ସ୍ପେଶାଲ

ରିଲ୍ସ କରୁଛନ୍ତି କି ? ଯଦି ଆପଣ ରିଲ୍ସ କରିବାକୁ ପସନ୍ଦ କରୁଥିବେ, ଥରେ ପଢ଼ନ୍ତୁ…

ବର୍ତ୍ତମାନ ଯେଉଁଠି ଦେଖିବ ସେଇଠି ରିଲ୍ସର କ୍ରେଜ୍‌ ଦେଖିବାକୁ ମିଳିିଛି । ରିଲ୍ସ ନିଶାରେ ବାଇୟା ହେଉଛନ୍ତି ଆଜିକାଲିର ଯୁବପିଢ଼ି । ରିଲ୍ସ କରିବା ପାଇଁ କିଛି ବି କରିବାକୁ ପଛାଉନାହାଁନ୍ତି ଏଇ ପିଲାମାନେ । ଟିକିଏ, ଫେମସ୍‌ ହେବା ପାଇଁ ନିଜ ଜୀବନକୁ ବି ଖାତିର୍‌ କରୁନାହାଁନ୍ତି । ସବୁବେଳେ ତାଙ୍କର ଗୋଟାଏ ଫୋକସ୍‌ ରିଲ୍ସ କରି ଭାଇରାଲ ହେବେ । ଆଉ ସୋସିଆଲ ମିଡିଆର ଆଇକନ୍‌ ବନିବେ । ତେବେ ଏହି ସୋସିଆଲ ମିଡିଆରେ ଭାଇରାଲ୍‌ ହେଉଥିବା ଭିଡିଓ ଅନେକ କିଛି ଶିକ୍ଷଣୀୟ ହୋଇଥିବା ବେଳେ ଆଉ କିଛି ଲୋକଙ୍କ ହୃଦୟକୁ ଛୁଇଁଥାଏ ସେହିପରି ଅନ୍ୟ କିଛି ଭିଡିଓ ଆମକୁ ଆଶ୍ଚର୍ଯ୍ୟ ମଧ୍ୟ କରିଥାଏ । କିନ୍ତୁ ଏହି ରିଲ୍ସ ବେଳେ ବେଳେ ଆମ କେତେ ଘାତକ ହୋଇପାରେ ତାହା ଆପଣ ସ୍ୱପ୍ନରେ ବି ସୁଦ୍ଧା ଭାବିପାରିବେନି । ନିକଟରେ ଏହି ରିଲ୍ସକୁ ନେଇ ଏଭଳି ଏକ ଘଟଣା ସାମ୍ନାକୁ ଆସିଛି ଯାହା ଆପଣ ଆଖିରେ ନ ଦେଖିଲେ ବିଶ୍ୱାସ କରିବା ଅସମ୍ଭବ ହେବ ।

ସୋସିଆଲ ମିଡିଆରେ ଷ୍ଟାର ହେବା ନେଇ ବାଟବଣା ହୋଇଯାଉଛନ୍ତି ଯୁବପିଢ଼ି । କିଛି ସମୟ ମଧ୍ୟରେ ଲାଇକ୍‌ ଫଲୋଅର୍ସ ପାଇବା ନିଶାରେ କିଛି ବି କରିବାକୁ ପ୍ରସ୍ତୁତ ହୋଇଯାଉଛନ୍ତି । ଏବେ ରିଲ୍ସ ଚକ୍କରରେ ଏପରି ଏକ ଘଟଣା ଘଟିିଛି ଯାହାକୁ ଶୁଣିଲେ ଆପଣ ଯଦି ରିଲ୍ସ କରୁଥିବେ ଏହା କରିବା ପୂର୍ବରୁ ଶହେ ଥର ଭାବିବେ । ହଁ ଆଜ୍ଞା, ଜଣେ ଯୁବକଙ୍କ ପାଇଁ ଏହି ରିଲ୍ସ ନିଶା କାଳ ପାଲଟିଲା । ଇନଷ୍ଟାଗ୍ରାମ ରିଲ୍ସ କରିବାକୁ ଯାଇ ଜଣେ ଯୁବକ ୧୦୦ ଫୁଟ ଉଚ୍ଚରୁ ପାଣିକୁ ଡେଇଁଛନ୍ତି । କିନ୍ତୁ ପାଣିରେ ପଡ଼ିବା ପରେ ମାତ୍ର କିଛି ସମୟ ପହଁରି ନିୟନ୍ତ୍ରଣ ହରାଇଥିଲେ ପରେ ଅକାତ ପାଣିରେ ବୁଡ଼ିଯାଇଥିଲେ । କିଛି ସମୟ ପରେ ପାଣି ଭିତରୁ ତାଙ୍କ ମୃତଦେହ ଉଦ୍ଧାର ହୋଇଥିଲା । ଏଭଳି ଘଟଣା ଗତକାଲି ସନ୍ଧ୍ୟାରେ ଘଟିଛି । ଝାଡ଼ଖଣ୍ଡ ସାହିବଗଞ୍ଜ ଜିଲ୍ଲାରେ ଏଭଳି କାଣ୍ଡ ଘଟିଥିବାର ଭିଡିଓ ସାମ୍ନାକୁ ଆସିଛି ।

