ପୃଥିବୀ ପୃଷ୍ଠରୁ ଜୀବିତ ପ୍ରାଣୀ ଭାବରେ ପ୍ରଥମ ଥର ପାଇଁ ମହାକାଶକୁ ଯାଇଥିଲା “ଲାଇକା” ନାମକ ଏକ କୁକୁର । ୧୯୫୭ ମସିହା ଆଜିର ଦିନରେ ସୋଭିଏତ ସଙ୍ଘ ସ୍ପୁଟୋନିକ-2 ଯାନ ଲଞ୍ଚ କରିବା ସହ ଏହି ଯାନରେ ଲାଇକାକୁ ଅନ୍ତରୀକ୍ଷର ପୃଥିବୀ କକ୍ଷ ପଥରେ ପଠାଇଥିଲେ । କହିରଖିବା ଉଚିତ ହେବକି, ଲାଇକା ହେଉଛି ପ୍ରଥମ ଜୀବିତ ପ୍ରାଣୀ ଯାହାକୁ ମହାକାଶକୁ ପଠା ଯାଇଥିଲା । ସେସମୟରେ ଲାଇକାର ଓଜନ ୬ କିଲୋ ଥିବା ବେଳେ ସେ ମିକସଡ଼ ବ୍ରିଡ଼ ଫିମେଲ ଡଗ ପ୍ରଜାତିର ବୋଲି ଖବର ପ୍ରଚାରିତ ହୋଇଥିଲା । ସୋଭିଏତ ସ୍ପେସଫଲାଇଟ ପ୍ରୋଗ୍ରାମ ପାଇଁ ତାକୁ ବିଶେଷ ଭାବରେ ସଡ଼କରୁ ଉଠା ଯାଇଥିଲା ।
କାରଣ କମ ସ୍ଥାନ ଓ କଠିନ ସ୍ଥିତିରେ ପୁରୁଷ କୁକୁରଙ୍କ ତୁଳନାରେ ମହିଳା କୁକୁର ମାନେ ଅଧିକ ସଂଘର୍ଷ କରିପରିବା ସହ ତିଷ୍ଠି ପାରନ୍ତି । ଏହି କାରଣରୁ ହିଁ ଲାଇକାକୁ ଚୟନ କରାଯାଇଥିବା ନେଇ ବୈଜ୍ଞାନିକ ମାନେ କହିଥିଲେ । ସ୍ୟାଟେଲାଇଟରେ କିପରି ଜୀବିତ ରହିବ ଓ ମହାକାଶରେ କେମିତି ନିଜକୁ ଖାପ ଖୁଆଇବ ସେନେଇ ତାକୁ ପ୍ରଶିକ୍ଷଣ ବି ଦିଆଯାଇଥିଲା । ଲାଇକାକୁ ନେଇ ଯାଇଥିବା ସାଟେଲାଇଟ ପୃଥିବୀ ପୃଷ୍ଠ ଛାଡିବାର ପାଖାପାଖି ୫ ମାସ ପରେ ପରବର୍ଷ ଅର୍ଥାତ ୧୯୫୮ ମସିହା ଏପ୍ରିଲ ୧୪ ତାରିଖରେ ପୃଥିବୀ ବାୟୁମଣ୍ଡଳରେ ପ୍ରବେଶ କରିବା ସମୟରେ ସମ୍ପୂର୍ଣ୍ଣ ରୂପେ ଧ୍ବଂସ ହୋଇଯାଇଥିଲା ।
କିନ୍ତୁ ଲାଇକା କେତେ ସମୟ ପର୍ଯ୍ୟନ୍ତ ଜୀବିତ ରହିଥିଲା ତାହା ଏବେ ବି ରହସ୍ୟ ହୋଇ ରହିଛି । ମହାକାଶ ଗବେଷଣା ନେଇ ନିଜ ଜୀବନକୁ ଉତ୍ସର୍ଗ କରିଦେଇଥିଲା ସେହି ବାକ ଶକ୍ତି ହୀନ ସରଳ କୁକୁର । ରୁଷ ଭାଷାରେ “ଲାଇକା” ଶବ୍ଦର ଅର୍ଥ ହେଉଛି ଭୁକିବା । ଏହି କାରଣରୁ ହିଁ ତାର ନାମକରଣ ଏପରି ହୋଇଥିଲା । ତାର ସ୍ମୃତିରେ ୨୦୦୮ ମସିହାରେ ରୁଷର ରାଜଧାନୀ ମସ୍କୋ ଠାରେ ଲାଇକାର ଏକ ମୂର୍ତ୍ତି ସହ ଏକ ସ୍ମାରକ ନିର୍ମାଣ କରାଯାଇଛି ।
ଭୁବନେଶ୍ବର: ଆସନ୍ତା ୧୮ ତାରିଖରେ ଖୋଲିବ ରାଜ୍ୟର ସମସ୍ତ ବିଦ୍ୟାଳୟ। ପ୍ରଥମ ଦିନରୁ ହିଁ ଓଡ଼ିଶାର ସବୁ ବିଦ୍ୟାଳୟରେ ମଧ୍ୟାହ୍ନ…
ଗଞ୍ଜାମ: କାନ୍ଦ ବୋବାଳିରେ ଫାଟିପଡ଼ୁଛି ପୂରା ଗାଁ । କାହାରି ଆଖିରୁ ଶୁଖୁନି ଲୁହ । କୁନି କୁନି ପିଲା…
ସ୍ମାର୍ଟଫୋନ୍ କମ୍ପାନୀଗୁଡିକ ପାଇଁ ଭାରତ ଏକ ବଡ ବଜାର । ବର୍ଷର ବାର ମାସ, କମ୍ପାନୀମାନେ ସେମାନଙ୍କ ଫ୍ୟାନ୍ସ ଏବଂ…
ସରକାରୀ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । BECIL ରେ ଭର୍ତ୍ତି ପାଇଁ ଆବେଦନ ଗ୍ରହଣ କରାଯାଉଛି…
କୋରାପୁଟ : ମାଟି ଖୋଳିବା ବେଳେ ଅଘଟଣ । ମାଟି ତଳେ ଚାପିହୋଇ ୩ ମହିଳାଙ୍କ ମୃତ୍ୟୁ । ଘଟଣାସ୍ଥଳରୁ…
ଟେକ୍ନୋଲୋଜି ଦୁନିଆରେ ପ୍ରତ୍ୟେକ ଦିନ କିଛି ନା କିଛି ନୂଆ ଡିଭାଇସ୍ ପ୍ରସ୍ତୁତ କରାଯାଉଛି । ଏହି ଡିଭାଇସ୍ ଦ୍ୱାରା…