inage credit: freeimages.com
ସୁବର୍ଣ୍ଣପୁର (କେନ୍ୟୁଜ): ପ୍ରେମ ଶାଶ୍ୱତ ଓ ଚିରନ୍ତନ । ମାତ୍ର ପ୍ରେମରେ ସନ୍ଦେହ ଆସିଲେ ତାହା ଭୟଙ୍କର ପରିସ୍ଥିତି ସୃଷ୍ଟି କରିଥାଏ । ନିଜ ପ୍ରେମିକାକୁ ସନ୍ଦେହ କରି ଅତି ଜଘନ୍ୟ ଭାବେ ହତ୍ୟା କରି ପ୍ରମାଣ ନଷ୍ଟ ପାଇଁ .ଚେଷ୍ଟା କରିଥିବା ଭଳି ନୃଶଂସ କାଣ୍ଡ କରିଛି ଏକ ପ୍ରେମିକ । ଘଟଣାଟି ଘଟିଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ କେନଝିରିଆପାଲି ଗ୍ରାମପଞ୍ଚାୟତର ବଳିପାଲି ଗ୍ରାମରେ ।
ଘଟଣା ଅନୁଯାୟୀ, ସୋମବାର ସକାଳୁ କେନଝିରିଆପାଲି ପଞ୍ଚାୟତର ହିରାପାଲି ଗ୍ରାମ ନିକଟରେ ଏକ ବିଲରେ ଜଣେ ଯୁବତୀଙ୍କ ଅର୍ଦ୍ଧଦଗ୍ଧ ମୃତଦେହ ପଡ଼ିଥିବା ଲୋକେ ଦେଖି ପୋଲିସକୁ ଖବର ଦେଇଥିଲେ । ବୀରମହାରାଜପୁର ପୋଲିସ ଘଟଣା ସ୍ଥଳକୁ ପହଞ୍ଚି ମୃତଦେହ ଚିହ୍ନଟ କରିଥିଲା ।
ଯାହା ଜଣାପଡିଛି କି, ମୃତ ଯୁବତୀ ଜଣକ ସମ୍ବଲପୁର ଜିଲ୍ଲା କତରବା ଥାନା ଅନ୍ତର୍ଗତ ଲାଉବାହାଲ ଗ୍ରାମର କୂଳମଣି ପଟନିଆଁଙ୍କ ସାନ ଝିଅ ୨୪ ବର୍ଷିୟା ମନ୍ଦାକିନି ପଟନିଆଁ (୨୪) । ସୂଚନା ଅନୁସାରେ ମନ୍ଦାକିନିଙ୍କ ସହ ବଳିପାଲି ଗ୍ରାମର ଲିଙ୍ଗ ଦେହୁରୀ ମଧ୍ୟରେ ଦୀର୍ଘ ଦିନ ହେଲା ପ୍ରେମ ସମ୍ପର୍କ ଥିଲା । ଲିଙ୍ଗର ବୟସ ବି ସେହି ୨୪ ବର୍ଷ ହେବ । ତେବେ ଯୁବକ ନିଜ ପ୍ରେମିକାକୁ ଅନ୍ୟ ଜଣେ ଯୁବକଙ୍କ ସହିତ କଥା ହେଉଥିବା ନେଇ ସନ୍ଦେହ କରିଥିଲା ।
ଶନିବାର ଦିନ ମନ୍ଦାକିନୀଙ୍କୁ ପ୍ରେମିକ ଲିଙ୍ଗ ତା ଗ୍ରାମକୁ ବୁଲିବାକୁ ଯିବା କହି ଡାକିଥିଲା । ପ୍ରେମିକା ଜଣକ ବସ୍ ଯୋଗେ ସନ୍ଧ୍ୟା ବେଳେ ଆସି ଲୁତୁରପଙ୍କ ଛକରେ ଓହ୍ଲାଇ ଥିଲେ । ଯୁବକ ଜଣକ ତାଙ୍କୁ ସେଠାରୁ ସାଇକେଲରେ ନେଇଯାଇଥିଲା । ସେତେବେଳେ ଟିକିଏ ଅନ୍ଧାର ହୋଇଯାଇଥିଲା । ଉଭୟ ରାସ୍ତା ପାର୍ଶ୍ବରେ ସେମାନଙ୍କ ପ୍ରେମ ସମ୍ପର୍କକୁ ନେଇ ଅନେକ ଆଲୋଚନା କରିଥିଲେ । ଯାହା ଯୁକ୍ତିତର୍କରେ ପରିଣତ ହୋଇଥିଲା ।
