ଆର୍ଜେଣ୍ଟିନା: ଏକାଠି ହେଲେ ଶହ ଶହ ସ୍ପାଇଡର୍ମ୍ୟାନ୍ । ଏମାନଙ୍କୁ ଦେଖିବାକୁ ଜମିଥିଲା ପ୍ରବଳ ଭିଡ । ସଭିଏଁ ଉଠାଉଥିଲେ ଫଟୋ । ଆର୍ଜେଣ୍ଟିନାର ରାଜଧାନୀ ବୁଏନସ୍ ଆଇରିସ୍ର ସହସ୍ରାଧିକ ଅଧିବାସୀ ଏହି ବେଶରେ ନଜର ଆସିଥିଲେ । ତେବେ ଗତ ରବିବାର ବିଶ୍ୱ ପ୍ରସିଦ୍ଧ ମାର୍ଭେଲ୍ ସୁପରହିରୋ ସ୍ପାଇଡର୍ମ୍ୟାନ୍ ପୋଷାକ ପିନ୍ଧିଥିଲେ ।
ସୂଚନା ଥାଉକି, ଏମାନେ ଏହି ରୂପ ଧରି ଏକ ବିଶ୍ୱ ରେକର୍ଡ ଭାଙ୍ଗିବାର ଉଦ୍ୟମ କରିଥିଲେ। ସୋସିଆଲ୍ ମିଡିଆ ପ୍ଳାଟଫର୍ମ ‘ଇନ୍ଷ୍ଟାଗ୍ରାମ୍’ ଜରିଆରେ ଆର୍ଜେଣ୍ଟିନୀୟ ଇନ୍ଫ୍ଲୁଏନ୍ସର ଉକି ଡିଏନ୍ ଏହି ସମାରୋହର ଆୟୋଜନ କରିଥିଲେ ।
ସହରର ଏକ ପ୍ରସିଦ୍ଧ ସ୍ମୃତିସ୍ତମ୍ଭ ନିକଟରେ ୭୦୦ ଜଣ ସ୍ପାଇଡର୍ମ୍ୟାନଙ୍କୁ ଏକାଠି କରିବାର ଲକ୍ଷ୍ୟ ରଖାଯାଇଥିଲା । କିନ୍ତୁ ହଜାରେରୁ ଅଧିକ ସ୍ପାଇଡରମ୍ୟାନ୍ ଏକାଠି ହୋଇଥିଲେ । ଏମାନେ ଚିପା ନୀଳ ରଙ୍ଗର ପୋଷାକ ଓ ଲାଲ ମୁଖା ପିନ୍ଧି ଥିଲେ ଏବଂ ଗୀତ ଗାଇ, ତାଳି ବଜାଇ ପରସ୍ପରଙ୍କୁ ଉତ୍ସାହିତ କରିଥିଲେ ।
ସୂଚନା ଥାଉକି, ଏହା ପୂର୍ବରୁ ଜୁନ୍ ମାସ ୩ ତାରିଖରେ ମାଲେସିଆରେ ସୋନି ପିକ୍ଚର୍ସ ଏଣ୍ଟରଟେନ୍ମେଣ୍ଟ ଦ୍ୱାରା ଆୟୋଜିତ ସମାରୋହରେ ୬୮୫ ଜଣ ‘ସ୍ପାଇଡର୍ମ୍ୟାନ୍ ପୋଷାକରେ ସର୍ବାଧିକ ଲୋକଙ୍କ ସମାଗମ’ର ଗିନିସ୍ ବିଶ୍ୱ ରେକର୍ଡ ସ୍ଥାପନ କରିଥିଲେ ।
ବୁଏନସ୍ ଆଇରିସ୍ର ଆୟୋଜକମାନେ ଏକ ହଜାରରୁ ଅଧିକ ଲୋକଙ୍କର ଫଟୋ ଓ ଦସ୍ତଖତ ସଂଗ୍ରହ କରି ଗିନିସ୍ ବୁକ୍ ପାଖକୁ ନୂଆ ରେକର୍ଡ ପଞ୍ଜୀକରଣ ପାଇଁ ପଠାଇଛନ୍ତି । ତେବେ ଦେଖାଯାଉ ଏମାନେ ବିଶ୍ୱ ରେକର୍ଡ କରିପାରୁଛନ୍ତି କି ନାହିଁ ।
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…