ଏହି ଖାଦାନରୁ ହୀରା ପାଇ ବହୁତ ଲୋକ ହୋଇସାରିଲେଣି କୋଟିପତି, ସରକାର ମଧ୍ୟ କରୁନାହାନ୍ତି ଏଥିରେ ହସ୍ତକ୍ଷେପ

ଭାବନ୍ତୁ ଯଦି ଆପଣଙ୍କୁ ଏକ ହୀରା ଖାଦାନରେ ଛାଡି ଦିଆଯାଇଛି ଏବଂ ଆପଣଙ୍କୁ ସେହି ସମୟରେ ଗୋଟେ ମିଳିଯାଇଛି ତେବେ ଆପଣ କଣ କରିବେ? ନିହାତି ଆପଣ ସେହି ପାଇଥିବା ହୀରାଟିକୁ ସରକାର କିମ୍ବା ଉକ୍ତ ହୀରାର ମାଲିକକୁ ଦେଇଦେବେ। କିନ୍ତୁ ଦୁନିଆରେ ଏମିତି ଏକ ହୀର ଖାଦାନ ରହିଛି ଯେଉଁଠାରେ ଯଦି ଆପଣଙ୍କୁ କୌଣସି ମୂଲ୍ୟବାନ ହୀରା ମିଳିଯାଏ ତେବେ ତାହା ଆପଣଙ୍କ ହିଁ ହୋଇଯିବ । ଏହି ହୀରା ଖାଦାନଟି କ୍ରେକର ଅଫ୍ ଢାଏମଣ୍ଡ ନାମରେ ପରିଚିତ ।

ତେବେ ଏହି ହୀରା ଖାଦାନାକୁ ଯିବାକୁ ହେଲେ ଏକ ଛୋଟ ଫିସ୍ ଦେବାକୁ ପଡିଥାଏ । ଏହି ଖାଦାନଟି ଆମେରିକର ଅରଙ୍କାସାସ୍ ଷ୍ଟେଟ୍ ପାଇକ୍ କାଉଣ୍ଟିର ମରଫ୍ରେସବୋରୋ ରେ ଅବସ୍ଥିତ । ଏହି ନ୍ୟାସନାଲ୍ ପାର୍କର ୩୭.୫ଏକର ଜମି ଉପରେ ଆପଣଙ୍କୁ ହୀରା ମିଳିଯିବ । ଏଠାରେ ୧୯୦୬ରୁ ହୀରା ମିଳିବା ଆରମ୍ଭ ହୋଇଥିଲା ।

ତେବେ ୧୯୦୬ ମସିହାରୁ ଉକ୍ତ ସ୍ଥାନଟିକୁ ବ୍ୟବସାୟିକ ରୂପରେ ହୀରା ଉତ୍ପାଦନ କ୍ଷେତ୍ର ଭାବେ ବିବେଚିତ କରିବା ପାଇଁ ବହୁ ଚେଷ୍ଟା କରାଯାଇଥିଲେ ମଧ୍ୟ ତାହା ସଫଳ ହୋଇପାରିନଥିଲା । ଯାହାଫଳରେ ଏହା ସର୍ବସାଧାରଣଙ୍କ ପାଇଁ ଖୋଲି ଦିଆଯାଇଥିଲା । ଏହି ସ୍ଥାନରେ ଲୋକଙ୍କୁ ହଜାର ହଜାର ହୀରା ମିଳିସାରିଲାଣି ।

ଅଧିକାରୀଙ୍କ ମୁତାବକ ୧୯୭୨ରୁ ଏବେ ଯାଏ ୩୧,୦୦୦ ହୀରା ମିଳିସାରିଛି । ଏଠାରୁ ୨୪କ୍ୟାରେଟର ଏକ ଅଙ୍କଲ ସେମ୍ ମଧ୍ୟ ମିଳିସାରିଛି । ଏହା ଆମେରିକାରେ ମିଳିଥିବା ସବୁଠାରୁ ବଡ ହୀରା । ଅଧିକାଂଶ ବହୁତ ଛୋଟ ଆକାରର ହୀରା ମିଳିଥାଏ । ଚାରି ରୁ ପାଞ୍ଚ କ୍ୟାରେଟର ହୀରା ହଜାର ଡଲାରରେ ବିକ୍ରି ହୋଇଥାଏ । ଏଠାରେ ହୀରା ପାଇଁ ବହୁ ଲୋକଙ୍କ ଭିଡ ଜମିଥାଏ ।