ରାଇକିଆ(କେନ୍ୟୁଜ): ଆରେ ଆରେ ଇଏ କଣ । ଏମିତି ଗାଡି ଗୁଡାକ କାହିଁକି ଖସିଯାଉଛି । ବାପ୍ ରେ କି ବପଦ । ଯଦି ପଛ ପାଖରୁ କି ସାମ୍ନା ପଟରୁ କୋଉ ବଡ ଗାଡି ଆସୁଥିବ, ତେବେ କି ଅଘଟଣ ଘଟିବ ଟିକେ ଚିନ୍ତାକଲେ । ଆଉ ଭିଡିଓ କରୁଥିବା ଜଣେ ଯୁବକ ଏହି ରାସ୍ତାରେ ଆସୁଥିବା ସମସ୍ତଙ୍କୁ କହୁଛନ୍ତି-ଆଜ୍ଞା ଧିରେ ଧିରେ..୧୦ସ୍ପିଡ୍ ରେ ଚଲାଅ, ୧୦ସ୍ପିଡ୍ ରେ.. ।
ଏଭଳି କିଛି କହି ଲୋକଙ୍କୁ ସଚେତନ କରୁଛନ୍ତି । ଆଉ ଏପଟେ ରାସ୍ତା କଡରେ ଠିଆ ହୋଇଛନ୍ତି ଆଉ କିଛି ଜଣ । ତଥାପି ଦେଖିବାକୁ ମିଳିଥିଲା କି, ଯୁବକ ଜଣକ ସତର୍କ କରିବା ଭିତରେ ଦୁର୍ଘଟଣାର ଶୀକାର ହେଉଥାନ୍ତି କିଛି ବାଇକ ଚାଳକ । ରାସ୍ତାରେ ଆସୁଥାନ୍ତି ଆଉ ଠିକ୍ ବୁଲାଣି ବେଳେ ହିଁ ଖସିକି ପଡୁଥାନ୍ତି ।
ତେବେ ଏହି ଘଟଣା ହେଉଛି କନ୍ଧମାଳ ଜିଲ୍ଲାର କଳିଙ୍ଗା ଘାଟିର । ଯାହା ବର୍ତ୍ତମାନ ଦୁର୍ଘଟଣାର କେନ୍ଦ୍ରବିନ୍ଦୁ ପାଲଟିଛି । ଘାଟିର କିଛି ସ୍ଥାନରେ ତେଲ ପଡ଼ିଥିବା ଯୋଗୁଁ ଗୋଟାଏ ଦିନରେ ଦଶ ରୁ ଅଧିକ ବାଇକ୍ ଦୁର୍ଘଟଣାର ଶିକାର ହୋଇଛନ୍ତି ।
ଯାହାର ଲାଇଭ ଭିଜୁଆଲ୍ ଏବେ ଭାଇରାଲ୍ ହେବାରେ ଲାଗିଛି । ତେବେ କିଛି ବଦାନ୍ୟ ବ୍ୟକ୍ତିଙ୍କ ସହଯୋଗରେ ବହୁ ଲୋକ ଏହି ଦୁର୍ଘଟଣାରୁ ବର୍ତ୍ତି ଯାଇଛନ୍ତି । ଆଉ ଏହି ରାସ୍ତା କଡରେ ଛିଡା ହୋଇଥିବା ସଭିଏଁ, ଦୁର୍ଘଟଣାର ଶୀକାର ହେବାପରେ ଆହତ ହୋଇଛନ୍ତି ।
ତେବେ ଏହି ଘଟଣାକୁ ନେଇ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରାଯାଇନାହିଁ । ତେଣୁ ଏପରି ଦୁର୍ଘଟଣା ଏଠାରେ ଚାଲିରହିଛି । ଦୀର୍ଘ ଆଠ କିଲୋମିଟର ଏହି ଘାଟିର ବିଭିନ୍ନ ସ୍ଥାନରେ ଅଏଲ ପଡିଛି । ଯାହାଫଳରେ ରାସ୍ତାର ବୁଲାଣି ସ୍ଥାନରେ ବହୁ ଦୁର୍ଘଟଣା ଘଟୁଅଛି । କିଛି ବଡ ଦୁର୍ଘଟଣା ଘଟିବା ପୂର୍ବରୁ ଯଥାଶୀଘ୍ର ଏଥି ପ୍ରତି ଦୃଷ୍ଟିଦେବା ପାଇଁ ଅନୁରୋଧ କରିଛନ୍ତି ସ୍ଥାନୀୟ ଜନସାଧାରଣ ।
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…