ମୃତ ଯୁବକଙ୍କ ନାଁ ତଉସିଫ । ତାଙ୍କ ବୟସ ୧୮ ବର୍ଷ । ସେ ରିଲ୍ସ ସୁଟିଂ ପାଇଁ ୧୦୦ ଫୁଟ ଉଚ୍ଚରୁ ଏକ ଜଳାଶୟକୁ ଲମ୍ଫ ମାରିଥିଲେ । ଆପଣ ଏହି ଦୃଶ୍ୟରେ ଦେଖିପାରୁଥିବେ ପାଣିକୁ କିପରି ଡେଉଁଛନ୍ତି । ଜଳାଶୟରେ କିଛି ସମୟ ପାଇଁ ପହଁରିବା ପରେ ଦୁର୍ଭାଗ୍ୟବଶତଃ ବୁଡ଼ି ଯାଇଥିଲେ । ଯାହା ରିଲ୍ସ ହେଉଥିବା ମୋବାଇଲ କ୍ୟାମେରାରେ କଏଦ ହୋଇଥିଲା । କ୍ଷଣକେ ରିଲ୍ସ କରିଥିବା ତଉସିଫ ସବୁଦିନ ପାଇଁ ଆଖି ବୁଜିଥିଲେ ।

ସେହି ସମୟରେ ତାଙ୍କ ସାଙ୍ଗମାନେ ଜଳାଶୟରେ ଗାଧୋଉଥିଲେ । ତାଙ୍କୁ ଖୋଜିଥିଲେ ବି ପାଇ ନଥିଲେ । ପରେ ସ୍ଥାନୀୟ ପୋଲିସକୁ ସୂଚନା ଦେଇଥିଲେ । ଖୋଜାଖୋଜି ପରେ ପାଣି ଭିତରୁ ତାଙ୍କ ମୃତଦେହ ଉଦ୍ଧାର ହୋଇଥିଲା । ବର୍ତ୍ତମାନ ଏହି ଘଟଣା ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେଉଛି । ଏନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଥିବା ବେଳେ ପୁଅର ଏପରି ମୃତ୍ୟୁ ପରେ ପରିବାର ଲୋକେ ଦୁଃଖରେ ସମ୍ପୂର୍ଣ୍ଣ ଭାଙ୍ଗି ପଡ଼ିଛନ୍ତି ।

