photo: instagram
ସୋସିଆଲ୍ ମିଡିଆ ଏକ ଖୁବ ଅଦ୍ଭୁତ ଜିନିଷ । ଏଠାରେ ପ୍ରତ୍ୟକ ଦିନ କିଛି ନା କିଛି ନୂଆ ଜିନିଷ ସାମ୍ନାକୁ ଆସିଥାଏ । ଇନଷ୍ଟାଗ୍ରାମ ହେଉ କିମ୍ବା ଫେସବୁକ୍-ଟ୍ୱିଟର, ଏସବୁ ଏପରି ଏକ ଭଣ୍ଡାର ଯେଉଁଠାରେ ଅନେକ ସୁନ୍ଦର ଚିତ୍ର ଏବଂ ଆଶ୍ଚର୍ଯ୍ୟଜନକ ଭିଡିଓ ଦେଖିବାକୁ ମିଳିଥାଏ । ଉଚ୍ଚ ପର୍ବତ, ନୀଳ ସମୁଦ୍ର, କଳାକାରମାନଙ୍କ ଦ୍ୱାରା ନିର୍ମିତ ଜିନିଷ ଆହୁରି କେତେ କ’ଣ – ଏଠାରେ ଅନେକ ପ୍ରକାରର ଦର୍ଶନୀୟ ସ୍ଥାନ ମଧ୍ୟ ଦେଖିବାକୁ ମିଳିଥାଏ, ଯାହା ଦେଖି ସାରା ବିଶ୍ୱରେ କ’ଣ ହେଉଛି ଅର୍ଥାତ କ’ଣ ସବୁ ରହିଛି ତାହା ଲୋକମାନେ ଦେଖିପାରୁଛନ୍ତି ।
ଏହି ମଧ୍ୟରେ ଜାପାନ ସମୁଦ୍ର କୂଳରେ ଆଉ ଏକ ଚମତ୍କାର ଦୃଶ୍ୟ ଦେଖିବାକୁ ମିଳିଛି । ବରଫ, ବାଲି ଏବଂ ସମୁଦ୍ର ଏକତ୍ର ମିଶି ଏପରି ଏକ ଦୃଶ୍ୟ ସୃଷ୍ଟି କରିଛନ୍ତି ଯେ ଯାହା ଦେଖିଲେ ସମସ୍ତଙ୍କ ହୃଦୟ ଖୁସିରେ ଭରି ଉଠିବ । ଜାପାନର ଫଟୋଗ୍ରାଫର ହିସା ସେଠାକାର ପଶ୍ଚିମ ଉପକୂଳରେ ଏକ ଚମତ୍କାର ଫଟୋ ଉଠାଇଛନ୍ତି । ଚିତ୍ରର ଗୋଟିଏ ପାର୍ଶ୍ୱରେ ବରଫର ଧଳା ଚାଦର ରହିଛି, ଅନ୍ୟ ପଟେ ଏକ ବୃହତ ନୀଳ ମହାସାଗର ବିସ୍ତାର ହୋଇରହିଛି । ଏହି ମଧ୍ୟରେ ଜଣେ ବ୍ୟକ୍ତି ସମୁଦ୍ର କୂଳରେ ଏକୁଟିଆ ବୁଲୁଛନ୍ତି । ବାହା! କି ଦୃଶ୍ୟ, ଲାଗୁଛି ଯେପରି ବରଫ ଏବଂ ସମୁଦ୍ର ପରସ୍ପରକୁ ଭେଟୁଛନ୍ତି ।
ଏହି ଫଟୋ ଦେଖିବା ପରେ ୟୁଜର୍ସ ଫଟୋଗ୍ରାଫର ହିସାଙ୍କର ମଧ୍ୟ ଖୁବ ପ୍ରଶଂସା କରୁଛନ୍ତି । ଏହି ଆଶ୍ଚର୍ଯ୍ୟଜନକ ଫଟୋ ବର୍ତ୍ତମାନ ସୋସିଆଲ ମିଡିଆରେ ହଇଚଇ ସୃଷ୍ଟି କରୁଛି । ଏହି ଫଟୋ ଇନଷ୍ଟାଗ୍ରାମ ପେଜ “wealth”ରେ ପୋଷ୍ଟ କରାଯାଇଛି ଯେଉଁଥିରେ କ୍ୟାପ୍ସନରେ ଲେଖା ଅଛି, ଜାପାନର ହକ୍କାଇଡୋ ବିଚ୍ ହେଉଛି ପୃଥିବୀର ଅନ୍ୟତମ ସୁନ୍ଦର ସ୍ଥାନ, ଯେଉଁଠାରେ ସମୁଦ୍ର, ବାଲି ଏବଂ ବରଫ ମିଳିତ ହୁଏ । ଏହି ଫଟୋକୁ ଲକ୍ଷ ଲକ୍ଷ ଲୋକ ଲାଇକ କରିଛନ୍ତି ।
