ସ୍ପେଶାଲ

ନବାବଙ୍କ ଅଜବ ସଉକ, ନିଜ ପସନ୍ଦର କୁକୁରର ବିବାହରେ ଖର୍ଚ୍ଚ କରିଥିଲେ ୯ ଲକ୍ଷ ଟଙ୍କା ! ଭୋଜି ଖାଇଥିଲେ ଦେଢ଼ ଲକ୍ଷ ଅତିଥି

୧୫ ଅଗଷ୍ଟ, ୧୯୪୭ରେ ଯେତେବେଳେ ଦେଶ ସ୍ଵାଧୀନ ହୋଇଥିଲା, ସେତେବେଳେ ସବୁଆଡ଼େ ଖୁସିର ଲହରୀ ଥିଲା। ଲୋକେ ନାଚ, ଗୀତ କରୁଥିଲେ। ଉତ୍ସବ ମନାଉଥିଲେ। କିନ୍ତୁ ସରକାରଙ୍କ ସାମ୍ନାରେ ସବୁଠାରୁ ବଡ଼ ଏକ ଚ୍ୟାଲେଞ୍ଜ ଥିଲା। ତାହା ହେଉଛି, ଭାରତରେ ସ୍ୱଦେଶୀ ବସତି ସ୍ଥାପନ। ସେତେବେଳେ ସ୍ୱାଧୀନ ଭାରତର ପ୍ରଥମ ଗୃହମନ୍ତ୍ରୀ ଥିଲେ ସର୍ଦାର ବଲ୍ଲଭଭାଇ ପଟେଲ। ତେଣୁ ତାଙ୍କ କାନ୍ଧ ଉପରେ ଛୋଟ ବଡ଼ ମୋଟ ୫୬୫ ରାଜୋଚିତ ରାଜ୍ୟକୁ ଭାରତରେ ମିଶାଇବାର ଦାୟିତ୍ୱ ରହିଥିଲା। ସର୍ଦାର ପଟେଲ ନିଜ ସଚିବ ବିପି ମେନନଙ୍କ ସହିତ ଏହି କାମରେ ଲାଗିଗଲେ।

ନବାଵ ଭାରତରେ ମିଶିବାକୁ ମନା କରିଦେଲେ: ବିପି ମେନନ ଜଣେ ଟାଣୁଆ ଅଫିସର ଭାବେ ଗଣାଯାଉଥିଲେ। ପ୍ରକ୍ରିୟା ଆରମ୍ଭ ହେବା କ୍ଷଣି ଅଧିକ ରାଜ୍ୟ ଭାରତରେ ମିଶିବା କଥାକୁ ସ୍ୱୀକାର କରିନେଇଥିଲେ। କିନ୍ତୁ ୩ ରାଜୋଚିତ ରାଜ୍ୟର ପ୍ରମୁଖ ମନା କରିଦେଇଥିଲେ। ବିଖ୍ୟାତ ଐତିହାସିକ ରାମଚନ୍ଦ୍ର ଗୁହାଙ୍କ ମୁତାବକ, କଶ୍ମୀର, ହାଇଦ୍ରାବାଦ ଓ ଜୁନାଗଡ଼ ଏଥିରେ ସାମିଲ ଥିଲେ। ଏହି ରାଜୋଚିତ ରାଜ୍ୟର ପ୍ରମୁଖମାନେ ଜିଦଖୋର ପ୍ରକୃତିର ଥିଲେ। ଜୁନାଗଡ଼ର ନବାବ ମହମ୍ମଦ ମହାବତ ଖାନଜି ତୃତୀୟ ଭାରତରେ ମିଶିବାକୁ ସଫା ସଫା ମନା କରିଦେଇଥିଲେ।

କୁକୁର ପାଳିବାର ସୌଖୀନ ଥିଲେ ନବାବ:

ଜୁନାଗଡ଼ର ନବାବ ମହମ୍ମଦ ମହାବତ କୁକୁର ପାଳିବାର ସଉକ ରଖିଥିଲେ। ତାଙ୍କ ପସନ୍ଦର କୁକୁରମାନେ ଯେଉଁଠି ରହୁଥିଲେ, ସେଠି ବିଦ୍ୟୁତ ଏବଂ ଫୋନର ସୁବିଧା ଥିଲା। ଏହାସହିତ ୨୪ ଘଣ୍ଟା ଚାକରମାନେ ମଧ୍ୟ ଉପସ୍ଥିତ ରହୁଥିଲେ। ଯଦି କେଉଁ କୁକୁର ମରିଯାଉଥିଲା, ତେବେ ତାକୁ ପୁରା ନୀତି ନିୟମର ସହ କବରସ୍ଥାନରେ ପୋତି ଦିଆଯାଉଥିଲା। ଶବ ଯାତ୍ରା ସମୟରେ ଶୋକ ସଙ୍ଗୀତ ମଧ୍ୟ ବାଜୁଥିଲା ଏବଂ ଧଳା ମାର୍ବଲ ପଥରରେ କବର ତିଆରି କରାଯାଉଥିଲା।