ପ୍ରେମିକା ମନ୍ଦାକିନି ଅନ୍ୟ ଜଣେ ଯୁବକଙ୍କ ସହିତ କଥା ହେଉଥିବା ଏବଂ ସେହି ଯୁବକ ସହିତ ପ୍ରେମ ସମ୍ପର୍କରେ ଥିବା ପ୍ରେମିକ ଲିଙ୍ଗରାଜ କହିଥିଲା । ଉଭୟଙ୍କ ମଧ୍ୟରେ ଏହି କଥାକୁ ନେଇ ବେଶ ଯୁକ୍ତିତର୍କ ଉଗ୍ରରୂପ ନେଇଥିଲା । ଏଥିରେ ଉତକ୍ଷିପ୍ତ ହୋଇ ପ୍ରେମିକ ଲିଙ୍ଗରାଜ ଅତି ନର୍ମମ ଭାବେ ମନ୍ଦାକିନିକୁ ଜୀବନରୁ ମାରିଦେଇଥିଲା । ଏହାପରେ ଅଭିଯୁକ୍ତ ଲିଙ୍ଗ ଫେରାର ହୋଇଯାଇଥିଲା ।
ତେବେ ରବିବାର ଦିନ ଉକ୍ତ ଯୁବତୀଙ୍କ ମୃତଦେହ ହୀରାପାଲି ଗ୍ରାମର କିଛି ଦୂରରେ ଥିବା ଏକ ବିଲ ପଡିଥିବା .ଦେଖିଥିଲେ କିଛି ସ୍ଥାନୀୟ ଲୋକ । ଖବର ପାଇ ବୀରମହାରାଜପୁର ପୋଲିସକୁ ଖବର ଦେବା ପରେ, ପୋଲିସ୍ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିଥିଲା । ଏହାପରେ ତଦନ୍ତ ଆରମ୍ଭ କରି ସନ୍ଦେହରେ ବଳିପାଲି ଗ୍ରାମର ଲିଙ୍ଗରାଜ ଦେହୁରୀକୁ ଅଟକ ରଖି ପଚରା ଉଚରା ଜାରି ରଖିଛି ।
ଏପଟେ ଖବର ପାଇ ଝିଅର ବାପା କୂଳମଣି ବୀରମହାରାଜପୁର ଥାନାରେ ତାଙ୍କ ଝିଅକୁ ହତ୍ୟା କରିଥିବା ନେଇ ଲିଖିତ ଅଭିଯୋଗ କରିଥିବାବେଳେ, ଅଭିଯୋଗ ଆଧାରରେ ବୀରମହାରାଜପୁର ଥାନାରେ ଏକ ମାମଲା (କେସ ନଂ ୮୪/୨୪) ରୁଜୁ ହୋଇ ଅଧିକ ତଦନ୍ତ ଜାରି ରହିଥିବା ତଦନ୍ତ ଅଧିକାରୀ ଦୀପ୍ତି ରଞ୍ଜନ ଦିଗାଲ ସୂଚନା ଦେଇଛନ୍ତି । ଏପଟେ ଅନୁସନ୍ଧାନୀ କୁକୁର ସାହାଯ୍ୟରେ ଅଧିକ ତଦନ୍ତ ଜାରି ରହିଛି ପୋଲିସ୍ ।
ରେଢାଖୋଲ(କେନ୍ୟୁଜ): ଘର ଭିତରେ ମୃତଦେହ। ଉଦ୍ଧାର ହେଲା କନିଷ୍ଠ କିରାଣିଙ୍କ ମୃତଦେହ । ମୃତକ ରେଢାଖୋଲ ନାକଟିଦେଉଳ ତହସିଲ କାର୍ଯ୍ୟାଳୟରେ…
ରାଉରକେଲା(କେନ୍ୟୁଜ): ଚୋରମାନେ ଘର, ଦୋକାନ, ବଜାର ଓ ମନ୍ଦିରରୁ ଚୋରି କରୁଥିବା ତ ଆପଣମାନେ ଜାଣିଥିବେ । କିନ୍ତୁ ଚୋରମାନେ…
ଭଞ୍ଜନଗର(କେନ୍ୟୁଜ): ଓଡ଼ିଶାର ଗଣ ପର୍ବ ରଜ । ଏଥିପାଇଁ ଉତ୍ସବ ମୁଖର ଗାଆଁଠୁ ସହର । ବସୁଧା, ପ୍ରକୃତି ମାତାଙ୍କୁ…
ନୂଆଦିଲ୍ଲୀ:ଚସ୍ପତି ପଦକୁ ନେଇ ତେଜିଲା ବିବାଦ। ଆସନ୍ତା ୨୪ ତାରିଖରୁ ଆରମ୍ଭ ହୋଇ ଜୁଲାଇ ୩ ତାରିଖ ପର୍ଯ୍ୟନ୍ତ ଚାଲିବ…
ଜଳେଶ୍ୱର (କେନ୍ୟୁଜ): ନିଜର ବିବାହ ଉତ୍ସବକୁ ସ୍ମରଣୀୟ କରିବା ପାଇଁ ଆଜିର ଯୁବପିଢୀ ଭିନ୍ନ ଭିନ୍ନ ଢଙ୍ଗରେ ଏହାକୁ ପାଳନ…
କେନ୍ୟୁଜ (ବ୍ୟୁରୋ) : ବିଭାଗ ବଣ୍ଟନ ସରିଛି । ଏବେ ଦାୟିତ୍ୱ ନେବା ପରେ ମନ୍ତ୍ରୀମାନଙ୍କ ଆଗରେ ରହିବ ଅନେକ ଚ୍ୟାଲେଞ୍ଜ…