ଏହି ଫଟୋକୁ ବର୍ତ୍ତମାନ ପର୍ଯ୍ୟନ୍ତ ୭ ଲକ୍ଷରୁ ଅଧିକ ଲୋକ ଲାଇକ କରିଛନ୍ତି ଏବଂ ଲୋକମାନେ ଏହି ଫଟୋରେ ବିଭିନ୍ନ ପ୍ରକାରର ମନ୍ତବ୍ୟ ମଧ୍ୟ ଦେଉଛନ୍ତି । ଏହି ଫଟୋରେ ଲୋକଙ୍କଠାରୁ ଅନେକ ଆଶ୍ଚର୍ଯ୍ୟଜନକ କମେଣ୍ଟ ଆସୁଛି । ଜଣେ ବ୍ୟକ୍ତି ଲେଖିଛନ୍ତି, ଏହା ମୁଁ ଦେଖିଥିବା ସବୁଠାରୁ ଆଶ୍ଚର୍ଯ୍ୟଜନକ ଏବଂ ସୁନ୍ଦର ଚିତ୍ର ମଧ୍ୟରୁ ଗୋଟିଏ । ଅନ୍ୟ ଜଣେ ଏହି ଦୃଶ୍ୟକୁ ଏତେ ଅନନ୍ୟ ଦେଖିଲେ ଯେ ସେ ଲେଖିଛନ୍ତି, “ଅଧିକାଂଶ ବେଳାଭୂମିରେ ଏଭଳି ତୁଷାରପାତ ହୁଏ ନାହିଁ କିନ୍ତୁ ଏହା ଅଦ୍ଭୁତ ।” ଏବେ ଏହି ସ୍ଥାନର ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ଭୁବନେଶ୍ୱର (କେନ୍ୟୁଜ): ଆଗାମୀ ୩ ରୁ ୪ ଦିନ ମଧ୍ୟରେ ଓଡ଼ିଶାର ସବୁ ଜିଲ୍ଲାକୁ ଛୁଇଁବ ମୌସୁମୀ । ସୁନ୍ଦରଗଡ଼…
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୦ ଟଙ୍କା ୯୨ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…
ଟି-ଟ୍ବେଣ୍ଟି ବିଶ୍ବକପ୍ ରେ ବାଂଲାଦେଶକୁ ହରାଇ ସୁପର-୮ରେ ଭାରତର କ୍ରମାଗତ ବିଜୟ । ବାଂଲାଦେଶକୁ ୫୦ ରନରେ ପରାସ୍ତ କରି…
ଆଜି ସ୍ଥିର ରହିଛି ସୁନା-ରୂପା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି ତେବେ…
ବାରିପଦା (କେନ୍ୟୁଜ): ବାରିପଦା ଘରୋଇ ବସଷ୍ଟାଣ୍ଡରେ ହଣାକଟା ଘଟଣାରେ ପୋଲିସର ଆକ୍ସନ । ଦୁଇଟି ପୃଥକ ପୃଥକ ମାମଲା ରୁଜୁ…
ବାଲେଶ୍ବର (କେନ୍ୟୁଜ): ବାଲେଶ୍ବରରେ ସ୍ବାଭାବିକ ହେଉଛି ସ୍ଥିତି । ପୌରପାଳିକାର ବିଭିନ୍ନ ଅଞ୍ଚଳରେ କୋହଳ ହେଉଛି କର୍ଫ୍ୟୁ । ଆଜି…