇନଥାଏ । ଏହା ଅନେକ ଲୋକଙ୍କ ପାଇଁ ଜୀବନର ସବୁଠାରୁ…
ଆମ୍ବର ଦାମ ଅଢେଇ ଲକ୍ଷ ଟଙ୍କା । ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ବି ଏହା ସମ୍ପୂର୍ଣ୍ଣ ସତ । ଏକ…
କୋଚିନ ସିପୟାର୍ଡ ଲିମିଟେଡ ତରଫରୁ ଭର୍ତ୍ତି ପାଇଁ ନୋଟିଫିକେସନ ଜାରି ହୋଇଛି । ଏହା ଅନୁଯାୟୀ ୩୦ରୁ ଅଧିକ ପଦବୀରେ…
ଭୁବନେଶ୍ୱର (କେନ୍ୟୁଜ): ରାଜଧାନୀରେ ସିରିଜ୍ ଦୁର୍ଘଟଣା । ଭୁବନେଶ୍ବର ସତସଙ୍ଗ ବିହାର ନିକଟରେ ଘଟିଛି ଏହି ଦୁର୍ଘଟଣା । ପ୍ରଥମେ…
ଟି-୨୦ ବିଶ୍ବକପ ମହାକୁମ୍ଭ ଆରମ୍ଭ ହୋଇଛି । ପ୍ରଥମ ମ୍ୟାଚରେ ମୁହାଁମୁହିଁ ହୋଇଥିଲେ ଆମେରିକା ଓ କାନାଡା । ଏହି…
ନରସିଂହପୁର(କେନ୍ୟୁଜ୍): ପରକୀୟା ପ୍ରୀତିକୁ ନେଇ ଥାନାରେ ଆସି ମାମଲା । ଏଭଳି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ନରସିଂହପୁର…