ତେବେ ଆମେ ଏତିକି କହିପାରିବୁ ଯେ, ନିଜ ଖୁସି ପାଇଁ ରିଲ୍ସ କରନ୍ତୁ ମନା ନାହିଁ ଆଜ୍ଞା, ହେଲେ ରିଲ୍ସ କରିବା ଚକ୍କରରେ ଏପରି ନିଜ ଜୀବନକୁ ବିପଦରେ ପକାଇବା ଆଦୌ ଉଚିତ୍‌ କଥା ନୁହେଁ । ଯଦି ଆପଣ ରିଲ୍ସ ପ୍ରେମୀ ରିଲ୍ସ କରିବାକୁ ପସନ୍ଦ କରୁଛନ୍ତି ତେବେ ହୋଇଯାଆନ୍ତୁ ସାବଧାନ୍‌ । ଆଉ ଏଭଳି ରିଲ୍ସ କରିବାଠାରୁ ଦୂରରେ ରୁହନ୍ତୁ । ତେବେ ଯାଇ ଏଭଳି ଦୁଃଖଦ ଘଟଣା ଘଟିବା ପୂର୍ବରୁ ଅଟକାଇ ହେବ ଏବଂ ଜୀବନ ମଧ୍ୟ ବଞ୍ଚିଯିବ । ଫଳରେ ପରିବାର ଲୋକଙ୍କର ଆପଣଙ୍କୁ ହରାଇବାର ଦୁଃଖ ରହିବନି ।

Sasmita

Recent Posts

ଶେଷ ରଜରେ କିଣି ଆଣନ୍ତୁ ସୁନା, ଜାଣନ୍ତୁ କେତେ ରହିଛି ଦର

କେନ୍ୟୁଜ (ବ୍ୟୁରୋ) : ସୁନା କିଣିବାକୁ ଚାହୁଁଥିଲେ ପ୍ରଥମେ ଜାଣନ୍ତୁ ଦାମ୍ । ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନା…

38 mins ago

ନିର୍ବାଚନ ଜିତିବା ପରେ ପ୍ରଥମ ଥର ପାଇଁ ସମ୍ବଲପୁର ଯାଇ ମା ସମଲେଶ୍ୱରୀଙ୍କୁ ଦର୍ଶନ କଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ସମ୍ବଲପୁର(କେନ୍ୟୁଜ): ନିର୍ବାଚନ ଜିତିବା ପରେ ପ୍ରଥମ ଥର ପାଇଁ ସମ୍ବଲପୁର ଗସ୍ତ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମା…

46 mins ago

ଆଗକୁ ବଢୁଛି ଦକ୍ଷିଣ ପଶ୍ଚିମ ମୌସୁମୀ ବାୟୁ: ଆସନ୍ତା ୩ରୁ ୪ଦିନ ମଧ୍ୟରେ କିଛି ଅଞ୍ଚଳକୁ ଅଗ୍ରସର ହେବାର ସମ୍ଭାବନା

ଭୁବନେଶ୍ୱର (କେନ୍ୟୁଜ):  ଆଗକୁ ବଢୁଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଆସନ୍ତା ୩ରୁ ୪ଦିନ ମଧ୍ୟରେ କିଛି ଅଞ୍ଚଳକୁ…

53 mins ago

ରାଜଧାନୀ ଦିଲ୍ଲୀରେ ପାଣି ପାଇଁ ହାହାକାର: ପାଇପରେ ଆସୁନି ପାଣି, ଟ୍ୟାଙ୍କର ଉପରେ ଭରସା

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପାଣି ପାଇଁ ହାହାକାର । ଅଧିକାଂଶ ସ୍ଥାନରେ ଜଳ ସଂକଟର ବିକଳ ଚିତ୍ର । ପାଇପରେ…

1 hour ago

ଆଜି ଶେଷ ରଜ: ପିଠା, ମିଠାରେ ବାସୁଛି ପ୍ରତିଟି ଘର

କେନ୍ୟୁଜ: ଗାଁ ଦାଣ୍ଡରେ ରଜର ମହମହ ବାସ୍ନା । ଆଜି ଶେଷ ରଜ । ୩ ଦିନିଆ ରଜ ଉତ୍ସବର…

1 hour ago

ଆଜିର ରାଶିଫଳ : ଜାଣନ୍ତୁ ଆଜି କେଉଁ ରାଶିର ଲୋକଙ୍କ ପାଇଁ କିପରି କଟିବ ଦିନ

ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…

9 hours ago