କୁକୁରର ବିବାହରେ ଦେଢ଼ ଲକ୍ଷ ଅତିଥି ଖାଇଥିଲେ ନୈଶ୍ୟ ଭୋଜି:

ବିଖ୍ୟାତ ଐତିହାସିକ ଡୋମିନିକ ଲୋପିୟର ଓ ଲୋରୀ କାଲିନ୍ସ ନିଜ ପୁସ୍ତକ ‘Freedom at midnight’ ରେ ମହାବତ ଖାନଙ୍କ ଏହି ସଉକ ବିଷୟରେ ଉଲ୍ଲେଖ କରିଛନ୍ତି। ସେମାନେ ଲେଖିଛନ୍ତି, ଥରେ ମହାବତ ଖାନ ଏକ କୁକୁରର ବିବାହ ବଡ଼ ଧୁମଧାମରେ କରିଥିଲେ। ଏହି ବିବାହ ପାଇଁ ଭାରତର ବଡ଼ ବଡ଼ ରାଜା ମହାରାଜା, ଅମିର ଲୋକଙ୍କ ପାଖକୁ ନିମନ୍ତ୍ରଣ ପଠାଯାଇଥିଲା। କିନ୍ତୁ ସମସ୍ତେ ଆସିବା ପାଇଁ ମନା କରିଦେଇଥିଲେ। ତେବେ ଲୋପିୟର ଓ ଲୋରୀ କାଲିନ୍ସଙ୍କ କହିବା ମୁତାବକ, ଏହି ବିବାହରେ ପାଖାପାଖି ଦେଢ଼ ଲକ୍ଷ ଲୋକ ସାମିଲ ହୋଇଥିଲେ।

ଖର୍ଚ୍ଚ ହୋଇଥିଲା ୯ ଲକ୍ଷ ଟଙ୍କା:

ଐତିହାସିକଙ୍କ ମୁତାବକ, ସେତେବେଳେ ଜୁନାଗଡ଼ର ଏହି ନବାବ କୁକୁର ବିବାହରେ ୯ ଲକ୍ଷ ଟଙ୍କା ଖର୍ଚ୍ଚ କରିଦେଇଥିଲେ, ଯାହାକି ସେତେବେଳେ ରାଜ୍ୟର ପାଖାପାଖି ୧୨,୦୦୦ ଲୋକଙ୍କ ବର୍ଷ ଯାକର ଆବଶ୍ୟକତା ପୂରଣ କରିପାରିଥାନ୍ତା। ତେବେ ଶେଷରେ ଜୁନାଗଡ଼ରେ ଜନମତ ସଂଗ୍ରହ ହୋଇଥିଲା ଏବଂ ସେଠାକାର ଲୋକେ ଭାରତ ସହିତ ରହିବା ପାଇଁ ରାଜି ହୋଇଥିଲେ। ପରେ ମହାବତ ଖାନ ପାକିସ୍ତାନ ପଳାଇ ଯାଇଥିଲେ।

Roshni

Recent Posts

ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା, ୩ ଅଭିଯୁକ୍ତ ଗିରଫ

ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…

5 mins ago

ହଜାର ହଜାର ପ୍ରଦର୍ଶନକାରୀ କେନିଆ ସଂସଦରେ ଲଗାଇଦେଲେ ନିଆଁ, ଭାରତ ନିଜ ନାଗରିକଙ୍କ ପାଇଁ ଜାରି କଲା ଆଡ୍‌ଭାଇଜରୀ

ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…

7 mins ago

କଟକରେ ଯାନବାହନ ସୁରକ୍ଷିତ ଚଳାଚଳ ଓ ପାର୍କିଂ ପାଇଁ କିଛି ରାସ୍ତାକୁ NO PARKING ZONE ଘୋଷଣା

କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…

14 mins ago

ଚାନ୍ଦବାଲି ପୋଲିସର ବର୍ବରତା: ଥାନା ଆଗରେ ମହିଳାଙ୍କୁ ନିର୍ଧୁମ ମାଡ଼

ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…

40 mins ago

ଜାଣନ୍ତୁ ଆଜିର ପେଟ୍ରୋଲ ଓ ଡିଜେଲ ଦର

ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୦୫ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…

49 mins ago

ଆସନ୍ତାକାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ

କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…

1 hour ago